Хъайтардзинады символ: Хуссар Иры президент раарфӕ кодта барадхъахъхъӕнджытӕн

© Пресс-служба президента РЮОБибылты Анатолий
Бибылты Анатолий - Sputnik Хуссар Ирыстон
Рафыссын
Бибылты Анатолий раарфӕ кодта барадхъахъхъӕнӕг органты кусджытӕ ӕмӕ ветерантӕн, кӕцытӕ абон нысан кӕнынц сӕ профессионалон бӕрӕгбон

ЦХИНВАЛ, 10 ноя - Sputnik. Хуссар Ирыстоны барадхъахъхъӕнӕг органты кусджытӕ ӕххӕст кӕнынц ахсджиаг хӕс паддзахадон ӕмӕ ӕхсӕнадон ӕдасдзинад хъахъхъӕныны фӕдыл. Уыдон профессионализмыл дзурӕг у адӕмы ӕууӕнк иумӕйагӕй барадхъахъхъӕнӕг системӕйыл, дзырдӕуы президент Бибылты Анатолийы арфӕйы мидхъуыддӕгты министрады кусджытӕн, кӕцытӕ абон нысан кӕнынц сӕ профессионалон бӕрӕгбон.

"Абоны бӕрӕгбон у мидхъуыддӕгты органты кусджыты лӕгдзинад ӕмӕ ӕхсардзинады символ. Уыдонӕн сӕ алыбонон куыст хъуамӕ уа здӕхт фыццаг рады цӕрджыты ӕдасдзинад ӕмӕ ӕхсӕнадон фӕтк хъахъхъӕнынмӕ", - дзырдӕуы президенты арфӕйы.

Уӕлдай бузныг Бибылты Анатолий загъта ветерантӕн, кӕцытӕ сӕ цард иууылдӕр снывонд кодтой Хуссар Иры адӕмӕн лӕггад кӕнынӕн ӕмӕкадджынӕй ӕххӕст кодтой сӕ хӕс райгуырӕн бӕстӕйы раз.

Паддзахады сӕргълӕууӕджы цӕст бауарзта уагдоны кусджытӕн ӕмӕ ветерантӕн ӕнӕниздзинад, амонд ӕмӕ профессионалон бӕрзӕндтӕ.

Ног хабӕртты лентӕ
0