Тотчиты Георгий

Ӕнӕнизтӕ кусгӕ: Хуссар Иры медиктӕн бӕрӕг кӕнынц коронавирусы уӕвынад

2
(ранӕуӕггонд 16:38 03.11.2020)
Уагдоны ӕххӕст кӕнынц президенты хӕслӕвӕрд, кӕцы эпидемийы абарста тохы быдыримӕ, коронавирусӕй рынчынты хос кӕнынӕй сӕхи цы медиктӕ ӕмбӕхсынц, уыдоны та рахуыдта дезертиртӕ

ЦХИНВАЛ, 3 ноя – Sputnik, Козаты Диана. Хуссар Ирыстоны ӕнӕниздзинад хъахъхъӕныны министрад аразы тесттӕ дохтыртӕ ӕмӕ ӕндӕр медицинон кусджытӕн, кӕцытӕ райстой низ бӕрӕггӕнӕн бюллетеньтӕ. Ӕппӕрццаг фӕстиуӕг кӕй тесттӕ равдисой, уыдон рахиздзысты куыстмӕ ӕмӕ ӕххуыс кӕндзысты рынчынтӕн, загъта журналисттӕн ӕнӕниздзинад хъахъхъӕныны министры хӕстӕ ӕххӕстгӕнӕг Тотчиты Георгий.

Къуырисӕры оперативон штабы рабадтыл президент Бибылты Анатолий бахӕс кодта сбӕлвырд кӕнын информаци медикты тыххӕй, кӕцытӕ тӕрсынц, вирус сыл куы бахӕца, уымӕй ӕмӕ нӕ хизынц куыстмӕ. Уый бахӕс кодта Тотчиты Георгийӕн ахӕм дохтырты сисын сӕ бынӕттӕй.

"Медперсоналӕн фӕстаг дыууӕ боны сарӕзтӕуыд 85 тесты, уыдоны 65 проценты равдыстой низы нӕуӕвынад. Уыцы медиктӕ хъуамӕ рахизой куыстмӕ ӕмӕ райдайой сӕ хӕстӕ ӕххӕст кӕнын", – загъта министры х. ӕ.

Йӕ ныхӕстӕм гӕсгӕ, кусджыты дефицит баст у уыимӕ, ӕмӕ дохтыртӕ дӕр кӕй фӕрынчын вӕййынц иннӕ адӕмау. Уымӕ гӕсгӕ, министрад архайы арбангом кӕнын ӕппӕт ресурстӕ дӕр, цӕмӕй уавӕр чысыл рараст кӕной.

"Махмӕ ис серьезон проблемӕ анестезиолог-реанимацион кусджытимӕ. Республикӕйы ис цъус анестезиологы, ӕдӕппӕтӕй дзы сӕ куыст кӕнынц ӕрмӕстдӕр ӕхсӕз адӕймаджы. Уыдон дӕр, афтӕ ма терапевттӕ, инфекционисттӕ не ‘ххӕссынц сӕ куыстыл. Мобилизацигонд ӕрцыдысты нӕ ресурстӕ иууылдӕр", – загъта Тотчиты Георгий.

Уый ма иу хатт ӕрсидт цӕрджытӕм, цӕмӕй ӕххӕст кӕной дохтырты рекомендацитӕ ӕмӕ сӕхи хъахъхъӕной, цӕмӕй ӕруромой низы дарддӕры парахат.

2
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

2
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
2