Гӕбӕраты Юрийы фотоальбом

Цхинвалы мыхуыры рацыд ӕрмдӕсны Гӕбӕраты Юрийы фотоальбом

8
(ранӕуӕггонд 14:25 11.11.2020)
Хуссар Ирыстоны сгуыхт журналист Гӕбӕраты Юрийы хъӕдӕрмӕджы нывӕфтыды хаххыл кусы 25 азы. Йӕ куыстытӕ сты бирӕ зындгонд адӕмы коллекциты

ЦХИНВАЛ, 11 ноя – Sputnik, Плиты Фатимӕ. Хуссар Ирыстоны столицӕйы мыхуыры рацыд хъӕдӕрмӕджы ӕрмдӕсны, публицист Гӕбӕраты Юрийы фотоальбом. Чиныг рухсмӕ фӕзынд республикӕйы Мыхуыр ӕмӕ информацийы комитеты 2020 азы нывӕзты фӕлгӕтты, фехъусын кодта Sputnik Мыхуыры хӕдзары сӕйраг редактор Хуыгаты Анатолий.

Хуссар Ирыстоны сгуыхт журналист Гӕбӕраты Юрийы хъӕдӕрмӕджы нывӕфтыды хаххыл кусы 25 азы. Йӕ куыстытӕ сты бирӕ зындгонд адӕмы коллекциты. Лӕвары хуызы сӕ ахӕссынц хицауады делегацитӕ.

"Ивгъуыд  азы мыхуыр ӕмӕ информацийы комитеты къамисы рабадты аскъуыддзаг кодтой Гӕбӕраты Юрийы фотоальбом рауадзын. Автор у хъӕдӕрмӕджы нывӕфтыды диссаджы дӕсны. Чиныджы цы куыстыты къамтӕ ис, уыдон фылдӕр бӕрцӕй сты Нарты кадджытӕй", - загъта Хуыгаты Анатолий.

Уый ма банысан кодта, 2020 азы рауагъдадон нывӕзты кӕй ис 11 чиныджы, уыдонӕн сӕ фылдӕр хай рухс федта, аннӕтӕ та рацӕудзысты азы кӕронмӕ.

8
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2