Хуссар Иры МХМ изоляторы коронавирусы апарахаты фӕстӕ ауагътой дезинфекци

Хуссар Иры МХМ изоляторы коронавирусы апарахаты фӕстӕ ауагътой дезинфекци

4
(ранӕуӕггонд 15:55 05.11.2020)
Амӕйразмӕ фехъусын кодтой, коронавирусӕй кӕй фӕрынчын сты МХМ рӕстӕгмӕдарӕн изоляторы кусджытӕ ӕмӕ ахӕсттӕ

ЦХИНВАЛ, 5 ноя - Sputnik. Югосетпотребнадзоры комитеты кусджытӕ ауагътой дезинфекци рӕстӕгмӕдарӕн изоляторы, хъусын кӕны Хуссар Ирыстоны Мидхъуыддӕгты министрады (МХМ) пресс-службӕ.

Комитеты кусджытӕ сдезинфекци кодтой рӕстӕгмӕдарӕн изоляторы камерӕтӕ ӕмӕ бӕстыхӕйттӕ.

"Сӕрмагонд фӕрӕзтӕй сдезинфекци кодтой рӕстӕгмӕдарӕн изоляторы бӕстыхӕйттӕ иууылдӕр, афтӕ ма мидӕггагон кӕрт ӕмӕ йӕ алыварс территори", - фехъусын кодтой уагдоны пресс-службӕйы.

Ивгъуыд къуырийы изоляторы кусджытӕ ӕмӕ ахӕсттӕн сбӕрӕг кодтой коронавирус – 28 тестӕй ӕвӕрццаг фӕстиуджытӕ радтой 22. COVID-19-ӕй рынчынты бакодтой Дзауы районы рынчындонмӕ. Уым сӕ хъахъхъӕнынц рӕстӕгмӕ дарӕн изолятор ӕмӕ Милицийы сӕрмагонд нысаниуӕджы къорды кусджытӕ.

4
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2