Коронавирус

Хуссар Иры фӕуд кӕнынц хостӕ коронавирусӕй рынчынтӕн Тотчиты Георгий

4
(ранӕуӕггонд 15:55 03.11.2020)
Ӕнӕниздзинад хъахъхъӕнынады министры хӕстӕ ӕххӕстгӕнӕг радзырдта хостӕ ӕмӕ медицинон туаггуырӕй ифтонгады уавӕры тыххӕй республикон бирӕпрофилон медицинон центры рынчындӕтты

ЦХИНВАЛ, 3 ноя – Sputnik, Козаты Диана. Хуссар Ирыстоны медицинон уагдӕтты фӕуд кӕнынц хостӕ, кӕцыдӕр категоритӕ дзы бынтондӕр нал ис, фехъусын кодта журналисттӕн ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий.

"Хъыгагӕн, махмӕ ис хосты дефицит. Цы фӕстауӕрц нӕм уыд, уый фӕуд кӕны", - загъта Тотчиты Георгий.

Министры хӕстӕ ӕххӕстгӕнӕг банысан кодта, акуалон кӕй у "сырх зонӕты" туаггуырӕй ифтонг кӕныны фарст.

Министр здравоохранения и соцразвития Южной Осетии Георгий Тотчиев
© Sputnik / Диана Козаева
Министр здравоохранения и соцразвития Южной Осетии Георгий Тотчиев

"Кӕд раздӕр хъуыд 20-25 баллоны туаггуыр иу суткӕйы, уӕд ныр та хъӕуы 90 баллоны. Мах ласӕм ацы баллонтӕ легалонӕй Уӕрӕсейӕ", - загъта Тотчиты Георгий.

Ивгъуыд къуыри Ӕнӕниздзинад хъахъхъӕнынады министрадӕн хицауады фӕстауӕрцон фондӕй рахицӕн кодтой 700 мин сомы медикаменттӕ балхӕнынӕн. Ноджы ма дӕс милуан сомы та рахицӕн кодтой сӕрмагонд хыгъдӕй.

"Ацы фӕрӕзтӕ фаг не сты ахӕм уавӕрты. Уӕззау эпидемиологон уавӕр гӕнӕн ис адарддӕр уа цалдӕр мӕйы, ӕмӕ мах хъуамӕ цӕттӕ уӕм, цӕмӕй нӕм уа хосты фӕстауӕрц" – загъта министры хӕстӕ ӕххӕстгӕнӕг.

Уый ма банысан кодта, йӕ бон кӕй нӕу зӕгъын конкретон суммӕтӕ, кӕцытӕ бахъӕудзысты ӕнӕниздзинад хъахъхъӕнынады фадыджы пандемийы рӕстӕджы.

Афтӕ ма Тотчиты Георгий нымайы ахсджиаг фарстыл туаггуыры хызӕгтӕ рынчындӕттӕм баиу кӕныны куыстытӕ. Ацы куыстытӕ райдайдзысты сабаты – нырма баиу кӕндзысты РБМЦ инфекцион корпусы фыццаг уӕладзыг. Уый фӕстӕ куыстытӕ дарддӕр кӕндзысты сывӕллӕтты рынчындолны.

Хуссар Ирыстоны коронавирусӕй рынчынты нымӕц фылдӕр кӕнын райдыдта 15 сентябры Уӕрӕсеимӕ арӕны баконды фӕстӕ. Уый размӕ республикӕмӕ ӕрцӕуӕггӕгтӕ иууылдӕр хъуамӕ рацыдаиккой ӕнӕмӕнг дыууӕкъуырион карантин. Ацы мадзалы руаджы Хуссар Ирыстоны фондз мӕймӕ сбӕрӕг кодтой ӕрмӕстдӕр 90 рынчыны коронавирусӕй. Карантины фӕстӕ республикӕйы сбӕрӕг кодтой коронавирусӕй 800 рынчыны, 11 адӕймаджы амардысты.

4
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

2
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
2