Волонтер

"Иугонд Алани" ӕмбырд кӕны волонтерты цӕрджытӕн ӕххуысӕн

7
(ранӕуӕггонд 10:25 05.11.2020)
Алкӕцы адӕймагӕн дӕр йӕ бон у баххуыс кӕнын республикӕйы цӕрджытӕн, кӕцытӕ бахаудтой зын уавӕрты коронавирусы пандемийы рӕстӕджы

ЦХИНВАЛ, 5 ноя – Sputnik, Гӕбӕраты Элина. Коронавирусы апарахаты фӕдыл уӕззау уавӕр хынцгӕйӕ, Хуссар Ирыстоны фехъусын кодтой волонтерон иугонд "Иумӕ" саразыны тыххӕй республикӕйы цӕрджытӕн ӕххуысӕн, фехъусын кодта Sputnik фӕсивӕдон организаци "Иугонд Алани"-йы пресс-секретарь Санахъоты Анна.

Ӕмгуыстадмӕ хонынц бархионты ӕмӕ шофырты сӕхи автотранспортимӕ, цӕмӕй баххуыс кӕной медиктӕн, иунӕг карджын ӕмбӕстӕгтӕн, кӕцытӕ нӕ хизынц хӕдзӕрттӕй ӕмӕ ӕндӕр ӕххуысхъуаг адӕмӕн.

"Дзырд нӕ цӕуы "сырх зонӕйы" кусыныл. Фӕлӕ уӕддӕр нӕ волонтерты сифтонг кӕндзысты сӕрмагонд хъахъхъӕнынады ӕмӕ дезинфекцион фӕрӕзтӕй. Нӕ волонтертӕ ныридӕгӕн кусынц ацы здӕхтыл, фӕлӕ уӕддӕр нӕ фаг кӕнынц. Хъӕуы ӕрбаиу кӕнын тыхтӕ ацы вирусон инфекийы ныхмӕ тохы", - банысан кодта Санахъоты Анна.

Ӕвзонг адӕм, кӕцыты фӕнды баххуыс кӕнын, хонынц инструктажмӕ организацийы офисмӕ Лужковы уынгыл 66 хӕдзармӕ. Афтӕ ма уӕлӕмхасӕн информаци райсӕн ис ацы номыртӕм бадзургӕйӕ: +7-929-808-45-62.

7
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2