Уӕрӕсейаг медиктӕ Хуссар Иры

Уӕрӕсейаг медиктӕ дӕс бонмӕ Хуссар Иры басгӕрстой 500 пациентмӕ ӕввахс

6
(ранӕуӕггонд 12:48 09.11.2020)
Абон бон ковид-госпиталы медицинон специалистты хъусдарды бын сты 70 адӕймагӕй фылдӕр

ЦХИНВАЛ, 9 ноя — Sputnik. Цхинвалы мобилон бирӕпрофилон госпиталы ӕфсӕддон медиктӕ басгӕрстой республикӕйы 500-мӕ ӕввахс ӕмбӕстаджы. Ӕмбӕстӕгтӕ иууылдӕр рацыдысты ӕнӕмӕнг басгӕрст ӕмӕ радтой анализ. Уый тыххӕй хъусын кӕны Уӕрӕсейы Хъахъхъӕнынады министрад.

"Мобилон госпиталь кусын куы райдыдта, уӕдӕй фӕстӕмӕ ӕфсӕддон медиктӕ райстой республикӕйы 500-мӕ ӕввахс ӕмбӕстаджы. Ӕмбӕстӕгтӕ иууылдӕр рацыдысты ӕнӕмӕнг басгӕрст ӕмӕ радтой анализ. Ӕдӕппӕт сарӕзтой 530 тесты коронавирус сбӕрӕг кӕныны фӕдыл", - радзырдта госпиталы хистӕр, медицинон службӕйы дӕлбулкъон Расул Муртазалиев.

Уый бафтыдта, зӕгъгӕ, ныртӕккӕ медицинон хъусдарды бын сты 70 адӕймагӕй фылдӕр.

Уӕрӕсейаг ӕфсӕддон медиктӕ ӕрцыдысты Хуссар Ирыстонмӕ республикӕйы Хъахъхъӕнынады министрад президент Бибылты Анатолийы фӕдзӕхстмӕ гӕсгӕ уӕрӕсейаг хъахъхъӕнынадон уагонмӕ куы бахатыд, уый фӕстӕ. Дыккаг бон президент Владимир Путины скъуыддзагмӕ гӕсгӕ УФ хъахъхъӕнынады министр Сергей Шойгу бахӕс кодта арвитын мобилон госпиталь Хуссар Ирыстонмӕ.

6
Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

0
(ранӕуӕггонд 11:46 27.11.2020)
Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр

ЦХИНВАЛ, 27 ноя – Sputnik. Хуссар Ирыстоны хъахъхъӕнынады министрады хатцӕгон басгӕрстты нывӕзты фӕлгӕтты ацыдысты контролон ахуыртӕ ӕхстон цӕттӕдзинадӕй. Уый тыххӕй хъусын кӕны уагдоны пресс-службӕ.

Ӕфсӕддон службӕгӕнджытӕ ӕхстой штатон хӕцӕнгарзӕй хацӕн ӕмӕ хицӕн милтӕм алыгъуызон уавӕрты.

"Службӕгӕнӕгӕн индивидуалон нысан райсыны тыххӕй хынцыд цыдысты йӕ зонындзинӕдтӕ куыд теоретикон хаййӕ, цы ран сты ӕхсыны бындуртӕ ӕмӕ фӕткойтӕ, хӕцӕнгарзы материалон хай, ӕдасдзинады домӕнтӕ, афтӕ ма хӕстон ӕхсты фӕстиуджытӕ дӕр", - дзырдӕуы хъусинаджы.

Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр, кӕцыдӕр дӕлхайӕдты хисӕрмагонд скондимӕ та тактикон ӕмӕ сӕрмагонд цӕттӕдзинадӕй дӕр.

Контролон ахуырты нысан у ӕфсӕддон дисциплинӕйы ӕцӕгӕй ӕмвӕзад, афтӕ ма ифтонгад, ӕфсӕддон техникӕйы уавӕр рафӕлгъауын.

0
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы аргъ фыдгӕнӕджы ӕрурӕдтой

5
(ранӕуӕггонд 11:50 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бихъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

5