Хуссар Ирыстоны Гарзджын тыхтӕ

Карантинон мадзӕлттӕ ӕмӕ маскӕйон режим: куыд кусынц Хуссар Иры ХМ пандемийы рӕстӕджы

7
(ранӕуӕггонд 14:26 11.11.2020)
Республикӕйы уӕззау эпидемиологон уавӕры тыххӕй Хъахъхъӕнынады министрады профилактикон мадзӕлттӕм бахастой ивындзинӕдты

ЦХИНВАЛ, 11 ноя – Sputnik, Козаты Диана. Коронавирусы апарахаты тыххӕй Хуссар Ирыстоны Гарзджын тыхты сӕрмагонд барамынды онг ис маскӕты режим, аивтой мадзӕлттӕ ӕхгӕд бӕстыхӕйтты, кусджыты ӕмбырдтӕ та рабадтыты залы уагъд цӕудзысты ӕрмӕстдӕр уӕлвӕткон цауты рӕстӕджы.

Республикӕйы Хъахъхъӕнынады министрады пресс-службӕ куыд хъусын кӕны, афтӕмӕй уагдоны сӕргълӕууӕджы хӕстӕ ӕххӕстгӕнӕг Гассеты Ибрагим ауагъта кусӕгон рабадт ӕфсӕдты архайды фӕдыл коронавирусы апарахаты уавӕрты.

Министры хӕстӕ ӕххӕтгӕнӕгӕн радзырдтой эпидемиологон уавӕры тыххӕй Хъахъхъӕнынады министрады ӕмӕ куыд ӕххӕст цӕуынц коронавирусы апарахат ма ‘руадзыны фӕдыл мадзӕлттӕ, уый тыххӕй.

Афтӕ ма, уӕззау эпидемиологон уавӕры тыххӕй Хъахъхъӕнынады министрады профилактикон мадзӕлттӕм бахастой ивындзинӕдты.

"Национ гарзджын тыхты ӕххӕст цӕуы маскӕты режим, аивтой мадзӕлттӕ ӕхгӕд бӕстыхӕйтты, кусджыты ӕмбырдтӕ та рабадтыты залы уагъд цӕудзысты ӕрмӕстдӕр уӕлвӕткон цауты рӕстӕджы. Афтӕ ма ногӕрсидтонтӕн нӕй гӕнӕн хизын ӕфсӕддон горӕты территорийӕ. Ӕфсӕддонтӕ, кӕцытыл цӕуы 65 азы, ӕвгъӕдджын сылгоймӕгтӕ ӕмӕ иугӕндзойнон низтимӕ гоймӕгтӕ, афтӕ ма сылгоймаг ӕфсӕддонтӕ, кӕцытӕ сӕ хъус дарынц 10 азы кары онг сывӕллӕттӕм, ссӕрибар кодтой сӕ куыстӕй, фӕлӕ сын фиддзысты мызд", - радзырдтой пресс-службӕйы.

Уымӕй дарддӕр, Гассеты Ибрагим бахаста ивындзинӕдтӕ уагдоны медицинон службӕйы куыстмӕ дӕр: медицинон кусджытӕ хӕсдзысты рад ӕфсӕддон горӕты контролон-уадзӕн пункты, фӕтыхджындӕр кӕндзысты куыст рынчынтимӕ. Уыимӕ иумӕ, министры хӕстӕ ӕххӕстгӕнӕг бахӕс кодта сифтонг кӕныны кусджыты сӕрмагонд хъахъхъӕнынады фӕрӕзтӕй, дезинфекци кӕнын бӕстыхӕйттӕ ӕмӕ ӕрвылбон сгарын ӕфсӕддонты ӕнӕниздзинады уавӕр.

Сентябры ӕмбисӕй коронавирусӕй рынчынты иумӕйаг нымӕц у 1405, уыдонӕй сӕнӕниз сты 224 адӕймаджы. Коронавирусон инфекцийӕ амардысты 21 адӕймаджы.

7
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

2
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

2
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

1
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

1