Дохтыр

Хуссар Иры сбӕрӕг кодтой коронавирусӕй 137 ног рынчыны

6
Республикӕйы рӕзы вирусӕй рынчынты нымӕц, медиктӕ нысан кӕнынц, рынчынкӕнынад дарддӕр дӕр кӕй фылдӕр кӕндзӕн

ЦХИНВАЛ, 2 ноя - Sputnik, Козаты Диана. Хуссар Ирыстоны ивгъуыд улӕфт бонты сбӕрӕг кодтой коронавирусӕй 137 ног рынчыны, фехъусын кодта сӕйраг санитарон дохтыр Коцты Марина.

Республикӕйы коронавирусы апарахатимӕ уавӕр нырма дӕр у уӕззау – медицинон уагдӕтты нӕ фаг кӕнынц бынӕттӕ ӕмӕ дохтыртӕ. Амӕй размӕ республикон рынчындоны сӕйраг дохтыр Быценты Индира ӕрсидт бархионтӕм, цӕмӕй баххуыс кӕной медиктӕн.

"Улӕфт бонты сарӕзтам 309 тесты, уыдонӕй 137 радтой ӕвӕрццаг фӕситиуджытӕ. Афтӕмӕй, 60 адӕймаджы та сӕнӕниз сты, ноджы ма 180 адӕймагӕй фылдӕр, кӕцытӕ уыдысты хиизоляцийы рынчынтимӕ контакты тыххӕй, систой хыгъдӕй", - загъта Коцты Марина.

Къуырисӕры райсомы бӕрӕггӕнӕнтӕм гӕсгӕ, коронавирусы амӕттӕгтӕ баисты 11 адӕймаджы.

Хуссарирыстойнаг медиктӕм ӕххуысмӕ ӕрцыдысты УФ Хъахъхъӕнынады министрады ӕфсӕддон дохтыртӕ. Ӕфсӕддон-быдырон госпиталь сӕвӕрдтой горӕты стадионы территорийыл, уый райдыдта исын пациентты. Афтӕ ма, специалисттӕ ӕрвылбон дезинфекци кӕнынц столицӕйы уынгтӕ ӕмӕ егъау объекттӕ.

Республикӕйы нырма дӕр ӕхгӕд сты скъолатӕ, ахуыргӕнӕндӕттӕ ӕмӕ университет, афтӕ ма цалдӕр сабидоны дӕр. Уагдӕттӕ иууылдӕр кусынц сӕрмагонд режимы, ӕхсӕнадон бынӕтты та ис маскӕты режим.

6
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

2
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

2
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

1
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

1