Слестгӕнӕн изолятор

Хуссар Иры ахӕстоны кусджытӕ ӕмӕ ахӕсттыл бахӕцыд коронавирус

8
(ранӕуӕггонд 13:49 30.10.2020)
Изоляторы кусджыты ӕмӕ ахӕстты фылдӕр хаййы тесттӕ равдыстой ӕвӕрццаг фӕстиуӕг, рынчынты иууылдӕр арвыстой хоскӕнынмӕ Дзауы районон рынчындонмӕ, банысан кодтой МХМ

ЦХИНВАЛ, 30 окт - Sputnik. Хуссар Ирыстоны мидхъуыддӕгты министрады рӕстӕгмӕдарӕн изоляторы хисӕрмагонд сконд ӕмӕ ахӕсттӕн сарӕзтой тестытӕ коронавирус рабӕрӕг кӕныны тыххӕй. 28 тестӕй ӕвӕрццаг фӕстиуӕг разынд 22-йӕн, хъусын кӕны майрӕмбоны барадхъахъхъӕнӕг уагдоны пресс-службӕ.

Дзауская районная больница
Хуссар Иры ахӕстоны кусджытӕ ӕмӕ ахӕсттыл бахӕцыд коронавирус

МХМ медико-санитарон хайады сӕргълӕууӕг Мӕргъиты Георгийы ныхӕстӕм гӕсгӕ, рынчынтӕн сарӕзтӕуыд рӕуджыты компьютерон томографи, кӕцы изоляторы ӕртӕ ахӕстӕн равдыста пневмони. Коронавирусӕй рынчынты схуыссын кодтой Дзауы районон рынчындоны. Уым сӕ хъахъхъӕнынц РДИ ӕмӕ МСНК кусджытӕ.

"Пациенттӕй иу у уӕззаудӕр, дыууӕ вирус фӕразынц рогдӕр. Уыдон цӕуынц ӕмбӕлон хоскӕнынад. Рынчынты уавӕр иууылдӕр у рӕстӕмбис", - загъта Мӕргъиты Георгий.

Уый ма бафтыдта, РДИ ахӕсттӕ ӕмӕ хисӕрмагонд сконд ӕрвылбон дӕр кӕй цыдысты басгӕрст, нысан сын уыдысты вирусы ныхмӕ ӕмӕ симптоматикон хоскӕнынад, афтӕ ма витаминотерапия дӕр.

Санитарон-эпидемиологон уавӕры февзӕрдӕры фӕдыл республикӕйы мидхъуыддӕгты министрады хӕстӕ ӕххӕстгӕнӕг Пухаты Мераб бахӕс кодта МХМ медико-санитарон хайадӕн ӕппынӕдзух уадзын эпидемийы ныхмӕ мадзӕлттӕ уагдоны, хъус дарын кусджыты ӕмӕ ахӕстты уавӕрмӕ.

8
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы аргъ фыдгӕнӕджы ӕрурӕдтой

5
(ранӕуӕггонд 11:50 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бихъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

5
Ногазон Цхинвал

Куыд банысан кӕндзӕн Хуссар Ир Ног аз пандемийы уавӕрты

5
(ранӕуӕггонд 10:26 27.11.2020)
Коронавирусы пандемийы фӕдыл арӕнӕвӕрдтӕ республикӕйы адарддӕр кодтой 15 декабры онг. Фӕлӕ ӕрӕввахс кӕнынц ногазон бӕрӕгбонтӕ, кӕцытыл алыхатт дӕр ӕмбӕлдысты хъӕлдзӕгӕй ӕмӕ уӕрӕхӕй. Куыд сӕмбӕлдзысты ахӕм уавӕрты 2021 азыл Хуссар Ирыстоны?

ЦХИНВАЛ, 27 ноя - Sputnik, Техты Дзерассӕ. Хуссар Ирыстоны культурӕйы министры хӕстӕ ӕххӕстгӕнӕг Зассеты Жанна радзырдта Sputnik, цавӕр ногазон мадзӕлттӕ ауадздзысты республикӕйы, коронавирусы пандемийы фӕдыл арӕнӕвӕрдтӕ хынцгӕйӕ.

"Республикӕйы 15 декабры онг тобӕгонд сты культурон-хиирхӕфсӕн мадзӕлттӕ. Фӕлӕ оперштаб куы аскъуыддзаг кӕна каратнин мауал адарддӕр кӕнын, уӕд мах цӕттӕ стӕм. Куыд фӕндыйӕ дӕр бакӕндзыстӕм горӕты наз бӕлас ӕмӕ ауадздзыстӕм чысыл хиирхӕфсӕн мадзӕлттӕ, фӕлӕ уыдонӕн нӕ уыдзӕн массон характер", - загъта министрады сӕргълӕууӕг.

Фӕсивӕдон политикӕ ӕмӕ спорты комитеты сӕргълӕууӕджы хӕдивӕг Гатыгкоты Валентина куыд фехъусын кодта, афтӕмӕй та ацы аз дӕр нывӕзты ис "Афӕдзы ӕвзонг адӕймаг"-ы схорзӕх кӕныны церемони ауадзын, фӕлӕ пандемийы тыххӕй дырыс датӕ нырма бӕрӕг нӕу.

Куыд банысан кӕндзысты районтӕ?

Цхинвалы районы сӕргълӕууӕг Мамытаты Вахтангы ныхӕстӕм гӕсгӕ, бӕрӕгбонон мадзӕлттӕ ацы аз ацӕудзысты минималон программӕмӕ гӕсгӕ – сабидӕтты ӕмӕ скъолаты байуардзысты ногазон лӕвӕрттӕ.

Ленингоры районы хистӕр Мамытаты Виталий дӕр фехъусын кодта  Sputnik, зӕгъгӕ, кӕд арӕнӕвӕрдтӕ ист ӕрцӕуой, уӕд ногазон бӕрӕгбӕттӕ ацӕудзысты иннӕ ӕзты хуызӕн. Ацы аз балхӕдтой ног аппаратурӕ ӕмӕ ифтонгад, гирляндӕтӕ.

 Дзауы районы пандемийы уавӕрты ӕрмӕстдӕр бӕрӕгбонон фӕлынд скӕндзысты поселочы.

"Кӕд ӕмӕ карантин аивай, уӕд та мадзӕлттӕ ацӕудзысты куыд ӕмбӕлы, афтӕ", - загъта районы сӕргълӕууӕг Джиоты Андрей.

Хуссар Ирыстоны 15 декабры онг ис арӕнӕвӕрдтӕ, ӕхгӕд сты ахуырадон уагдӕттӕ райдиан скъолайӕ дарддӕр, тобӕгонд сты массон мадзӕлттӕ.

5