Бибылты Анатолий бабӕрӕг кодта РБМЦ сырх зонӕ

Бибылты Анатолий бабӕрӕг кодта РБМЦ ӕмӕ бафхӕрдта "сырх зонӕйы" куысты организаци

9
Президент федта рынчынты хоскӕнынады уавӕртӕ ӕмӕ зындзинӕдтӕ, кӕцытыл сӕмбӕлынц дохтыртӕ. Балцы фӕстиуджытӕм гӕсгӕ, паддзахады сӕргълӕууӕг ауагъта рабадт медцентры дохтыртимӕ

ЦХИНВАЛ, 4 ноя - Sputnik. Хуссар Ирыстоны президент Бибылты Анатолий скритикӕ кодта медицинон уагдӕтты куысты организацийы ныллӕг ӕмвӕзад. Паддзахады сӕргълӕууӕджы пресс-службӕ куыд хъусын кӕны, афтӕмӕй Бибылты Анатолий знон бацыд республикон бирӕпрофилон медицинон центры (РБМЦ) сывӕллӕтты рынчындонмӕ, цы ран октябры сарӕзтой "сырх зонӕ" коронавирусӕй рынчынтӕн хос кӕнынӕн.

"Не срӕвдз кодтой туаггуырӕй ифтонгад. Къуырийы дӕргъы райдайдзысты куыстытӕ, кӕцыты руаджы туаггуыр нал хъӕудзӕн ласын баллонты ӕмӕ исын рынчындоны уӕладзыгтӕм, фӕлӕ адӕмы ацы тӕккӕ хъӕуы туаггуыр. Нӕ хъӕуы ӕнхъӕлмӕ кӕсын, цӕмӕй ӕрӕмбырд уой 180 баллоны, фӕлӕ ласын чысылдӕр партитӕй. Не срӕвдз кодтой куыст дохтырты графикимӕ, пациенттӕм кӕсынимӕ, хостӕй сифтонг кӕнынимӕ", - банысан кодта Бибылты Анатолий.

Паддзахады сӕргълӕууӕг банысан кодта ӕрмӕстдӕр иу хорздзинад: "зындзинӕдтӕм ӕнӕкӕсгӕйӕ, дохтыртӕ дарддӕр кусынц ӕмӕ хос кӕнынц пациенттӕн".

  • Бибылты Анатолий бабӕрӕг кодта РБМЦ сырх зонӕ
    Бибылты Анатолий бабӕрӕг кодта РБМЦ "сырх зонӕ"
    © Пресс-служба президента РЮО
  • Бибылты Анатолий бабӕрӕг кодта РБМЦ сырх зонӕ
    Бибылты Анатолий бабӕрӕг кодта РБМЦ "сырх зонӕ"
    © Пресс-служба президента РЮО
  • Бибылты Анатолий бабӕрӕг кодта РБМЦ сырх зонӕ
    Бибылты Анатолий бабӕрӕг кодта РБМЦ "сырх зонӕ"
    © Пресс-служба президента РЮО
  • Бибылты Анатолий бабӕрӕг кодта РБМЦ сырх зонӕ
    Бибылты Анатолий бабӕрӕг кодта РБМЦ "сырх зонӕ"
    © Пресс-служба президента РЮО
  • Бибылты Анатолий бабӕрӕг кодта РБМЦ сырх зонӕ
    Бибылты Анатолий бабӕрӕг кодта РБМЦ "сырх зонӕ"
    © Пресс-служба президента РЮО
1 / 5
© Пресс-служба президента РЮО
Бибылты Анатолий бабӕрӕг кодта РБМЦ "сырх зонӕ"

"Сырх зонӕйы" сӕйраг проблемӕ у медицинон персонал, медикаменттӕ ӕмӕ туаггуыры цухдзинад. РБМЦ сӕйраг дохтыр Быценты Индирайы ныхӕстӕм гӕсгӕ, рынчындоны 157 адӕймагыл кусынц цыппар дохтыры.

Бибылты Анатолий бахахх кодта, медицин кусджытӕ рынчын куы вӕййынц, уӕд кӕй хъӕуы ӕрбаздахын волонтерты, афтӕ ма медицинон ахуыргӕнӕндоны студентты.

Афтӕ ма президент банысан кодта, рынчындоны пациенттӕн бынӕтты цухдзинад хъуамӕ ӕввахс рӕстӕджы аскъуыддзаг кӕной Уӕрӕсейы Хъахъхъӕнынады министрады быдырон госпиталы ӕмархайдӕй.

Уымӕй дарддӕр, Бибылты Анатолий ӕрныхас кодта пациенттимӕ терапи ӕмӕ реанимацион хайады, дохтыртимӕ "сырх зонӕйы". Паддзахады сӕргълӕууӕг йӕ балцы кӕрон ауагъта рабадт РБМЦ дохтыртимӕ.

Анатолий Бибилов посетил детскую больницу РММЦ
© Пресс-служба президента РЮО
Бибылты Анатолий бабӕрӕг кодта РБМЦ "сырх зонӕ"

Хуссар Ирыстоны коронавирусӕй рынчынты нымӕц фылдӕр кӕнын райдыдта 15 сентябры Уӕрӕсеимӕ арӕны баконды фӕстӕ. Уый размӕ республикӕмӕ ӕрцӕуӕггӕгтӕ иууылдӕр хъуамӕ рацыдаиккой ӕнӕмӕнг дыууӕкъуырион карантин. Ацы мадзалы руаджы Хуссар Ирыстоны фондз мӕймӕ сбӕрӕг кодтой ӕрмӕстдӕр 90 рынчыны коронавирусӕй. Карантины фӕстӕ республикӕйы сбӕрӕг кодтой коронавирусӕй иу мин рынчынмӕ ӕввахс, 11 адӕймаджы амардысты.

9
Ногазон Цхинвал

Куыд банысан кӕндзӕн Хуссар Ир Ног аз пандемийы уавӕрты

4
(ранӕуӕггонд 10:26 27.11.2020)
Коронавирусы пандемийы фӕдыл арӕнӕвӕрдтӕ республикӕйы адарддӕр кодтой 15 декабры онг. Фӕлӕ ӕрӕввахс кӕнынц ногазон бӕрӕгбонтӕ, кӕцытыл алыхатт дӕр ӕмбӕлдысты хъӕлдзӕгӕй ӕмӕ уӕрӕхӕй. Куыд сӕмбӕлдзысты ахӕм уавӕрты 2021 азыл Хуссар Ирыстоны?

ЦХИНВАЛ, 27 ноя - Sputnik, Техты Дзерассӕ. Хуссар Ирыстоны культурӕйы министры хӕстӕ ӕххӕстгӕнӕг Зассеты Жанна радзырдта Sputnik, цавӕр ногазон мадзӕлттӕ ауадздзысты республикӕйы, коронавирусы пандемийы фӕдыл арӕнӕвӕрдтӕ хынцгӕйӕ.

"Республикӕйы 15 декабры онг тобӕгонд сты культурон-хиирхӕфсӕн мадзӕлттӕ. Фӕлӕ оперштаб куы аскъуыддзаг кӕна каратнин мауал адарддӕр кӕнын, уӕд мах цӕттӕ стӕм. Куыд фӕндыйӕ дӕр бакӕндзыстӕм горӕты наз бӕлас ӕмӕ ауадздзыстӕм чысыл хиирхӕфсӕн мадзӕлттӕ, фӕлӕ уыдонӕн нӕ уыдзӕн массон характер", - загъта министрады сӕргълӕууӕг.

Фӕсивӕдон политикӕ ӕмӕ спорты комитеты сӕргълӕууӕджы хӕдивӕг Гатыгкоты Валентина куыд фехъусын кодта, афтӕмӕй та ацы аз дӕр нывӕзты ис "Афӕдзы ӕвзонг адӕймаг"-ы схорзӕх кӕныны церемони ауадзын, фӕлӕ пандемийы тыххӕй дырыс датӕ нырма бӕрӕг нӕу.

Куыд банысан кӕндзысты районтӕ?

Цхинвалы районы сӕргълӕууӕг Мамытаты Вахтангы ныхӕстӕм гӕсгӕ, бӕрӕгбонон мадзӕлттӕ ацы аз ацӕудзысты минималон программӕмӕ гӕсгӕ – сабидӕтты ӕмӕ скъолаты байуардзысты ногазон лӕвӕрттӕ.

Ленингоры районы хистӕр Мамытаты Виталий дӕр фехъусын кодта  Sputnik, зӕгъгӕ, кӕд арӕнӕвӕрдтӕ ист ӕрцӕуой, уӕд ногазон бӕрӕгбӕттӕ ацӕудзысты иннӕ ӕзты хуызӕн. Ацы аз балхӕдтой ног аппаратурӕ ӕмӕ ифтонгад, гирляндӕтӕ.

 Дзауы районы пандемийы уавӕрты ӕрмӕстдӕр бӕрӕгбонон фӕлынд скӕндзысты поселочы.

"Кӕд ӕмӕ карантин аивай, уӕд та мадзӕлттӕ ацӕудзысты куыд ӕмбӕлы, афтӕ", - загъта районы сӕргълӕууӕг Джиоты Андрей.

Хуссар Ирыстоны 15 декабры онг ис арӕнӕвӕрдтӕ, ӕхгӕд сты ахуырадон уагдӕттӕ райдиан скъолайӕ дарддӕр, тобӕгонд сты массон мадзӕлттӕ.

4
Хореографион ансамбль Зилахар

Хуссарирыстойнаг кафты ансамбль рамбылдта онлайн-конкурсы Турчы

7
(ранӕуӕггонд 16:29 26.11.2020)
Ансамблы архайджытӕ сӕххӕст кодтой ӕмӕ видеойыл ныффыстой "Хӕххон кафт", кӕцыйӕн аккаг аргъ скодта конкурсы жюри

ЦХИНВАЛ, 26 ноя - Sputnik, Хъуылымбегты Зӕлинӕ. Цхинвалы 1-аг скъолайы ансамбль "Зилахар" рамбылдта Курдиӕтты ӕхсӕнадӕмон конкурс "Времена года"-йы гран-при, кӕцы цыд онлайн-форматы Турчы. Ансамблы аивадон къухдариуӕггӕнджытӕй иу Тедеты Ацӕмӕз куыд радзырдта Sputnik, афтӕмӕй коллективы банысан кодтой номинаци "Кавказаг кафт"-ы.

"Махӕн фехъусын кодтой, Стамбулы кӕй ацӕудзӕн фестиваль ӕмӕ организаторты кӕй фӕнды, цӕмӕй дзы мах хайад райсӕм. Мах стыхстыстӕм, уымӕн ӕмӕ нӕ бон нӕ уыд сисын гъӕдджын видео, фӕлӕ нӕ ӕрсабыр кодтой, зӕгъгӕ, видеойы гъӕдӕн нӕ аргъ кӕндзысты, фӕлӕ коллектив кафт куыд арӕхстджынӕй сӕххӕст кӕндзысты, уымӕн", - загъта Ацӕмӕз.

Цыбыр ӕмгъуыдмӕ уыдон видео систой ӕмӕ йӕ арвыстой.

"Ӕнӕрхъӕцӕй ӕнхъӕлмӕ кастыстӕм нӕ ралӕуды фӕстиуӕгмӕ ӕмӕ дзы нӕ зӕрдӕ барухс", - банысан кодта къорды аивадон къухдариуӕггӕнӕг.

Конкурсы, Ацӕмӕзы ныхӕстӕм гӕсгӕ, хайад райстой 300 коллективы.

Ансамбль"Зилахар"-ы сконды ис 45 адӕймаджы, уыдон сты 9-14 азы кары. Хӕххон кафт сӕвӕрыны ма хайад райста Коцты Сергей, кӕцы у къорды аннӕ аивадон къухдариуӕггӕнӕг ӕмӕ сӕйраг балетмейстер.

7