Дыргъы амалиуӕгад ратдзӕн фӕткъуы ӕфсӕддон госпиталӕн

Дыргъы амалиуӕгад ратдзӕн фӕткъуы ӕфсӕддон госпиталӕн

9
"Южный сад" у Хуссар Ирыстоны территоритыл аграрон инвестпроекты ӕвӕрццӕг дӕнцӕг. 2020 азы рарвыста 350 тоннӕйы фӕткъуы фӕсарӕнты базармӕ.

ЦХИНВАЛ, 26 окт - Sputnik, Хъуылымбегты Азӕмӕт. Аграрон хӕдзӕрад "Южной сад" йӕ тыллӕджы иу хай ратдзӕн ӕфсӕддон-быдырон госпиталӕн, кӕцы ӕрбынат кӕндзӕн Цхинвалы стадионы коронавирусӕй рынчынтӕн хос кӕныны нысанӕн, фехъусын кодтой Sputnik амалиуӕгады дирекцийы.

Уӕрӕсейы ӕфсӕддон медиктӕ Хуссар Ирыстонмӕ ӕрцӕудзысты дыццӕджы.

Хуссар Ирыстоны егъау хъӕууон хӕдзарадон амалиуӕгадӕн уый сӕ иунӕг гуманитарон акци нӕу. Дыргътӕ уыдон уарынц дыккаг аз. Ацы фӕззӕг ӕххуыс райстой ахуырад ӕмӕ ӕнӕниздзинад хъахъхъӕнынады уагдӕттӕ.

"Инвесторы хӕслӕвӕрдмӕ гӕсгӕ ныр дыккаг аз тыллӕджы иу хай (50 тонн) лӕвӕрд цӕуы скъолатӕн ӕмӕ сабидӕттӕн Цхинвалы, ХИПУ-йӕн, колледжтӕн, Зӕрӕдты хӕдзарӕн ӕмӕ ӕххуысхъуаг бинонтӕн. Тыллӕгӕй радтой районтӕ ӕмӕ горӕт Къуайсайӕн дӕр" ,- загътой уагдоны.
Уым ма бафтыдтой, ӕххуысы иу гуырахст та ацӕудзӕн ӕнӕниздзинад хъахъхъӕнынады хаххыл.

"Рынчындӕттӕн ӕмӕ госпиталӕн фӕткъуы лӕвӕрд цӕудзӕн канд медперсоналы фаг нӕ, фӕлӕ ма пациенттӕн дӕр", - фехъусын кодтой уагдоны.

"Южный сад" у Хуссар Ирыстоны территоритыл аграрон инвестпроекты ӕвӕрццӕг дӕнцӕг. 2020 азы рарвыста 350 тоннӕйы фӕткъуы фӕсарӕнты базармӕ.

9
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

2
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
2