Хуссар Иры МХМ банысан кодта фӕндӕгтыл фӕткхалджыты нымӕцы фӕкъаддӕр

3
(ранӕуӕггонд 12:47 09.11.2020)
Ивгъуыд къуыри фӕкъаддӕр ис канд фӕндӕгон змӕлды фехӕлдты нымӕц нӕ, фӕлӕ ма нозтджынӕй цы шофырты ӕрурӕдтой уыдон нымӕц дӕр

ЦХИНВАЛ, 9 ноя - Sputnik. Ивгъуыд къуыри Хуссар Ирыстоны рабӕрӕг кодтой фӕӕдагон змӕлды 112 фехӕлды, уый та йӕ размӕйы къуыримӕ абаргӕйӕ у 40 къаддӕр, хъусын кӕӕы республикӕйы УУМ пресс-службӕ.

Фӕкъаддӕр сты нозтджын шофыртӕ дӕр – 2-8 ноябры ӕрмӕст цыппар адӕймаджы ӕрурӕдтой машинӕ расыгӕй скъӕрыны тыххӕй (26 октябрӕй 2 ноябрьмӕ та – ӕхсӕз).

Ӕдӕппӕт къуырийы дӕргъы республикӕйы фӕндӕгтыл ӕрцыд дыууӕ ФТЦ, бахъыгдард и сиу адӕймаг.

МХМ ма бафтыдтой, ивгъуыд къуыри кӕй ӕрцыд иу фыдракӕнд, уый рабӕрӕг кодтой мидхъуыддӕгты органты кусджытӕ.

"Знауыры районы хайадмӕ 6 ноябры бацыд поселочы цӕрӕг ӕмӕ фехъусын кодта, дуканийӕ йын ӕбӕрӕг гоймаг кӕй адавта йӕ телефон "iPhone 6S". Оперативон кусджытӕ рабӕрӕг кодтой, фыдгӕнӕг кӕй уыд Цхинвалы районы Къостайы хъӕуы 31-аздзыд цӕрӕг", - фехъусын кодтой уагдоны.

Районы барадхъахъхъӕнӕг органтӕ кусынц фыдгӕнӕджы ссарыныл.

3
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2