Куымӕридтаты Линда

Хуссар Иры президенты ӕмкъай ӕххуыс кӕны дохтыртӕн "сырх зонӕйы"

11
(ранӕуӕггонд 15:02 06.11.2020)
Цхинвалы медуагдӕтты, цы ран хос кӕнынц ковид-рынчынтӕн, нӕ фаг кӕны персонал, уымӕ гӕсгӕ Ӕнӕниздзинад хъахъхъӕныны министрад бахатыд волонтертӕм ӕххуысмӕ

ЦХИНВАЛ, 6 ноя - Sputnik, Козаты Диана. Хуссар Ирыстоны президенты бинойнаг Куымӕридтаты Линда аскъуыддзаг кодта бацӕуын волонтерӕй "сырх зонӕмӕ", цӕмӕй баххуыс кӕна медиктӕн, фехъусын кодта республикон рынчындоны сӕйраг дохтыр Быценты Индира.

Коронавирусӕй рынчынты рӕзт тынг ӕппӕрццагӕй бандӕвта ӕнӕниздзинад хъахъхъӕныны системӕйыл. Медикаменттӕ ӕмӕ рынчындӕтты бынӕтты цухдзинадӕй дарддӕр ма фӕзынд ноджы иу серьезон проблемӕ  - дохтырты ӕмӕ ӕндӕр медперсоналы цухдзинад. Ӕнӕниздзинад хъахъхъӕныны министрад бахатыд волонтертӕм ӕххуысмӕ

"Президенты бинойнаг Куымӕридтаты Линда ӕрбацыд ӕртыццӕджы ӕмӕ йӕ бафӕндыд ковид-зонӕмӕ, цӕмӕй баххуыс кӕна медиктӕн. Уый бацыд сывӕллӕтты рынчындоны "сырх зонӕмӕ" ӕмӕ куыста иннӕ волонтерты ӕмрӕнхъ. Йӕ бон цы уыд, уый алцыдӕр арӕзта", - загъта Быценты Индира.

Медперсонал тынг хъармӕй райстой фыццаг ледийы, кӕцы йӕхи нӕ асӕрибар кодта куыстӕй республикӕйӕн зын рӕстӕджыты.

Хуссар Ирыстоны коронавирусӕй рынчынты нымӕц фылдӕр кӕнын райдыдта 15 сентябры Уӕрӕсеимӕ арӕны баконды фӕстӕ. Уый размӕ республикӕмӕ ӕрцӕуӕггӕгтӕ иууылдӕр хъуамӕ рацыдаиккой ӕнӕмӕнг дыууӕкъуырион карантин. Ацы мадзалы руаджы Хуссар Ирыстоны фондз мӕймӕ сбӕрӕг кодтой ӕрмӕстдӕр 90 рынчыны коронавирусӕй. Карантины фӕстӕ республикӕйы сбӕрӕг кодтой коронавирусӕй 1119 рынчыны, 14 адӕймаджы амардысты.

11
Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

1
(ранӕуӕггонд 16:14 02.03.2021)
Каратистты тренеры ныхӕстӕм гӕсгӕ, спортсментӕ сӕхи иттӕг хорз равдыстой

ЦХИНВАЛ, 2 мар - Sputnik, Гӕбӕраты Элина. Ӕвзонг каратисттӕ Хуссар Ирыстонӕй равдыстой иттӕг хорз фӕстиуджытӕ РЦИ-Аланийы чемпионат ӕмӕ фыццагады, уыдон рамбылдтой дыууадӕс майданы, фехъусын кодта Sputnik спортсменты тренер Созайты Владимир.

Уый банысан кодта, ерысты нысан уыд сбӕрӕг кӕнын хъуыздӕр каратистты ӕмӕ саразын командӕ Уӕрӕсейы фыццагадмӕ, кӕцы ацӕудзӕн 2-5 апрелы Орелы.

"Дудайты Донна ӕмӕ Тедеты Анна рамбылдтой сыгъзӕрин майдантӕ, Тадтаты Софья ӕмӕ Джиджджойты Анна – ӕвзист майдантӕ, Гаглойты Диана райста бронзӕ", - загъта Созайты Владимир.

Тренер банысан кодта, спортсментӕ сӕхи хорз кӕй равдыстой ӕмӕ ныр бахызтысты РЦИ-Аланийы командӕмӕ.

"Афтӕ ма сӕхи хорз равдыстой дебютанттӕ дӕр: Цыбырты Анастасия ӕмӕ Лалыты Джер бацахстой фыццаг бынӕттӕ, Цыдугъты Милана ӕмӕ Куыридтаты Даниил та ацыдысты дыккаг бынӕттыл. Ортъаты хотӕ Аланӕ ӕмӕ Диана та сӕ кары къордты райстой бронзӕйон майдантӕ", - радзырдта журналисттӕн тренер.

Ӕппӕтстилон каратэйӕ ерысты цыдысты 25-27 февралы Цӕгат Ирыстоны Октябры хъӕуы.

1
Зынгфӕдисон хӕдтулгӕ

Зынгфӕдисонтӕ ахуыссын кодтой хус кӕрдӕджы ссыгъд Цхинвалы цӕгаттаг кӕрон

1
(ранӕуӕггонд 15:31 02.03.2021)
Зынгсирвӕзты фӕдыл информаци бацыд УУМ радгӕсон хайадмӕ МХМ-йӕ 13.11 сахатыл

ЦХИНВАЛ, 2 мар – Sputnik, Тъехты Дзерассӕ. Цхинвал-Дзау фӕндаджы цыппӕрӕм километрыл, раздӕры хъӕу Чъехы цур ссыгъд хус кӕрдӕг, фехъусын кодта Sputnik Хуссар Ирыстоны Уӕлвӕткон уавӕрты министрады (УУМ) радгӕсоны ӕххуысгӕнӕг Хъодалаты Руслан.

"Зынгсирвӕзт аиуварс кодтой. Архайдта дзы иу зынгфӕдисон къорд", - загъта уый.

Радгӕсоны ӕххуысгӕнӕг банысан кодта, зынгсирвӕзт ӕрцыд уӕлвӕзыл. Уый сарӕзта зындзинӕдтӕ УУМ сӕрмагонд техникӕйӕн, фӕлӕ арты фӕзуат стыр нӕ уыд, ӕмӕ йӕ уайтагъд ахуыссын кодтой.

1