Уӕрӕсейаг ӕфсӕддонтæ сдезинфекци кодтой Цхинвалы уынгтæ æмæ базарадон объекттæ

Уӕрӕсейаг ӕфсӕддонтæ сдезинфекци кодтой Цхинвалы уынгтæ æмæ базарадон объекттæ

10
(ранӕуӕггонд 11:41 30.10.2020)
Уазӕг специалисттӕ сӕ куыст сцайдагъ кодтой цыппӕрӕмы. Фыццаг уал сӕ хъусдарды бын уыдысты Цхинвалы дыууӕ сӕйраг магистраль - Сталины уынг ӕмӕ Джиоты Аланы проспект. Майрӕмбоны ӕрцыд Хъайтары уынджы рад

ЦХИНВАЛ, 30 окт — Sputnik, Плиты Фатимӕ. Уӕрӕсейаг ӕфссӕдон-быдырон госпиталы санитарон къорд пырх кӕнын сӕрмагонд ӕрмӕгӕй Хуссар Ирыстоны столицӕйы уынгтӕ. 

Уазӕг специалисттӕ сӕ куыст сцайдагъ кодтой цыппӕрӕмы. Фыццаг уал сӕ хъусдарды бын уыдысты Цхинвалы дыууӕ сӕйраг магистраль - Сталины уынг ӕмӕ Джиоты Аланы проспект. Майрӕмбоны ӕрцыд Хъайтары уынджы рад.

Российские военные дезинфицируют торговые объекты в Цхинвале
© Sputnik / Наталья Айриян
Уӕрӕсейаг ӕфсӕддонтæ сдезинфекци кодтой Цхинвалы уынгтæ æмæ базарадон объекттæ

Сӕумӕрайсом ӕфсӕдонты уӕзласӕн хӕдулгӕтӕ ирон ӕмӕ уӕрӕсейаг тырысатимӕ, автоинспекцийы хӕдтулгӕты ӕрхъулайӕ сӕ балц райдыдтой горӕты стадионы цурӕй. 

Сӕрмагонд таддаг пырх цыд асфальты уӕлцъарыл, фонтаны пырхӕнты бын-иу фесты фӕндаггӕрон лӕууӕг хӕдтулгӕтӕ.

"Рынчындоны тӕф кӕнын горӕт. Иутӕ хъаст дӕр кӕнынц, ома  ацы дезинфекци хъыг кӕны ӕнӕниздзинадӕн. Фӕлгӕ ныртӕккӕ уыцы бынаты не стӕм, цӕмӕй ӕвзарӕм. Ӕрмӕст нын ацы вирус фӕсурӕт",- загъта горӕты цӕрӕг Заира.

Сабаты ӕфсӕддонтӕ фӕнд кӕнынц сӕ куыст адарддӕр кӕнын Цхинвалы, уӕд та сӕ  хъусдарды бын уыдзӕн рог сӕудӕджерады объект - БТК.

Российские военные дезинфицируют торговые объекты в Цхинвале
© Sputnik / Наталья Айриян
Уӕрӕсейаг ӕфсӕддонтæ сдезинфекци кодтой Цхинвалы уынгтæ æмæ базарадон объекттæ

Хуссары Ирыстоны фӕстаг мӕй фӕкарздӕр ис коронавирусы фӕдыл уавӕр. Медкластеры объекттӕ рынчынтыл кӕй нал ӕххӕссынц, уымӕ гӕсгӕ республикӕйы размынад ракуырдта ӕххуыс Уӕрӕсейӕ. Дыццӕджы ӕфсӕддон-быдырон госпиталь ӕрхӕццӕ Цхинвалмӕ.

10
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы аргъ фыдгӕнӕджы ӕрурӕдтой

5
(ранӕуӕггонд 11:50 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бихъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

5
Ногазон Цхинвал

Куыд банысан кӕндзӕн Хуссар Ир Ног аз пандемийы уавӕрты

6
(ранӕуӕггонд 10:26 27.11.2020)
Коронавирусы пандемийы фӕдыл арӕнӕвӕрдтӕ республикӕйы адарддӕр кодтой 15 декабры онг. Фӕлӕ ӕрӕввахс кӕнынц ногазон бӕрӕгбонтӕ, кӕцытыл алыхатт дӕр ӕмбӕлдысты хъӕлдзӕгӕй ӕмӕ уӕрӕхӕй. Куыд сӕмбӕлдзысты ахӕм уавӕрты 2021 азыл Хуссар Ирыстоны?

ЦХИНВАЛ, 27 ноя - Sputnik, Техты Дзерассӕ. Хуссар Ирыстоны культурӕйы министры хӕстӕ ӕххӕстгӕнӕг Зассеты Жанна радзырдта Sputnik, цавӕр ногазон мадзӕлттӕ ауадздзысты республикӕйы, коронавирусы пандемийы фӕдыл арӕнӕвӕрдтӕ хынцгӕйӕ.

"Республикӕйы 15 декабры онг тобӕгонд сты культурон-хиирхӕфсӕн мадзӕлттӕ. Фӕлӕ оперштаб куы аскъуыддзаг кӕна каратнин мауал адарддӕр кӕнын, уӕд мах цӕттӕ стӕм. Куыд фӕндыйӕ дӕр бакӕндзыстӕм горӕты наз бӕлас ӕмӕ ауадздзыстӕм чысыл хиирхӕфсӕн мадзӕлттӕ, фӕлӕ уыдонӕн нӕ уыдзӕн массон характер", - загъта министрады сӕргълӕууӕг.

Фӕсивӕдон политикӕ ӕмӕ спорты комитеты сӕргълӕууӕджы хӕдивӕг Гатыгкоты Валентина куыд фехъусын кодта, афтӕмӕй та ацы аз дӕр нывӕзты ис "Афӕдзы ӕвзонг адӕймаг"-ы схорзӕх кӕныны церемони ауадзын, фӕлӕ пандемийы тыххӕй дырыс датӕ нырма бӕрӕг нӕу.

Куыд банысан кӕндзысты районтӕ?

Цхинвалы районы сӕргълӕууӕг Мамытаты Вахтангы ныхӕстӕм гӕсгӕ, бӕрӕгбонон мадзӕлттӕ ацы аз ацӕудзысты минималон программӕмӕ гӕсгӕ – сабидӕтты ӕмӕ скъолаты байуардзысты ногазон лӕвӕрттӕ.

Ленингоры районы хистӕр Мамытаты Виталий дӕр фехъусын кодта  Sputnik, зӕгъгӕ, кӕд арӕнӕвӕрдтӕ ист ӕрцӕуой, уӕд ногазон бӕрӕгбӕттӕ ацӕудзысты иннӕ ӕзты хуызӕн. Ацы аз балхӕдтой ног аппаратурӕ ӕмӕ ифтонгад, гирляндӕтӕ.

 Дзауы районы пандемийы уавӕрты ӕрмӕстдӕр бӕрӕгбонон фӕлынд скӕндзысты поселочы.

"Кӕд ӕмӕ карантин аивай, уӕд та мадзӕлттӕ ацӕудзысты куыд ӕмбӕлы, афтӕ", - загъта районы сӕргълӕууӕг Джиоты Андрей.

Хуссар Ирыстоны 15 декабры онг ис арӕнӕвӕрдтӕ, ӕхгӕд сты ахуырадон уагдӕттӕ райдиан скъолайӕ дарддӕр, тобӕгонд сты массон мадзӕлттӕ.

6