Президент бабӕрӕг кодта Ленингоры районы арӕзтадон куыстытӕ

Уайдзӕфтӕ ӕмӕ ног хӕстӕ: президент бабӕрӕг кодта Ленингоры районы арӕзтадон куыстытӕ

5
(ранӕуӕггонд 14:47 10.11.2020)
Йӕ балцы рӕстӕджы Бибылты Анатолий сарӕзта цалдӕр уайдзӕф ӕмӕ ӕнхъарӕны спортивон залы арӕздаты тыххӕй, кӕцы хъуамӕ эксплуатацимӕ лӕвӕрд ӕрцыдаид октябры

ЦХИНВАЛ, 10 ноя – Sputnik. Хуссар Ирыстоны президент бабӕрӕг кодта Ленингоры районы Цъинагары хъӕуы арӕзтазон объекттыл куыстытӕ, хъусын кӕны бӕстӕйы сӕргълӕууӕджы пресс-службӕ.

Районы ЦКХ тыхтӕй Цъинагары скъолайы цур арӕзт цӕуы спортивон зал. Объект эксплуатацимӕ хъуамӕ лӕвӕрд ӕрцыдаид октябры, фӕлӕ куыстытӕ нырма дӕр нӕ фесты. Президент аныхас кодта районы сӕргълӕууӕг Мамытаты Виталиимӕ, нардуатон организацийы къухдариуӕггӕнӕгимӕ, кусджытимӕ.

"Бибылты Анатолий банысан кодта, районы къухдариуӕгад, нардуатисӕг ӕмӕ цӕстдарӕг организациты ӕмгуыстад куыд ӕмбӕлы, афтӕ кӕй нӕу. Йӕ балцы рӕстӕджы президент сарӕзта цалдӕр уайдзӕф ӕмӕ ӕнхъарӕны, кӕцытӕ хъуамӕ рараст кӕной уавӕр", - дзырдӕуы хъусинаджы.

Бибылты Анатолий ма бауазӕг Цъинагары ног амбулаторимӕ дӕр. Бӕстыхай цӕттӕ у эксплуатацимӕ, фӕлӕ цӕмӕндӕр медперсонал нырма дӕр сты зӕронд агъуысты.

Президент Анатолий Бибилов проинспектировал ход работ на строительных объектах в с. Цинагар Ленингорского района
© Пресс-служба президента РЮО
Бибылты Анатолий бауазӕг Цъинагары ног амбулаторимӕ

Президент бахӕс кодта, цӕмӕй ног амбулаторийы территори хӕрзарӕзт ӕрцӕуа, афтӕ ма самал кӕной ӕппӕт ӕнӕмӕнгхъӕуӕг ифтонгад медуагдонӕн.

Бӕстӕйы сӕргълӕууӕг ма аныхас кодта амбулаторийы персоналимӕ дӕр – уый цымыдис кодта, куыд цӕттӕ у район COVID-19-имӕ тохмӕ. Абоны онг Цъинагар ӕмӕ йӕ алыварс хъӕуты нырма нӕй коронавирусӕй рынчынтӕ. Фӕлӕ уӕддӕр, президенты ныхӕстӕм гӕсгӕ, амбулаторийы хъуамӕ уа ӕнӕмӕнгхъӕуӕг медикаменты фӕстауӕрц.

5
Хуссар Иры фæсивæдон организаци уарынц газет Правда -йы номыртæ æмæ Георгийы лентæтæ

Хуссар Иры фæсивæдон организаци уары газет "Правда" -йы номыртæ æмæ "Георгийы лентæтæ"

5
(ранӕуӕггонд 14:36 06.05.2021)
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы

ЦХИНВАЛ, 7 мая — Sputnik, Дриаты Лейла. Республикон фæсивæдон æхсæнадон организаци "Иууон Алани" æмæ Ирыстоны Россотрудничествойы минæварад уадзынц æрвылазон акци. Активисттæ уардзысты газет "Правда" номыртæ æмæ "Георгийы лентæтæ".

"Фæсивæдон организацийы активисттæ уарынц историон газет "Правда" 1945 азы 9 майæ æмæ мингай "Георгийы лентæтæ". Акци райдыдта республикæйы районтæй æмæ бакæронмæ ис Хуссар Ирыстоны столицайы", - радзырдтой "Иууон Алани"-йы фæсивæдон организацийы.

Акци нæ республикæйы уагъд цæуы 2017 азæй.

Банысан кæнын хъæуы уый, æмæ газет "Правда"-йы юбилейон номыры 1945 азы 9 майы рауагъды официалонæй мыхуыр æрцыдис Советон Цæдисы уæлахиз фашистон Германыл.

"Газета Победы"-йы  уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы.

Акцийы аразджыты хъуыдымæ гæсгæ, йæ сæйраг нысан у рæзгæ фæлтæрæн сæ зæрдыл æрлæууын кæнын, цавæр аргъæй æлхæд æрцыд Уæлахиз.

5
Цхинвалы ацӕудзӕн ветренатӕн хисӕрмагонд парадтӕ

Цхинвалы ацӕудзӕн хисӕрмагонд парадтӕ ветренатӕн

10
(ранӕуӕггонд 18:04 06.05.2021)
Стыр Фыдыбӕстон хӕсты дыууӕ ветеранӕ - Тедеты Николай ӕмӕ Къудухты Ефросиняӕн цыт кӕндзысты сӕ ӕдзӕртты раз

ЦХИНВАЛ, 6 мая — Sputnik, Плиты Фатимӕ. Хуссар Ирыстоны столицӕйы Стыр Уӕлахизы 76 азы сӕххӕсты цытӕн дыууӕ ветеранӕн рацӕудзӕн хисӕрмагонд парадтӕ. Цытджын марштӕ ацӕудзысты Гаглойты Владимир ӕмӕ Димитровы уынгтыл, уый тыххӕй Sputnik фехъусын кодта культурӕйы министр Зассеты Жанна.

Хисӕрмагонд парадтӕ ацӕудзысты сӕйраг парады генералон репетициимӕ иу бон.

"Стыр Фыдыбӕстон хӕсты дыууӕ ветеранӕн, кӕцыты тын фӕнды фенын парад, фӕлӕ сӕ бон нӕу бацӕуын театралон фӕзуатмӕ, уыдонӕн ацӕудзӕн хисӕрмагонд парадтӕ. Тедеты Николай ӕмӕ Къудухты Ефросиняйӕн цыт кӕндзысты сӕ хӕдзӕртты раз",- загъта министр.

Хисӕрмагонд парадтӕ ацӕудзысты Цхинвалы дыууӕ уынгтыл.

"Парадтӕ ацӕудзысты 7 майы Гаглойты Владимир ӕмӕ Димитровы уынгтыл", - бафтыдта уый.

Хуссар Ирыстонӕй Стыр Фыдыбӕстон хӕстмӕ ацыд 21 000 адӕймаджы 11 711 дзы фӕмард хӕсты, авд минӕй фылдӕр нымад цӕуынц ӕбӕрӕгӕй сӕфтыл.

10
Харебаты Вадим

Харебаты Вадим: ныффыстон бирæ ног зарджытæ

2
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

2
Темӕтӕ:
Радио иронау