ЦХИНВАЛ, 29 окт - Sputnik. Хуссар Ирыстоны хицауад снысан кодта республикӕйы базарадон минӕварӕй Уӕрӕсейы Гогинов Таймуразы, хъусын кӕны министрты кабинеты пресс-службӕ.
"Гогинов Таймураз йӕхицӕн скодта эффективон менеджеры ном, Хуссар Ирыстоны ӕнтыстджындӕр амалиуӕгадтӕй иуы ӕмхицау уӕвгӕйӕ. Уый ма архайы ӕхсӕнадӕмон фӕзуӕттыл республикӕйы интерестӕ фидар кӕныныл дӕр", - ахӕм характеристикӕ радта президент Бибылты Анатолий хицауады рабадты.
Цыбыр биографи
- Гогинов Таймураз райгуырд 2 сентябры 1981 азы.
- 2003 азы каст фӕцис Цӕгат-Кавказаг паддзахадон технологион университет, райста дӕсниад "Финансы и кредит".
- 2009 азы фӕцис УФ хицауады цур финансон академи, факультет - "Рынок ценных бумаг и биржевое дело".
- 2003 - 2005 ӕзты куыста Цӕгат Иры президенты цур инвестицион программӕты департаменты финансистӕй.
- 2005- 2006 ӕзты куыста РХИ информаци ӕмӕ мыхуыры комитеты сӕрдары хӕдивӕгӕй.
- 2010- 2012-ӕзты куыста ООО "Концерн ВВ-Груп"-ы.
- 2013 азӕй абоны онг у ООО "РУССАН"-ы генералон директор, 2017 азы январӕй фӕстӕмӕ та - ООО "Винодельня Иронсан"-ы бындурӕвӕрӕг.