Пандеми

Хуссар Иры ноджы иу адӕймаг амард коронавирусӕй

10
(ранӕуӕггонд 11:03 27.10.2020)
Нӕлгоймаг амард инфекцион рынчындоны, цыд ыл 65 азы, фехъусын кодтой "Югосетпотребнадзор"-ы

ЦХИНВАЛ, 27 окт - Sputnik, Козаты Диана. Хуссар Ирыстоны ноджы иу адӕймаг амард коронавирусӕй, фехъусын кодта республикӕйы сӕйраг санитарон дохтыр Коцты Марина.

Раздӕр COVID-19 ахаста дыууӕ адӕймаджы – 83-аздзыд нӕлгоймаг ӕмӕ 88-аздзыд сылгоймаджы цард. Ноджы ма иу 47-аздзыд нӕлгоймаг та ивгъуыд къуыри амард пневмонийӕ. Коронавирус сбӕрӕг кӕныны тест уымӕн равдыста ӕппӕрццаг фӕстиуӕг.

"Ноджы ма иу пациент коронавирусимӕ амард рынчындоны, нӕлгоймагыл цыд 65 азы", - загъта Коцты Марина.

 Цхинвалы дыццӕджы йӕ куыст срӕвдз кӕндзӕн УФ хъахъхъӕнынады министрады мобилон госпиталь. Уый ӕрбынат кӕндзӕн горӕты стадионы ӕмӕ нымад уыдзӕн 150 рынчыныл.

10
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы бӕрц фыдгӕнӕджы ӕрурӕдтой

0
(ранӕуӕггонд 11:04 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бикъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

0
Ногазон Цхинвал

Куыд банысан кӕндзӕн Хуссар Ир Ног аз пандемийы уавӕрты

5
(ранӕуӕггонд 10:26 27.11.2020)
Коронавирусы пандемийы фӕдыл арӕнӕвӕрдтӕ республикӕйы адарддӕр кодтой 15 декабры онг. Фӕлӕ ӕрӕввахс кӕнынц ногазон бӕрӕгбонтӕ, кӕцытыл алыхатт дӕр ӕмбӕлдысты хъӕлдзӕгӕй ӕмӕ уӕрӕхӕй. Куыд сӕмбӕлдзысты ахӕм уавӕрты 2021 азыл Хуссар Ирыстоны?

ЦХИНВАЛ, 27 ноя - Sputnik, Техты Дзерассӕ. Хуссар Ирыстоны культурӕйы министры хӕстӕ ӕххӕстгӕнӕг Зассеты Жанна радзырдта Sputnik, цавӕр ногазон мадзӕлттӕ ауадздзысты республикӕйы, коронавирусы пандемийы фӕдыл арӕнӕвӕрдтӕ хынцгӕйӕ.

"Республикӕйы 15 декабры онг тобӕгонд сты культурон-хиирхӕфсӕн мадзӕлттӕ. Фӕлӕ оперштаб куы аскъуыддзаг кӕна каратнин мауал адарддӕр кӕнын, уӕд мах цӕттӕ стӕм. Куыд фӕндыйӕ дӕр бакӕндзыстӕм горӕты наз бӕлас ӕмӕ ауадздзыстӕм чысыл хиирхӕфсӕн мадзӕлттӕ, фӕлӕ уыдонӕн нӕ уыдзӕн массон характер", - загъта министрады сӕргълӕууӕг.

Фӕсивӕдон политикӕ ӕмӕ спорты комитеты сӕргълӕууӕджы хӕдивӕг Гатыгкоты Валентина куыд фехъусын кодта, афтӕмӕй та ацы аз дӕр нывӕзты ис "Афӕдзы ӕвзонг адӕймаг"-ы схорзӕх кӕныны церемони ауадзын, фӕлӕ пандемийы тыххӕй дырыс датӕ нырма бӕрӕг нӕу.

Куыд банысан кӕндзысты районтӕ?

Цхинвалы районы сӕргълӕууӕг Мамытаты Вахтангы ныхӕстӕм гӕсгӕ, бӕрӕгбонон мадзӕлттӕ ацы аз ацӕудзысты минималон программӕмӕ гӕсгӕ – сабидӕтты ӕмӕ скъолаты байуардзысты ногазон лӕвӕрттӕ.

Ленингоры районы хистӕр Мамытаты Виталий дӕр фехъусын кодта  Sputnik, зӕгъгӕ, кӕд арӕнӕвӕрдтӕ ист ӕрцӕуой, уӕд ногазон бӕрӕгбӕттӕ ацӕудзысты иннӕ ӕзты хуызӕн. Ацы аз балхӕдтой ног аппаратурӕ ӕмӕ ифтонгад, гирляндӕтӕ.

 Дзауы районы пандемийы уавӕрты ӕрмӕстдӕр бӕрӕгбонон фӕлынд скӕндзысты поселочы.

"Кӕд ӕмӕ карантин аивай, уӕд та мадзӕлттӕ ацӕудзысты куыд ӕмбӕлы, афтӕ", - загъта районы сӕргълӕууӕг Джиоты Андрей.

Хуссар Ирыстоны 15 декабры онг ис арӕнӕвӕрдтӕ, ӕхгӕд сты ахуырадон уагдӕттӕ райдиан скъолайӕ дарддӕр, тобӕгонд сты массон мадзӕлттӕ.

5