ЦХИНВАЛ, 3 ноя - Sputnik. Абоны бон 2020 азы инвестицион программӕйӕн среализаци кодтой йӕ 58 проценты, фехъусын кодта Инвестпрограммӕйы реализацийы фӕдыл штабы рабадтыл Хуссар Ирыстоны финансты министры хӕстӕ ӕххӕстгӕнӕг Хӕбӕлаты Аза. Уый тыххӕй къуырисӕры фехъусын кодта республикӕйы сӕргълӕууӕджы пресс-службӕ.

Арӕзтады министры хӕстӕ ӕххӕстгӕнӕг Зӕгъойты Эдуард куыд банысан кодта, афтӕмӕй ӕввахс рӕстӕджы бавдисдзысты документаци 137 милуан сомы бӕрц куыстыты фӕдыл.

© Sputnik / Элина Габараева

Цæттæ сæ кæнынц асфальтмæ: Цхинвалы авд уынгыл цæуынц цалцæггæнæн куыстытæ

Рабадты хайадисджытӕ ӕрдзырдтой программӕйы алкӕцы объектыл дӕр.

Паддзахадон унитарон куыстуат "Дорэкспострой"-йы Генералон директор Мӕхъиты Семены ныхӕстӕм гӕсгӕ, горӕты аст уынджы (Революцийы, Плиты Ароны, Нӕузӕххонты, Хъайтарты, Табуты Родионы ӕмӕ Базарадон) уыдзысты цӕттӕ 25 ноябры онг.

Автомобилон фӕндаг Гуфта – Къуаисайыл ӕвӕрд цӕуы асфальт, баззад ма дзы саразын иу километр ӕмӕ ӕрдӕг. Афтӕ ма кусджытӕ ӕвӕрынц парапеттӕ.

Магистралон доны хӕтӕл Уанат – Цхинвалы куыстытӕ дӕр уагъд цӕуынц нывӕзтмӕ гӕсгӕ. Арӕзтадон фирмӕ "СТМ-Юг"-ы разамонӕг Коцты Олегы ныхӕстӕм гӕсгӕ, физикон куыстытӕ балхынцъ уыдзысты 15 декабры онг, уый фӕстӕ хъӕудзӕн ауадзын фӕлварӕн скуыст.

Хъайтарты уынгыл 118 хӕдзары арӕзтад цӕуы ӕмгъуыдӕй раздӕр. Афтӕ ма хорз темптӕй цӕуы Гуыбаты ӕфсымӕрты уынгыл хӕдзары арӕзтад.

Бибылты Анатолий загъта йӕ хъуыды бирӕфатерон хӕдзары арӕзтады тыххӕй Знауыры поселочы.

"Объект ахиздзӕн фидӕн азы Инвестпрограммӕмӕ, фӕлӕ уӕддӕр ацы аз хъӕуы сӕххӕст кӕнын куыстыты ӕмбӕлон бӕрцуат. Темптӕ ацы объектыл хъӕуы фӕфылдӕр кӕнын", - банысан кодта президент.

Президент бафтыдта, зӕгъгӕ, объектты фылдӕр хайӕн документаци арӕзт цӕудзӕн ацы азы кӕрӕтты ӕмӕ ӕрсидт цӕстдарды организацитӕм, цӕмӕй оперативон куыст кӕной документтыл.

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

© Sputnik / Natalia Airiyan

ХИПУ аккагдӕр студентты схорзӕхджын кодтой президентон стипендитӕй

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

© Sputnik / Дзерасса Техова

ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

© Sputnik / Дзерасса Техова

ХИПУ ӕмӕ ЦКФУ минӕвӕрттӕ