"Цӕттӕ дӕн ирд тох ауадзынмӕ": ирон боксер Тыбылты Алик ногӕй рахиздзӕн рингмӕ

Рафыссын
Ирыстойнаг боксер Тыбылты Алик ауадздзӕн йӕ радон тох 14-ӕм ноябры, йӕ ныхмӕлӕууӕг уыдзӕн спортсмен Санкт-Петербургӕй Александр Салтыков

ЦХИНВАЛ, 10 ноя – Sputnik, Хъуылымбегты Азӕмӕт. Ирыстойнаг боксер-профессионал Тыбылты Алик ногӕй рахиздзӕн рингмӕ 14-ӕм ноябры Краснодары, уый ауадздзӕн ӕхсӕзраундон тох, фехъусын кодта Sputnik йӕхӕдӕг спортсмен.

Тыбылты Алик - Sputnik Хуссар Ирыстон
"Ӕнцон тох уыд": Тыбылты Алик ногӕй рамбылдта рингыл

Ирон боксеры ныхмӕлӕууӕг уыдзӕн спортсмен Санкт-Петербургӕй Александр Салтыков.

"Ӕз цӕттӕ дӕн ӕхсӕз раундмӕ. Цӕттӕкӕнынад цӕуы бӕрзонд ӕмвӕзадыл. Цӕттӕ дӕн ирд тох ауадзынмӕ", - загъта Тыбылты Алик.

Тыбылты Алик архайы 63 килограммы уӕзы категорийы. Ӕвзонг спортсмен ауагъта авд тохы ӕнӕ фембылдтӕй. Боксер тренировкӕ кӕны Уӕрӕсейы сгуыхт тренер Сланты Виталийы къухдариуӕгады бын.

Ног хабӕртты лентӕ
0