Медицинон хо

Бирӕ рынчынтӕ ӕмӕ цъус хостӕ: медхо йӕ куысты тыххӕй "сырх зонӕ"-йы Цхинвалы

11
Медицинон хойы ныхӕстӕм гӕсгӕ, рынчындоны нӕ фаг кӕнынц бынӕттӕ, медикаменттӕ ӕмӕ персонал. Дохтыр цыппор рынчынӕн цы рафыссы, уыдон ӕххӕст кӕнын ис иу медхойы бӕрны

ЦХИНВАЛ, 4 ноя - Sputnik,Плиты Фатимӕ. Хуссар Ирыстоны республикон бирӕпрофилон медцентры "сырх зонӕты" ӕппӕт дӕр цух кӕны рынчынтӕй дарддӕр. Дыууӕ медхойы бӕрны вӕййы 80 рынчыны бӕрц, нӕ фаг кӕнынц медикаменттӕ ӕмӕ бынӕттӕ, радзырдта Sputnik рынчындоны кусӕг Алина.

Медхойы ныхӕстӕм гӕсгӕ, ныридӕгнӕн сывӕллӕтты рынчындонӕн, кӕцы коронавирусы апарахаты рӕстӕджы рацарӕзтгонд ӕрцыд ковидӕй рынчынты райсынмӕ, йедзаг сты йӕ коридортӕ дӕр.

"Ӕрмӕст иу уӕладзыгыл хуыссы 80 рынчыны, йедзаг сты коридортӕ. Сынтӕг кӕмӕн не ссарынц, уыдон хӕссынц сӕхӕдӕг "лежанкатӕ". Ӕвзӕр у медикаменттимӕ уавӕр дӕр, афтӕ нӕ зӕгъын, бынтон нӕм нӕй, фӕлӕ нӕ фаг кӕнынц, рынчынты хиуӕттӕн сӕхи бахъӕуы амал кӕнын хостӕ", - радзырдта чызг. 

Уӕлдай ӕвзӕр, Алинайы ныхӕстӕм гӕсгӕ,  хабар у медперсонады цухдзинадимӕ. Иу радгӕсы рӕстӕгхӕссы 16 сахаты.

"Изӕры фондз сахатыл бацыдыстӕм сменӕмӕ ӕмӕ уым уыдыстӕм райсом фарст сахатмӕ. Медхотӕ не ‘ххӕссынц  сӕ куыстыл. 80 рынчыны сты дыууӕ адӕймаджы бӕрны. Рынчдоны медхоты иууылдӕр ӕвӕрынц радгӕсы, фӕлӕ алчи не ‘ххӕст кӕны йӕ хӕслӕвӕрдтӕ", - банысан кодта уый. 

Медхо ма бафтыдта, персонал ӕххӕст кӕй сты хъахъхъӕнӕн костюмтӕй.

Хуссар Ирыстоны коронавирусӕй рынчынты нымӕц фылдӕр кӕнын райдыдта 15 сентябры Уӕрӕсеимӕ арӕны баконды фӕстӕ. Уый размӕ республикӕмӕ ӕрцӕуӕггӕгтӕ иууылдӕр хъуамӕ рацыдаиккой ӕнӕмӕнг дыууӕкъуырион карантин. Ацы мадзалы руаджы Хуссар Ирыстоны фондз мӕймӕ сбӕрӕг кодтой ӕрмӕстдӕр 90 рынчыны коронавирусӕй. Карантины фӕстӕ республикӕйы сбӕрӕг кодтой коронавирусӕй иу мин рынчынмӕ ӕввахс, 11 адӕймаджы амардысты.

11
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2