Хуссар Иры парламент

Хуссар Иры компарти хорзыл банымайдзӕн ивындзинӕдтӕ бюджетмӕ

2
(ранӕуӕггонд 16:50 10.11.2020)
Амӕйразмӕ Хуссар Ирыстоны парламенты фыццаг вице-спикер фехъусын кодта, закондӕттӕг органы сесси, кӕцыйыл хъуамӕ ӕркӕсой бюджетмӕ ивындзинӕдтӕм, гӕнӕн ис ацӕуа ацы къуыри

ЦХИНВАЛ, 10 ноя – Sputnik, Козаты Диана. Коммунистон партийы фракци Хуссар Ирыстоны парламенты хайад райсдзӕн закондӕттӕг органы сессийыл, загъта Sputnik депутат коммунистӕй Уырыгаты Инал.

Послание Анатолия Бибилова к народу и парламенту Южной Осетии
© Sputnik / Natalia Airiyan
Парламенты сесси

Амӕйразмӕ хицауад рахицӕн кодта коронавирусы ныхмӕ тохӕн 62 милуан сомы. Цӕмӕй сӕ спайда кӕной, уый тыххӕй парламент хъуамӕ сфидар кӕна ивындзинӕдтӕ республикон бюджетмӕ.

"Мах ӕрбацӕудзыстӕм сессимӕ. Нӕ фракци ӕрдзырдта ацы фарстыл, ӕмӕ мах аскъуыддзаг кодтам схъӕлӕс кӕнын бюджетмӕ ивындзинӕдтыл", - загъта Уырыгаты Инал.

Знон Sputnik пресс-центры ацыд пресс-конференци "Иугонд Ирыстон" партийы депутатты хайадистӕй, кӕцытӕ ӕрсидтысты сӕ коллегӕтӕм, цӕмӕй аиуварс кӕной сӕ хисӕрмагонд амбицитӕ ӕмӕ схъӕлӕс кӕной бюджетмӕ ивындзинӕдтыл.

Хуссар Ирыстоны коронавирусӕй рынчынты нымӕц фылдӕр кӕнын райдыдта 15 сентябры Уӕрӕсеимӕ арӕны баконды фӕстӕ. Уый размӕ республикӕмӕ ӕрцӕуӕггӕгтӕ иууылдӕр хъуамӕ рацыдаиккой ӕнӕмӕнг дыууӕкъуырион карантин. Ацы мадзалы руаджы Хуссар Ирыстоны фондз мӕймӕ сбӕрӕг кодтой ӕрмӕстдӕр 90 рынчыны коронавирусӕй. Карантины фӕстӕ республикӕйы сбӕрӕг кодтой коронавирусӕй 1,3 мин рынчынӕй фылдӕр, 20 адӕймаджы амардысты.

2
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2