Хуссар Иры ӕфсӕддонты арвыстой фӕстауӕрцмӕ

Хуссар Иры ӕфсӕддонты арвыстой фӕстауӕрцмӕ

2
(ранӕуӕггонд 16:38 06.11.2020)
Ӕфсӕддонтӕн, кӕцытӕ иу азы дӕргъы службӕ кодтой Ахуырадон ротӕйы, радтой ӕсфӕддон нӕмттӕ

ЦХИНВАЛ, 6 ноя - Sputnik. Хуссар Ирыстоны Хъахъхъӕнынады министрады ӕфсӕддон горӕты плацыл ацыд бӕрӕгбонон мадзал ӕфсӕддонты фӕстауӕрцмӕ арвитыны фӕдыл. Уый тыххӕй хъусын кӕны хъахъхъӕнынады уагдоны пресс-службӕ.

Мадзал ацыд Хуссар Ирыстоны Гарзджын тыхты Генералон штабы хистӕр Виктор Федоровы къухдариуӕгады бын. Уый загъта бузныг ӕвзонг лӕппутӕн цӕсгомджын службӕйы тыххӕй ӕмӕ сын йӕ цӕст бауарзта фидӕны ӕнтыстытӕ.

"Уӕ фылдӕр хай цӕсгомджын ӕмӕ намысджынӕй ӕххӕст кодтой ӕфсӕддон хӕслӕвӕрдтӕ. Сымахӕн уӕ бон у адарддӕр кӕнын уӕ службӕ националон ӕфсады контрактмӕ гӕсгӕ", - загъта Федоров.
Солдаты срочной службы ВС Южной Осетии уволены в запас
Пресс-служба МО РЮО
Хуссар Иры ӕфсӕддонты арвыстой фӕстауӕрцмӕ

Ӕфсӕддонты раз ралӕууыд хъахъхъӕнынады министры хӕдивӕг Сиукъаты Вадим дӕр. Уымӕн йӕ цӕст бауарзта фӕсивӕдӕн хӕрзӕбон, сабырдзинад ӕмӕ ӕнтыстытӕ царды.

Хорз службӕйы тыххӕй солдаттӕн радтой хорзӕхтӕ. Кӕцыдӕр ӕфсӕддонтӕн радтой кады грамотатӕ. Афтӕ ма, цалдӕр солдаты ныййарӕгмӕ барвыстой бузныджы фыстӕджытӕ хъахъхъӕнынады министры номӕй.

2
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2