Волонтертӕ Хуссар Ирӕй арвыстой Бӕдойты Зӕринӕйы хыгъдмӕ ӕрдӕг милуан соммӕ ӕввахс

Волонтертӕ Хуссар Ирӕй арвыстой Бӕдойты Зӕринӕйы хыгъдмӕ ӕрдӕг милуан соммӕ ӕввахс

5
(ранӕуӕггонд 14:43 27.10.2020)
Хуссар Ирыстоны октябры райдайӕны райдыдта акци Бӕдойты Зӕринӕйӕн ӕххуысӕн, кӕцыйӕн сӕвӕрдтой фæсонты-хæцъæфты атрофийы диагноз. Республикӕйы столицӕ ӕмӕ хъӕуты сӕвӕрдтой асыкктӕ ӕхца ӕмбырд кӕнынӕн

ЦХИНВАЛ, 27 окт — Sputnik, Гӕбӕраты Элина. Бархионтӕ Хуссар Ирыстонӕй арвыстой Бӕдойты Зӕринӕйы хыгъдмӕ фыццаг суммӕ, кӕцы ӕрӕмбырд кодтой акцийы фӕлгӕтты.

Чызгӕн ис генетикон низ - фæсонты-хæцъæфты атрофи. Ацы низы хосы аргъ у 150 милуан сомӕй фылдӕр.

Ӕхцайы фӕрӕзтӕ ӕмбырд кӕнынц ӕрмӕст Хуссар Ирыстоны нӕ, фӕлӕ ӕппӕт Уӕрӕсейы дӕр. Чызгӕн ӕххуыс кӕнынц номдзыд спортсментӕ, актертӕ, амонджытӕ ӕмӕ блогертӕ.

"Мах систам ӕхцатӕ асыккты фылдӕр хайӕ. Иннӕтӕм мах нӕ бавнӕлдтам – кӕцыдӕр асыкктӕ сты дард хъӕуты, кӕцыдӕр дуканитӕ та уыцы рӕстӕджы ӕхгӕд уыдысты", - радзырдта Sputnik акцийы организатор Дыгъуызты Вадим.

Акцийы фӕлгӕтты ӕрӕмбырд кодтой 425 мин сомы, бафтыдта уый.

Хуссар Ирыстоны Национ банчы сӕргълӕууӕг Джиоты Жанна радта фадат бархионтӕн, цӕмӕй ацы фӕрӕзтӕ ӕнӕ процентӕй арвитой. Къуырисӕры, 26 октябры, ӕхцатӕ арвыстой Бӕдойты Зӕринӕйы фыды хыгъдмӕ.

Чызджы ныййарджытӕ фӕдзырдтой акцийы организатортӕм ӕмӕ загътой бузныг ӕппӕт ирон адӕмӕн.

"Зӕринӕйы фыд дзырд радта, йӕ чызг кӕй зондзӕн чи йын ӕххуыс кодта, уыдоны. Афтӕ ма банысан кодта, алцыдӕр хорз куы уа, уӕд кӕй ӕрцӕудзысты Хуссар Ирыстонмӕ", - бафтыдта Дыгъуызты Вадим.

Хуссар Ирыстоны октябры райдайӕны райдыдта акци Бӕдойты Зӕринӕйӕн ӕххуысӕн, кӕцыйӕн сӕвӕрдтой фæсонты-хæцъæфты атрофийы диагноз. Хос кӕнынӕн хъӕуы ӕрӕмбырд кӕнын 155 милуан сомы, уыдонӕй чызджы ныццарджытӕм ныридӕгӕн ис 81,6 милуан сомы.

5
Мегафон

"Мегафон-Хуссар Ир"-ы директор бамбарын кодта архивон тарифты ӕргъты фӕфылдӕры аххосаг

0
(ранӕуӕггонд 11:34 28.07.2021)
Чырон бастдзинады оператор фехъусын кодта, 3 августӕй кӕцыдӕр тарифты ӕргътӕ кӕй схиздзысты 50 процентӕй фылдӕры бӕрц

ЦХИНВАЛ, 28 июл – Sputnik, Козаты Диана. Хуссар Ирыстоны чырон бастдзинады иунӕг оператор фехъусын кодта августы райдианӕй архивон тарифтыл лӕггӕдты ӕргъты фӕфылдӕры тыххӕй. 

Уыдонӕй фӕдзурыны аргъ хӕдзарон регионы "Отселеком"-ы номыртӕм схиздзӕн 1,6 соммӕ иу минутӕн. Ныртӕккӕ абонӕнттӕн иу минут телефонӕй адзурын лӕууы иу сомы. Компанийы директор Николай Фирсов радзырдта Sputnik, цӕимӕ баст у ӕргъты фӕфылдӕр, уый тыххӕй.

Директор компании Мегафон - Южная Осетия Николай Фирсов
© Sputnik / Диана Козаева
"Отселеком"-ы директор Николай Фирсов

"Кӕй зӕгъын ӕй хъӕуы, ахӕм фактортӕ, куыд инфляцийы рӕзт ӕмӕ нӕ валютон бахыгъдтӕ ӕндавынц бастдзинады ӕргътыл дӕр. Тарифон плантӕ "Отличный", "Южный", "Универсальный" ӕмӕ "Универсальный ВИП" сты ахӕм плантӕ, кӕцыты бакондӕуыд дӕсӕй фылдӕр азы размӕ бынтон ӕндӕр экономикон уавӕрты. Абон уыдон хизынц архивон категоримӕ", - радзырдта Фирсов.

Компанийы директор бамбарын кодта, зӕгъгӕ, уыдон сты ахӕм продукттӕ, кӕцытӕ нал хауынц модернизацимӕ ӕмӕ сӕм ног абонентты нал иу кӕнынц къорд технологион ӕмӕ экономикон домӕнты тыххӕй.

"Уымӕ гӕсгӕ, 3 августӕй махмӕ сӕ тыхы бацӕудзысты архивон планты ивындзинӕдтӕ. Уый тыххӕй мах закъонмӕ гӕсгӕ  развӕлгъау фехъусын кодтам нӕ абоненттӕн. Уымӕ гӕсгӕ ӕнхъарӕм ахъуыды кӕнын бирӕ хӕрзвадатдӕр тарифты тыххӕй", - загъта уый.

"Остелеком"-ы сӕргълӕууӕг банысан кодта, оператор кӕй нӕ хъавы архивон плантӕ бынтондӕр хицӕн кӕнын.

0
Гафезы уынг

Цхинвалы хай ӕртыццӕджы цалдӕр сахатмӕ баззайдзӕн ӕнӕ рухсӕй

8
(ранӕуӕггонд 09:51 28.07.2021)
Рухс нӕ уыдзӕн 16.00 сахаты онг, банысан кодтой Паддзахадон унитарон куыстуат "Энергоресурс"-ы

ЦХИНВАЛ, 28 июл — Sputnik. Хуссар Ирыстоны столицӕйы хуссар хай ӕртыццӕджы цалдӕр сахатмӕ баззайдзӕн ӕнӕ рухсӕй, фехъусын кодтой Паддзахадон унитарон куыстуат "Энергоресурс"-ы.

Электроифтонгад ахицӕн кӕндзысты Гафезы уынгыл.

"Цалцӕггӕнӕн куыстыты тыххӕй ӕртыццӕджы, 28 июлы, электроэнерги ахицӕн кӕндзысты Гафезы уынгыл 10.00 сахатӕй", - банысан кодтой "Энергоресурс"-ы

Уагдоны бафтыдтой, зӕгъгӕ, электроэнерги ратдзысты 16.00 сахатыл.

8