Хуссарирыстойнаг МСНК кусӕг, милицийы майор Медойты Давид

Хуссарирыстойнаг милиционер рамбылдта ЦКФЗ чемпионат практикон ӕхстӕй

6
(ранӕуӕггонд 11:35 12.11.2020)
Цӕгат-Кавказаг федералон зылды гом чемпионат дамбацайӕ практикон ӕхстӕй ацыд Цӕгат Ирыстоны ахуырадон-тренировкӕгӕнӕн центр "Тактика-А"-йы

ЦХИНВАЛ, 12 ноя — Sputnik. Хуссарирыстойнаг МСНК кусӕг, милицийы майор Медойты Давид бацахста фыццаг бынат Цӕгат-Кавказаг федералон зылды (ЦКФЗ) гом чемпионаты дамбацайӕ практикон ӕхстӕй. Уый тыххӕй хъусын кӕны республикӕйы МХМ.

ЦКФЗ гом чемпионат дамбацайӕ практикон ӕхстӕй ацыд Цӕгат Ирыстоны ахуырадон-тренировкӕгӕнӕн центр "Тактика-А"-йы базӕйыл.

Ӕхсӕнрегионалон ерысты хайад райстой 60 ӕхсӕджы онг – Уӕрӕсейы кӕцыдӕр регионты тыхон структурӕты, хъахъхъӕнынадон уагдӕтты кусджытӕ ӕмӕ спортсментӕ.

"Мадзалы хайадисджытӕ хъуамӕ сӕххӕст кодтаиккой ӕхсӕз хӕслӕвӕрды, се хсӕн дамбацайӕ ӕхсын алыгъуызон уавӕрты ӕмӕ алыгъуызон милтӕм. Ӕхсджытӕ ерыс кодтой тагъддзинадӕй, рӕстдзӕвинады ӕмӕ динамикӕйы. Медойты Давид йӕ ныхмӕлӕуджыты разӕй фӕцис алы бӕрӕггӕнӕнтӕм гӕсгӕ дӕр ӕмӕ бацахста фыццаг бынат", - банысан кодтой пресс-службӕйы.

Уагдоны ма бафтыдтой, чемпионаты уӕлахиздзауы кӕй схорзӕхджын кодтой грамотӕ ӕмӕ майданӕй.

6
Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

1
(ранӕуӕггонд 16:14 02.03.2021)
Каратистты тренеры ныхӕстӕм гӕсгӕ, спортсментӕ сӕхи иттӕг хорз равдыстой

ЦХИНВАЛ, 2 мар - Sputnik, Гӕбӕраты Элина. Ӕвзонг каратисттӕ Хуссар Ирыстонӕй равдыстой иттӕг хорз фӕстиуджытӕ РЦИ-Аланийы чемпионат ӕмӕ фыццагады, уыдон рамбылдтой дыууадӕс майданы, фехъусын кодта Sputnik спортсменты тренер Созайты Владимир.

Уый банысан кодта, ерысты нысан уыд сбӕрӕг кӕнын хъуыздӕр каратистты ӕмӕ саразын командӕ Уӕрӕсейы фыццагадмӕ, кӕцы ацӕудзӕн 2-5 апрелы Орелы.

"Дудайты Донна ӕмӕ Тедеты Анна рамбылдтой сыгъзӕрин майдантӕ, Тадтаты Софья ӕмӕ Джиджджойты Анна – ӕвзист майдантӕ, Гаглойты Диана райста бронзӕ", - загъта Созайты Владимир.

Тренер банысан кодта, спортсментӕ сӕхи хорз кӕй равдыстой ӕмӕ ныр бахызтысты РЦИ-Аланийы командӕмӕ.

"Афтӕ ма сӕхи хорз равдыстой дебютанттӕ дӕр: Цыбырты Анастасия ӕмӕ Лалыты Джер бацахстой фыццаг бынӕттӕ, Цыдугъты Милана ӕмӕ Куыридтаты Даниил та ацыдысты дыккаг бынӕттыл. Ортъаты хотӕ Аланӕ ӕмӕ Диана та сӕ кары къордты райстой бронзӕйон майдантӕ", - радзырдта журналисттӕн тренер.

Ӕппӕтстилон каратэйӕ ерысты цыдысты 25-27 февралы Цӕгат Ирыстоны Октябры хъӕуы.

1
Зынгфӕдисон хӕдтулгӕ

Зынгфӕдисонтӕ ахуыссын кодтой хус кӕрдӕджы ссыгъд Цхинвалы цӕгаттаг кӕрон

1
(ранӕуӕггонд 15:31 02.03.2021)
Зынгсирвӕзты фӕдыл информаци бацыд УУМ радгӕсон хайадмӕ МХМ-йӕ 13.11 сахатыл

ЦХИНВАЛ, 2 мар – Sputnik, Тъехты Дзерассӕ. Цхинвал-Дзау фӕндаджы цыппӕрӕм километрыл, раздӕры хъӕу Чъехы цур ссыгъд хус кӕрдӕг, фехъусын кодта Sputnik Хуссар Ирыстоны Уӕлвӕткон уавӕрты министрады (УУМ) радгӕсоны ӕххуысгӕнӕг Хъодалаты Руслан.

"Зынгсирвӕзт аиуварс кодтой. Архайдта дзы иу зынгфӕдисон къорд", - загъта уый.

Радгӕсоны ӕххуысгӕнӕг банысан кодта, зынгсирвӕзт ӕрцыд уӕлвӕзыл. Уый сарӕзта зындзинӕдтӕ УУМ сӕрмагонд техникӕйӕн, фӕлӕ арты фӕзуат стыр нӕ уыд, ӕмӕ йӕ уайтагъд ахуыссын кодтой.

1