Иугонд Ирыстон

"Иугонд Ирыстон" баххуыс кæндзæн ӕнӕниздзинад хъахъхъӕнынады министрадӕн фæрæзтæй

39
(ранӕуӕггонд 16:38 06.11.2020)
Парти рахицæн кодта 200 мин сомы ӕнӕниздзинад хъахъхъӕнынады министрадæн медикаменттæ æлхæнынæн

ЦХИНВАЛ, 6 ноя - Sputnik, Плиты Фатимӕ. Хуссар Ирыстоны политикон парти "Иугонд Ирыстон" баххуыс кодта ӕнӕниздзинад хъахъхъӕнынады министрадӕн фӕрӕзтӕй медикаменттӕ балхӕнынӕн, фехъусын кодта Sputnik партийы уӕнг, парламенты хъахъхъӕнынады комитеты размонӕг Бибылты Ацӕмӕз.

Хуссар Ирыстоны фӕстаг рӕстӕджы тынг кӕй сбирӕ сты коронавирусӕй рынчынты нымӕц, уымӕ гӕсгӕ нӕ фаг кӕнын медуагдӕтты медикаменттӕ, уый тыххӕй ивгъуыд къуырийы министрад сарӕзта хъусинаг.

"Республикӕйы кӕй нӕ фаг кӕнынц фӕрӕзтӕ медикаменттӕн, уый хынцгӕйӕ партийы сӕрдар Тадтаты Алан аскъуыддзаг кодта 200 мин сомӕй баххуыс кæнæн ӕнӕниздзинад хъахъхъӕнынады министрадӕн. Уый иунӕг акци нӕ уыдзӕн. Парти дарддӕр дӕр ӕххуыс кӕндзӕн йӕ фадӕттӕ йӕ куыд амоной афтӕ",- загъта Бибылты Ацӕмӕз.

Хуссар Ирыстон коронавирусӕй рынчынтӕ кӕй сбирӕ сты, уымӕ гӕсгӕ нӕ фаг кӕныныц медикаменттӕ ӕмӕ медиктӕ. Республикӕйы уый фӕдыл сцайдагъ сты волонтерон змӕлдтӕ.

Стационарты ныртӕккӕ ис 228 адӕймаджы, ӕдӕппӕт та дохтырты хъусдарды бын ис 1046 рынчыны.

Хуссар Ирыстоны коронавирусӕй рынчынты нымӕц фылдӕр кӕнын райдыдта 15 сентябры Уӕрӕсеимӕ арӕны баконды фӕстӕ. Уый размӕ республикӕмӕ ӕрцӕуӕггӕгтӕ иууылдӕр хъуамӕ рацыдаиккой ӕнӕмӕнг дыууӕкъуырион карантин. Ацы мадзалы руаджы Хуссар Ирыстоны фондз мӕймӕ сбӕрӕг кодтой ӕрмӕстдӕр 90 рынчыны коронавирусӕй.

39
Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

1
(ранӕуӕггонд 16:14 02.03.2021)
Каратистты тренеры ныхӕстӕм гӕсгӕ, спортсментӕ сӕхи иттӕг хорз равдыстой

ЦХИНВАЛ, 2 мар - Sputnik, Гӕбӕраты Элина. Ӕвзонг каратисттӕ Хуссар Ирыстонӕй равдыстой иттӕг хорз фӕстиуджытӕ РЦИ-Аланийы чемпионат ӕмӕ фыццагады, уыдон рамбылдтой дыууадӕс майданы, фехъусын кодта Sputnik спортсменты тренер Созайты Владимир.

Уый банысан кодта, ерысты нысан уыд сбӕрӕг кӕнын хъуыздӕр каратистты ӕмӕ саразын командӕ Уӕрӕсейы фыццагадмӕ, кӕцы ацӕудзӕн 2-5 апрелы Орелы.

"Дудайты Донна ӕмӕ Тедеты Анна рамбылдтой сыгъзӕрин майдантӕ, Тадтаты Софья ӕмӕ Джиджджойты Анна – ӕвзист майдантӕ, Гаглойты Диана райста бронзӕ", - загъта Созайты Владимир.

Тренер банысан кодта, спортсментӕ сӕхи хорз кӕй равдыстой ӕмӕ ныр бахызтысты РЦИ-Аланийы командӕмӕ.

"Афтӕ ма сӕхи хорз равдыстой дебютанттӕ дӕр: Цыбырты Анастасия ӕмӕ Лалыты Джер бацахстой фыццаг бынӕттӕ, Цыдугъты Милана ӕмӕ Куыридтаты Даниил та ацыдысты дыккаг бынӕттыл. Ортъаты хотӕ Аланӕ ӕмӕ Диана та сӕ кары къордты райстой бронзӕйон майдантӕ", - радзырдта журналисттӕн тренер.

Ӕппӕтстилон каратэйӕ ерысты цыдысты 25-27 февралы Цӕгат Ирыстоны Октябры хъӕуы.

1
Зынгфӕдисон хӕдтулгӕ

Зынгфӕдисонтӕ ахуыссын кодтой хус кӕрдӕджы ссыгъд Цхинвалы цӕгаттаг кӕрон

1
(ранӕуӕггонд 15:31 02.03.2021)
Зынгсирвӕзты фӕдыл информаци бацыд УУМ радгӕсон хайадмӕ МХМ-йӕ 13.11 сахатыл

ЦХИНВАЛ, 2 мар – Sputnik, Тъехты Дзерассӕ. Цхинвал-Дзау фӕндаджы цыппӕрӕм километрыл, раздӕры хъӕу Чъехы цур ссыгъд хус кӕрдӕг, фехъусын кодта Sputnik Хуссар Ирыстоны Уӕлвӕткон уавӕрты министрады (УУМ) радгӕсоны ӕххуысгӕнӕг Хъодалаты Руслан.

"Зынгсирвӕзт аиуварс кодтой. Архайдта дзы иу зынгфӕдисон къорд", - загъта уый.

Радгӕсоны ӕххуысгӕнӕг банысан кодта, зынгсирвӕзт ӕрцыд уӕлвӕзыл. Уый сарӕзта зындзинӕдтӕ УУМ сӕрмагонд техникӕйӕн, фӕлӕ арты фӕзуат стыр нӕ уыд, ӕмӕ йӕ уайтагъд ахуыссын кодтой.

1