Югосетпотребнадзоры радзырдтой ног рынтынтӕ ӕмӕ чи сдзӕбӕх ис, уыдон тыххӕй

Югосетпотребнадзоры радзырдтой ног рынчынтӕ ӕмӕ чи сдзӕбӕх ис, уыдон тыххӕй

6
(ранӕуӕггонд 16:03 12.11.2020)
Уагдоны бӕрӕггӕнӕнтӕм гӕсгӕ, рынчындӕтты ӕмӕ амбулаторон уавӕрты хос кӕны 1207 адӕймаджы. Хыгъдӕй ист ӕрцыд 29 адӕймаджы, уыдон сдзӕбӕх сты

ЦХИНВАЛ, 12 ноя – Sputnik, Плиты Фатимӕ. Хуссар Ирыстоны коронавирусы инфекцийӕ ивгъуыд суткӕйы сӕнӕниз сты 29 адӕймаджы, фехъусын кодта Sputnik сӕйраг санитарон дохтыр Коцты Марина.

"Абон рынчындӕтты ӕмӕ амбулаторон уавӕрты хос кӕны 1207 адӕймаджы. Хыгъдӕй ист ӕрцыд 29 адӕймаджы, уыдон сдзӕбӕх сты",- загъта Коцты Марина.

Уый ма банысан кодта, фӕстаг басгӕрсты фӕстиуӕгӕн коронавирус кӕй рабӕрӕг ис ноджы 55 адӕймагӕн.

"Югосетпотребнадзоры лабораторийы ивгъуыд суткӕ ацыд 179 иртӕсты, уыдонӕй 55 равдыстой ӕвӕрццӕг хатдзӕгтӕ. Ӕдӕппӕтӕй та 15 сентябрӕй фӕстӕмӕ сбӕлвырд кодтой 1460 рынчыны коронавирусӕй, ацы ӕмгъуыд низыл фӕтых сты 253 рынчыны", - бафтыдта уый.

Йӕ ныхӕстӕм гӕсгӕ, пандемийы рӕстӕджы ӕдӕппӕт сарӕзтой 9188 тесты.

6
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

2
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

2
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

1
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

1