Милици

Хуссар Иры МХМ радзырдтой ивгъуыд къуырийы фӕткхӕлдты тыххӕй

5
(ранӕуӕггонд 12:49 02.11.2020)
Хуссар Ирыстоны барадхъахъхъӕнӕг органы фехъусын кодтой республикӕйы криминогенон уавӕры тыххӕй 26 октябрӕй 2 ноябры онг периоды

ЦХИНВАЛ, 2 ноя — Sputnik. Хуссар Ирыстоны барадхъахъхъӕнӕг органты кусджытӕ ивгъуыд къуыри сбӕрӕг кодтой фӕндагон змӕлды 151 фӕткхалды.

Республикӕйы Мидхъуыддӕгты министрады (МХМ) пресс-службӕ куыд хъусын кӕны, афтӕмӕй аст шофыры скъӕрдтой хӕдтулгӕтӕ нозтджынӕй. Уыдон фӕдыл сарӕзтӕуыд административон протоколтӕ.

"Ӕхсӕз шофыры фӕдыл сарӕзтой административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Афтӕ ма уагдоны бафтыдтой, зӕгъгӕ, ӕхсӕнадон фӕтк фехалыны тыххӕй Цхинвалы мидхъуыддӕгты хайады кусджытӕ ӕрбаздахтой бӕрнмӕ иу ӕмбӕстаджы.

5
Дзауы районы фӕбӕрӕг сты хуыздӕр шахматисттӕ скъоладзауты хсӕн

Дзауы районы фӕбӕрӕг сты хуыздӕр шахматисттӕ скъоладзауты хсӕн

11
Ерысты иууыл ӕнтыстджындӕр разындысты Цхуырбаты Георгийы, Санахъоты Георгийы ӕмӕ Цхуырбаты Азӕмӕт

ЦХИНВАЛ, 25 фев – Sputnik, Плиты Фатимӕ. Гуфтайы скъолайы ахуырдзау Цхуырбаты Георгийы ӕмӕ Дзауы скъолайы ахуырдзаутӕ Санахъоты Георгийы ӕмӕ Цхуырбаты Азӕмӕт рамбылдтой шахмӕттӕй районы турнир, уый тыххӕй фехъусын кодта Sputnik районы пресс-службӕйы кусӕг Тедеты Лиана.

Турнир среди школьников Дзауского района по шахматам
Пресс-служба Дзауского района
Дзауы районы фӕбӕрӕг сты хуыздӕр шахматисттӕ скъоладзауты хсӕн

Районы фыццагады хайад райсын сӕ бон не ссис дӕрддзӕф районы ахуырдзаутӕ -Къуаиса, Синагур ӕмӕ Кировы скъолатӕй. Уыдон бахъыгдардта рцӕуын ӕвзӕр боныгъӕд.

"Уӕлахиздзаутӕ ӕмӕ призертӕ райстой лӕвӕрттӕ, призтӕ ӕмӕ грамотатӕ. Сӕхи рдыгӕй бузныг дзырдтой организатортӕн", - загъта уый.

Йӕ ныхӕстӕм гӕсгӕ, шахмӕттӕм фӕстаг ӕзты тынг цымыдис кӕсынц скъоладзаутӕ, рӕзы сӕ арӕхстдзинад дӕр.

Спортивон мадзал ацыд районы сывӕллӕтты сфӕлдыстады галуаны.

Турнир среди школьников Дзауского района по шахматам
Пресс-служба Дзауского района
Дзауы районы фӕбӕрӕг сты хуыздӕр шахматисттӕ скъоладзауты хсӕн

 

11
Молоток судьи

Тӕрхондон не сразы рауадзын ахӕстонӕй Къӕбысты Георгийы ӕмгъуыдӕй раздӕр

3
Къӕбысты Георгийӕн тӕрхон рахастой 2019 азы июлы, уӕд ӕй сбадын кодтой ахӕстоны аст азмӕ. Уыцы аз августы ахӕсты бадыны ӕмгъуыд фӕкъаддӕр кодтой авд азмӕ. Абоны боны онг Къӕбысты Георгий арвыста ахӕстоны нысангонд ӕмгъуыды рдӕгӕй фылдӕр

ЦХИНВАЛ, 25 фев – Sputnik. Цхинвалы тӕрхондон хорзыл нӕ банымадта Къӕбысты Георгийы куырдиат ахӕстонӕй ӕмгъуыдӕй раздӕр рахизыны фӕдыл. Хъуыддагмӕ ӕркастысты горӕты тӕрхондоны цыппӕрӕмы тӕрхонгӕнӕг Сиукъаты Фатимӕйы къухдариуӕгады бын.

Къӕбысты Георгийы ӕрцахстой 2017 азы 7 ноябры. Хуссар Ирыстоны бастдзинады фӕдыл раздӕры министры азымджын кодтой экономикон фыдракӕндтӕ саразыны, службӕйон хӕстӕй ахизыны, афтӕ ма ӕнӕзакононӕй хӕцӕнгарз балхӕныны фӕдыл.

Къӕбысты Георгийы адвокат Икрамжан Раматовы куырдиатмӕ гӕсгӕ, уый ныридӕгӕн арвыста ахӕстоны нысангонд ӕмгъуыды рдӕгӕй фылдӕр ӕмӕ йын бар ис рахизын ӕмгъуыдӕй раздӕр.

Къӕбысты Георгий йӕхӕдӕг дӕр ракуырдта, цӕмӕй йын хорзыл банымайой йӕ куырдиат.

"Мӕ куырдиат мын хорзыл куы банымайой, уӕд ӕрдӕг азмӕ скусын кӕндзӕн радио районон центрты. Ӕз уый сараздзӕн мӕхи фӕрӕзтӕй, кӕд ӕмӕ Бастдзинады фӕдыл комитет уый нӕ сарӕзта ацы рӕстӕгмӕ. Кӕд ӕхцатӕ дарын, уӕд уыдон дӕр бафиддзӕн", - загъта Къӕбысты Георгий.

Зылынкӕныны фарс ракуырдта, цӕмӕй хорзыл ма банымайой куырдиат, уымӕн ӕмӕ Къӕбысты Георгий ӕххӕстӕй нӕ бафыста ӕрхӕсгӕ зианы суммӕ, афтӕ ма ахӕстоны ӕппӕрццаг характеристикӕйы тыххӕй.

Тӕрхонгӕнӕг ахӕстоны администраицйы ӕппӕрцаг характеристикӕйы тыххӕй ныууагъта Къӕбысты Георгийы тӕрхон йӕ тыхы.

Афтӕмӕй Къӕбысты Георгийы адвокатӕн фадат ис тӕрхондоны тӕрхоныл хъаст ахӕссын уӕлдӕр инстанцимӕ.

Къӕбысты Георгийӕн ахӕстоны фӕбадыны ӕмгъуыд фӕуд кӕны 2023 азы декабры.

3