Бибылты Анатолий

Президент: Дзабиты Иналы хъуыддаг ӕввахс рӕстӕджы бадӕтдзысты тӕрхондонмӕ

6
(ранӕуӕггонд 14:14 11.11.2020)
Хуссар Иры æхсæнады уавæр скарз ис Цхинвалы цæрæг Дзабиты Инал криминалон милицийы бафарсты рæстæджы нады фæстиуæгæн куы фæмард 28 августы, уый фæстæ. Президент Бибылты Анатолий хъуыддаджы фӕдагуырды тыххӕй радзырдта эксклюзивон интервьюйы Sputnik-ӕн

ЦХИНВАЛ, 11 ноя – Sputnik, Козаты Диана. Экспертизӕты фӕстиуджытӕ, кӕцытӕ снысан кодтой Цхинвалы цӕрӕг Дзабиты Иналы амарыны фӕдыл уголовон хъъуыддаджы фӕлгӕтты, бӕрӕг уыдзысты ӕввахс рӕстӕджы. Уый фӕстӕ хъуыддаг бадӕтдзысты тӕрхондонмӕ, загъта президент Бибылты Анатолий эксклюзивон интервьюйы Sputnik-ӕн.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ.

"Ис нӕм информаци, къуырийы дӕргъы экспертизӕтӕ кӕй уыдзысты цӕттӕ. Ӕз ӕмбарын ныййарджытӕ ӕмӕ нӕ ӕхсӕнады позици, кӕцыты дзурынц, ома бирӕ рӕстӕг рацыд, ӕмӕ фӕстиуджытӕ нырма нӕй. Фӕлӕ дзы бирӕ процедурӕтӕ ис, кӕцыты фӕстӕ хъуыддаг гӕнӕн ис бадӕттын тӕрхондонмӕ", - загъта Бибылты Анатолий.

Президент банысан кодта, хъуыддагмӕ кӕй ӕрбаздахтой УФ Хъахъхъӕнынады министрады тӕрхондоны медицинон экспертты.

"Цӕмӕй фӕстиуджытыл ма дызӕрдыг кӕной, уый тыххӕй мах ӕрбаздахтам УФ Хъахъхъӕнынады министрады тӕрхондоны медицинон экспертты. Мӕ хъуыдымӕ гӕсгӕ, ӕввахс рӕстӕджы процедурӕтӕ иууылдӕр фӕуыдзысты, ӕмӕ хъуыддаг бадӕтдзысты тӕрхондонмӕ", - бафтыдта президент.

Генералон прокуратурӕйы фӕдагуырды хайад 28 августы бакодта угодовон хъуыддаг Дзабиты Иналы мӕлӕты фӕдыл, кӕцыйы ӕрурӕдтой МХМ сӕргълӕууӕг Наниты Игоры амарын бафӕлварынмӕ зӕрдӕхсайыны тыххӕй. Уый фӕстӕ отставкӕйы арвыстой хицауады, кӕцыйы ног сконд нырма дӕр не сфидар кодтой.

6
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2