Хуссар Ирмӕ ӕрхӕццӕ Дзӕуджыхъӕуы ӕххуыс - хостӕ ӕмӕ туаггуыр

Хуссар Ирмӕ ӕрхӕццӕ Дзӕуджыхъӕуы ӕххуыс - хостӕ ӕмӕ туаггуыр

12
(ранӕуӕггонд 16:07 05.11.2020)
Цхинвалмӕ гуманитарон ӕххуыс арвитыны скъуыддзаг цӕгатирыстойнаг къухдариуӕгад райста регионы сӕргълӕууӕг Битарты Вячеслав ӕмӕ президент Бибылты Анатолийы телефонон ныхасы фӕстӕ

ЦХИНВАЛ, 5 ноя - Sputnik. Хуссар Ирыстоны рынчындонмӕ рхӕццӕ сты медикаменттӕ, кӕцытӕ гуманитарон ӕххуысы фӕлгӕтты рахицӕн кодта Цӕгат Ирыстоны къухдариуӕгад. Коронавирусы апарахаты фӕдыл сӕвзӕргӕ уӕззау уавӕрыл ӕрдзырдтой телефоны Бибылты Анатолий ӕмӕ Битарты Вячеслав.

Ныхасы фӕстӕ РЦИ-А сӕргълӕууӕг бахӕс кодта арвитын COVID-19 хос кӕнын ӕмӕ профилактикӕйӕн медикаменттӕ, афтӕ ма медицинон туаггуыр.

Бибылты Анатолий загъта бузныг цӕгаттаг ӕфсымӕртӕн ахӕм оперативон ӕххуысы тыххӕй.

Ӕнӕниздзинад хъахъхъӕныны министры х.ӕ. Тотчиты Георгий куыд фехъусын кодта, республикӕмӕ ӕрластой препараттӕ Дексаметазон – 1000 ампулӕйы, Гепарин – 1200 ампулӕйы, Артлегиа (олокизумаб) – 30 таддаджы, афтӕ ма 50 баллоны туаггуыримӕ.

"Ацы препараттӕ дих ӕрцӕудзысты республикӕйы рынчындӕттыл. Стыр бузныг цӕгатирыстойнаг коллегӕтӕн ахӕм ӕххуысы тыххӕй", - загъта Тотчиты Георгий.

Президенты пресс-службӕйы куыд радзырдтой, афтӕмӕй цыппӕрӕмы Бибылты Анатолий радта рынчындонмӕ ноджы Гепарины иу парти - 1200 ампулӕйы, кӕцы у ӕнӕмӕнгхъӕуӕг коронавирусӕн хоскӕнынадӕн. Национ банк та радта рынчындонӕй авд бактерицидон рециркуляторы уӕлдӕф сыгъдӕг кӕнынӕн.

12
Хуссар Иры фæсивæдон организаци уарынц газет Правда -йы номыртæ æмæ Георгийы лентæтæ

Хуссар Иры фæсивæдон организаци уары газет "Правда" -йы номыртæ æмæ "Георгийы лентæтæ"

5
(ранӕуӕггонд 14:36 06.05.2021)
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы

ЦХИНВАЛ, 7 мая — Sputnik, Дриаты Лейла. Республикон фæсивæдон æхсæнадон организаци "Иууон Алани" æмæ Ирыстоны Россотрудничествойы минæварад уадзынц æрвылазон акци. Активисттæ уардзысты газет "Правда" номыртæ æмæ "Георгийы лентæтæ".

"Фæсивæдон организацийы активисттæ уарынц историон газет "Правда" 1945 азы 9 майæ æмæ мингай "Георгийы лентæтæ". Акци райдыдта республикæйы районтæй æмæ бакæронмæ ис Хуссар Ирыстоны столицайы", - радзырдтой "Иууон Алани"-йы фæсивæдон организацийы.

Акци нæ республикæйы уагъд цæуы 2017 азæй.

Банысан кæнын хъæуы уый, æмæ газет "Правда"-йы юбилейон номыры 1945 азы 9 майы рауагъды официалонæй мыхуыр æрцыдис Советон Цæдисы уæлахиз фашистон Германыл.

"Газета Победы"-йы  уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы.

Акцийы аразджыты хъуыдымæ гæсгæ, йæ сæйраг нысан у рæзгæ фæлтæрæн сæ зæрдыл æрлæууын кæнын, цавæр аргъæй æлхæд æрцыд Уæлахиз.

5
Цхинвалы ацӕудзӕн ветренатӕн хисӕрмагонд парадтӕ

Цхинвалы ацӕудзӕн хисӕрмагонд парадтӕ ветренатӕн

11
(ранӕуӕггонд 18:04 06.05.2021)
Стыр Фыдыбӕстон хӕсты дыууӕ ветеранӕ - Тедеты Николай ӕмӕ Къудухты Ефросиняӕн цыт кӕндзысты сӕ ӕдзӕртты раз

ЦХИНВАЛ, 6 мая — Sputnik, Плиты Фатимӕ. Хуссар Ирыстоны столицӕйы Стыр Уӕлахизы 76 азы сӕххӕсты цытӕн дыууӕ ветеранӕн рацӕудзӕн хисӕрмагонд парадтӕ. Цытджын марштӕ ацӕудзысты Гаглойты Владимир ӕмӕ Димитровы уынгтыл, уый тыххӕй Sputnik фехъусын кодта культурӕйы министр Зассеты Жанна.

Хисӕрмагонд парадтӕ ацӕудзысты сӕйраг парады генералон репетициимӕ иу бон.

"Стыр Фыдыбӕстон хӕсты дыууӕ ветеранӕн, кӕцыты тын фӕнды фенын парад, фӕлӕ сӕ бон нӕу бацӕуын театралон фӕзуатмӕ, уыдонӕн ацӕудзӕн хисӕрмагонд парадтӕ. Тедеты Николай ӕмӕ Къудухты Ефросиняйӕн цыт кӕндзысты сӕ хӕдзӕртты раз",- загъта министр.

Хисӕрмагонд парадтӕ ацӕудзысты Цхинвалы дыууӕ уынгтыл.

"Парадтӕ ацӕудзысты 7 майы Гаглойты Владимир ӕмӕ Димитровы уынгтыл", - бафтыдта уый.

Хуссар Ирыстонӕй Стыр Фыдыбӕстон хӕстмӕ ацыд 21 000 адӕймаджы 11 711 дзы фӕмард хӕсты, авд минӕй фылдӕр нымад цӕуынц ӕбӕрӕгӕй сӕфтыл.

11
Харебаты Вадим

Харебаты Вадим: ныффыстон бирæ ног зарджытæ

2
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

2
Темӕтӕ:
Радио иронау