Цхинвалы рынчындон

Хуссар Иры пневмонийӕ амард 81-аздзыд сылгоймаг

4
(ранӕуӕггонд 15:56 27.10.2020)
Сылгоймаджы уӕззау уавӕры рынчындонмӕ баластой къуырисӕры изӕры. Ӕнӕниздзинад хъахъхъӕныны министрады бӕлвырд ницы загътой, рынчынӕн коронавирус рабӕрӕг ис ӕви нӕ, уый тыххӕй

ЦХИНВАЛ, 27 окт — Sputnik, Козаты Диана. Цхинвалы рынчындоны пневмонийӕ амард ноджы иу пациенткӕ, фехъуын кодта Ӕнӕниздзинад хъахъхъӕныны министры хӕдивӕг Цоциты Алла.

Раздӕр республикӕйы сӕйраг санитарон дохтыр фехъусын кодта, коронавирусӕй рынчындоны кӕй амард 65-аздзыд нӕлгоймаг.

"Пневмонийӕ фӕзиан 81-аздзыд сылгоймаг, уый знон изӕр уӕззау уавӕры баластой рынчындонмӕ", – загъта Цоциты Алла.

Министры хӕдивӕг бӕлвырд ницы загътой, рынчынӕн коронавирус рабӕрӕг ис ӕви нӕ, уый тыххӕй.

Хуссар Ирыстоны COVID-19-ы амӕттаг баисты ныр ӕртӕ адӕймаджы, иу нӕлгоймаг та амард пневмонийӕ. Ӕдӕппӕт пандемийы райдианӕй коронавирусӕй фӕрынчын сты 623 адӕймаджы.

Дыццӕджы республикӕйы бакӕндзысты УФ Хъахъхънынады министрады ӕфсӕддон-быдырон госпиталь.        

4
Мегафон

"Мегафон-Хуссар Ир"-ы директор бамбарын кодта архивон тарифты ӕргъты фӕфылдӕры аххосаг

2
(ранӕуӕггонд 11:34 28.07.2021)
Чырон бастдзинады оператор фехъусын кодта, 3 августӕй кӕцыдӕр тарифты ӕргътӕ кӕй схиздзысты 50 процентӕй фылдӕры бӕрц

ЦХИНВАЛ, 28 июл – Sputnik, Козаты Диана. Хуссар Ирыстоны чырон бастдзинады иунӕг оператор фехъусын кодта августы райдианӕй архивон тарифтыл лӕггӕдты ӕргъты фӕфылдӕры тыххӕй. 

Уыдонӕй фӕдзурыны аргъ хӕдзарон регионы "Отселеком"-ы номыртӕм схиздзӕн 1,6 соммӕ иу минутӕн. Ныртӕккӕ абонӕнттӕн иу минут телефонӕй адзурын лӕууы иу сомы. Компанийы директор Николай Фирсов радзырдта Sputnik, цӕимӕ баст у ӕргъты фӕфылдӕр, уый тыххӕй.

Директор компании Мегафон - Южная Осетия Николай Фирсов
© Sputnik / Диана Козаева
"Отселеком"-ы директор Николай Фирсов

"Кӕй зӕгъын ӕй хъӕуы, ахӕм фактортӕ, куыд инфляцийы рӕзт ӕмӕ нӕ валютон бахыгъдтӕ ӕндавынц бастдзинады ӕргътыл дӕр. Тарифон плантӕ "Отличный", "Южный", "Универсальный" ӕмӕ "Универсальный ВИП" сты ахӕм плантӕ, кӕцыты бакондӕуыд дӕсӕй фылдӕр азы размӕ бынтон ӕндӕр экономикон уавӕрты. Абон уыдон хизынц архивон категоримӕ", - радзырдта Фирсов.

Компанийы директор бамбарын кодта, зӕгъгӕ, уыдон сты ахӕм продукттӕ, кӕцытӕ нал хауынц модернизацимӕ ӕмӕ сӕм ног абонентты нал иу кӕнынц къорд технологион ӕмӕ экономикон домӕнты тыххӕй.

"Уымӕ гӕсгӕ, 3 августӕй махмӕ сӕ тыхы бацӕудзысты архивон планты ивындзинӕдтӕ. Уый тыххӕй мах закъонмӕ гӕсгӕ  развӕлгъау фехъусын кодтам нӕ абоненттӕн. Уымӕ гӕсгӕ ӕнхъарӕм ахъуыды кӕнын бирӕ хӕрзвадатдӕр тарифты тыххӕй", - загъта уый.

"Остелеком"-ы сӕргълӕууӕг банысан кодта, оператор кӕй нӕ хъавы архивон плантӕ бынтондӕр хицӕн кӕнын.

2
Гафезы уынг

Цхинвалы хай ӕртыццӕджы цалдӕр сахатмӕ баззайдзӕн ӕнӕ рухсӕй

8
(ранӕуӕггонд 09:51 28.07.2021)
Рухс нӕ уыдзӕн 16.00 сахаты онг, банысан кодтой Паддзахадон унитарон куыстуат "Энергоресурс"-ы

ЦХИНВАЛ, 28 июл — Sputnik. Хуссар Ирыстоны столицӕйы хуссар хай ӕртыццӕджы цалдӕр сахатмӕ баззайдзӕн ӕнӕ рухсӕй, фехъусын кодтой Паддзахадон унитарон куыстуат "Энергоресурс"-ы.

Электроифтонгад ахицӕн кӕндзысты Гафезы уынгыл.

"Цалцӕггӕнӕн куыстыты тыххӕй ӕртыццӕджы, 28 июлы, электроэнерги ахицӕн кӕндзысты Гафезы уынгыл 10.00 сахатӕй", - банысан кодтой "Энергоресурс"-ы

Уагдоны бафтыдтой, зӕгъгӕ, электроэнерги ратдзысты 16.00 сахатыл.

8