РХИ парламент

Иумӕйаг бӕллӕх: Хуссар Иры президенты уырны, депутаттӕ райсдзысты ивындзинӕдтӕ бюджетмӕ

2
(ранӕуӕггонд 14:26 11.11.2020)
Хуссар Ирыстоны хицауад рахицӕн кодта 62 милуан сомы коронавирусы ныхмӕ тохӕн, фӕлӕ цӕмӕй бюджетмӕ ивындзинӕдтӕ сӕ тыхы бахизой, уый тыххӕй сӕ хъуамӕ сфидар кӕна парламент

ЦХИНВАЛ, 11 ноя – Sputnik, Козаты Диана. Президент Бибылты Анатолийы уырны, парламенты депутаттӕ кӕй ӕрӕмбырд уыдзысты сессимӕ ӕмӕ сфидар кӕндзысты ивындзинӕдтӕ бюджетмӕ.

Хуссар Ирыстоны хицауад рахицӕн кодта 62 милуан сомы коронавирусы ныхмӕ тохӕн, фӕлӕ цӕмӕй бюджетмӕ ивындзинӕдтӕ сӕ тыхы бахизой, уый тыххӕй сӕ хъуамӕ сфидар кӕна парламент.

"Ӕз зонын, депутаттӕ кӕй сты сӕ фыдыбӕстӕйы патриоттӕ. Депутаттӕ, кӕцытӕ фехъусын кодтой, сӕ куыстмӕ кӕй нӕ рахиздзысты, уыдон дӕр хӕцӕнгарзимӕ хъахъхъӕдтой сӕ адӕмы. Уырны мӕ, уыдон кӕй райсдзысты ивындзинӕдтӕ бюджетмӕ. Алкӕмӕндӕр нӕ ис рынчынтӕ нӕ хиуӕттӕ, сыхӕгтӕ кӕнӕ ӕмбӕлтты хсӕн, уый фӕдыл депутаттӕ хъуамӕ ӕнӕмӕнг ӕрбацӕуой ӕмӕ схъӕлӕс кӕной", - загъта Бибылты Анатолий йӕ эксклюзивон интрвьюйы Sputnik-ӕн.

Йӕ ныхӕстӕм гӕсгӕ, кӕд ӕмӕ депутаттӕ ма сфидар кӕной ивындзинӕдтӕ бюджетмӕ, уӕд республикӕйы къухдариуӕгад бафӕлвардзӕн ӕндӕр варианттӕ.

"Ӕхцайы фӕрӕзтӕ хостӕ ӕмӕ ӕнӕмӕнгхъӕугӕ ифтонггарзӕн мах ссардзыстӕм цыфӕнды ма ‘рцӕуа, уӕддӕр", - бафтыдта президент.

Амӕйразмӕ парламенты фыццаг вице-спикер Гасситы Петр загъта, депутаттӕ гӕнӕн ис кӕй ӕрӕмбырд уой сессимӕ ацы къуыри.

2
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

2
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

2
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

1
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

1