Парламент

Ахсджиаг фарст: Хуссар Иры парламент сразы ис бюджетмӕ баххӕстгӕнинӕгтыл

12
(ранӕуӕггонд 16:05 12.11.2020)
Фӕрӕзтӕ ацӕудзысты медикаментон ифтонгад фӕхуыздӕр кӕнынмӕ, хъахъхъӕнӕн костюмтӕ балхӕнынмӕ, афтӕ ма хосгӕнӕн уагдӕтты хӕрдӕн, фехъусын кодта финансты министр Хӕбӕлаты Аза

ЦХИНВАЛ, 12 ноя - Sputnik, Козаты Диана. Хуссар Ирыстоны парламенты депутаттӕ цыппӕрӕмы фыццаг хатт августы кӕрӕттӕй фӕстӕмӕ ӕрӕмбырд сты сессийы рабадтмӕ. Дзырд цыд республикон бюджетмӕ ивындзинӕдтӕ бахӕссыныл, кӕцытӕм гӕсгӕ хъуамӕ хицӕн ӕрцӕуа 62 миллион сомы онг коронавирусы ныхмӕ тохӕн.

Раздӕр хицауад хорзыл банымадта фӕрӕзтӕ рахицӕн кӕныны фарст, кӕцытӕн сӕ фылдӕр хай - 49 милуаны - уыдысты Инвестпрограммӕйы ӕвӕрд, аннӕ хай та сты республикӕйӕн йӕхи ӕфтиӕгтӕ. Уыдонӕй фараст милуаны нысан ӕрцӕудзысты медиктӕн стимулон фиддонтӕ раттынӕн.

Сессимӕ ӕрбацыдысты алы парламентон фракциты минӕвӕрттӕ дӕр цалдӕр депутатӕй дарддӕр.

Финансты министры х.ӕ. Хӕбӕлаты Аза бамбарын кодта депутаттӕн бюджетмӕ баххӕстгӕнинӕгты хиӕдтӕ.

"Коронавирусы апарахаты фӕстиуӕгӕн уыдон ссисты ӕнӕмӕнгхъӕуӕг. Фӕрӕзтӕ ацӕудзысты медикаментон ифтонгад фӕхуыздӕр кӕнынмӕ, хъахъхъӕнӕн костюмтӕ балхӕнынмӕ, афтӕ ма хосгӕнӕн уагдӕтты хӕрдӕн", - банысан кодта уый.

Уый ма бахахх кодта, ацы баххӕстгӕнинӕгты размӕ президент ӕмӕ хицауады фӕстауӕрцон фондтӕй хицӕн кӕй ӕрцыд 30 милуанӕй фылдӕр коронавирусы ныхмӕ тохӕн.

Вице-спикер Плиты Александр банысан кодта, ӕппӕт ацы рӕстӕджы депутатты кӕй аххосджын кодтой сӕвзӕргӕ уавӕры тыххӕй.

"Ныр мӕййӕ фылдӕр ДИФ депутатты ныхмӕ цӕуы агрессивон атакӕ, президент ӕмӕ хицауад уырнын кӕнынц, мах кӕй стӕм адӕмы фыдӕбӕтты ӕмӕ фӕрӕзты цухдзинады аххосджын. Фӕлӕ уыимӕ абоны онг депутаттӕм иу документ дӕр не рбацыд. Хицауад абоны онг не рдомдта махӕй фӕрӕзтӕ рахицӕн кӕнын. Мах та нырма июлы дзырдтам, кӕй хъӕуы ссарын фӕрӕзтӕ коронавирусы ныхмӕ тохӕн. Уӕдӕй нырмӕ рацыд бирӕ рӕстӕг. Фӕлӕ сымах ницы бацӕттӕ кодтат", - загъта Плиты Александр.

Уый ма бафтыдта, зӕгъгӕ, уыцы дамдумтӕ, ома депутаттӕ не мбырд кӕнынц сесситӕм, нӕ сӕ фӕнды ницы документтӕ равзарын, сты бынтондӕр ӕнӕбындур.

"Куыддӕр нӕм фыццаг документ ӕрбацыд, афтӕ ӕрӕмбырд стӕм. Нӕ хъӕуы арӕнтӕй хизын ӕмӕ аххосджын кӕнын депутатты. Уыимӕ иумӕ ис карз политикон-ӕхсӕнадон кризис, уый ницы фӕцис", - загъта депутат.

Гасситы Петр банысан кодта, ацы фарстытӕн дӕр кӕй ӕрцӕудзӕн сӕхи рӕстӕг ӕмӕ сын хъуамӕ исчи радта дзуаппытӕ.

Уынаффӕтӕ ахастой иу сахаты бӕрц. Гасситы Петр ма фехъусын кодта, кӕй ис ахӕм ӕнхъарӕн, цӕмӕй депутаттӕй иу йӕ цӕст дара, рафицӕнгонд ӕхцатӕ куыд хардз цӕудзысты, уымӕ. Уыцы депутатӕй ӕвзӕрст ӕрцыд Плиты Александр - ӕнӕниздзинады хъахъхъӕнынады фӕдыл парламентон комитеты сӕргълӕууӕг. Баххӕстгӕнинӕгтӕ ист ӕрцыдысты, сессийыл цы депутаттӕ уыд, уыдоны иумӕйаг хъӕлӕсӕппӕрстӕй.

12
Цхинвалы гуырӕн хӕдзар

Сывӕллӕтты омбудсмен радзырдта Цхинвалы хӕдзары раз ссаргӕ ноггуырды уавӕры тыххӕй

3
(ранӕуӕггонд 15:41 04.12.2020)
Сывӕллӕтты барты фӕдыл ӕххӕстбарджын Козаты Гульнара радзырдта Sputnik, куыд хаты йӕхи ноггуырд саби, кӕцыйы райсом ссардтой Цхинвалы хӕдзӕрттӕй иуы къӕсӕрыл

ЦХИНВАЛ, 4 дек - Sputnik, Хъуылымбегты Зӕлинӕ. Хуссар Ирыстоны столицӕйы хӕдзӕрттӕй иуы раз цы ноггуырд сабийы ссардтой, уый ӕнӕниздзинадӕн ницы тас у, фехъусын кодта Sputnik президенты цур сывӕллӕтты барты фӕдыл ӕххӕстбарджын Козаты Гульнара.

Сывӕллоны ныууагътой майрӕмбоны ӕхсӕвы Октябры уынджы иу хӕдзары къӕсӕрыл. Ныртӕккӕ республикӕйы мидхъуыддӕгты министрады кусджытӕ агурынц сылгоймаджы, кӕцы ныууагъта йӕ сабийы.

"Сывӕллоны баппӕрстой Цхинвалы цӕрӕг бинонтӕн. Райсом уыдон фӕдзырдтой милицимӕ, уый фӕстӕ сабийы уайтагъд акодтой гуырӕн хӕдзармӕ", - радзырдта омбудсмен.

Йӕ ныхӕстӕм гӕсгӕ, саби райгуырд ӕмгъуыдӕй раздӕр, фӕлӕ иумӕйагӕй йӕ цардӕн тас нӕу.

Цхинвалы гуырӕн хӕдзары куыд фехъусын кодтой, афтӕмӕй сывӕллоныл иу суткӕйӕ фылдӕр нӕ цӕуы – ӕвӕццӕгӕн уый баппӕрстой, куыддӕр райгуырд, афтӕ.

Козаты Гульнара ма радзырдта ноггуырды фидӕны хъысмӕты тыххӕй дӕр.

"Кӕд сабийы ныййарджытӕ нӕ рабӕрӕг уой, уӕд ӕй тӕрхондоны уылты ратдзысты искӕцы бинонтӕн", - банысан кодта уый.

Уый тыххӕй та, адарддӕр кодта Козаты Гульнара, хъӕуы ӕрӕмбырд кӕнын ӕнӕмӕнгхъӕуӕг документтӕ, уый фӕстӕ тӕрхондон аскъуыддзаг кӕндзӕн, кӕцы бинонты хсӕн хуыздӕр уыдзӕн ноггуырдӕн.

"Хуссар Ирыстоны тынг бирӕ бинонтӕ ис, кӕцыты фӕнды сывӕллон схъомыл кӕнын ӕмӕ, мӕ хъуыдымӕ гӕсгӕ, саби тагъд бахаудзӕн уарзӕгой бинонтӕм", - бахахх кодта сывӕллӕтты омбудсмен.

Цалынмӕ цауы лыстӕг хӕйттӕ бӕрӕг цӕуой, уӕдмӕ уал саби уыдзӕн РБМЦ гуырӕн хайады.

3

Хуссар Иры санитарон уагдоны радзырдтой коронавирусӕй ног рынчынты тыххӕй

2
(ранӕуӕггонд 15:00 04.12.2020)
Коронавирусы пандемийы райдианӕй нырмӕ Югосетпотребнадзоры лабораторийы сарӕзтӕуыд 11 419 тесты инфекции рафӕлгъауыны тыххӕй

ЦХИНВАЛ, 4 дек - Sputnik, Гӕбӕраты Элина. Хуссар Ирыстоны рабӕрӕг кодтой 24 ног фӕрынчынуӕвӕджы коронавирусон инфекцийӕ, фехъусын кодта  Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы цы 109 раиртӕсты сарӕзтам, уыдонӕй 24-ӕн разынд ӕвӕрццаг фӕстиуджытӕ. Медикты хъусдарды бын нырма ис998 адӕймаджы", - загъта Гаглойты Анна.

Йӕ ныхӕстӕм гӕсгӕ, ивгъуыд суткӕйы республикӕйы медуагдӕтты хыгъдӕй систой 28 адӕймаджы. Ӕдӕппӕт сентябры райдианӕй сӕнӕниз сты 872 рынчыны коронавирусӕй.

2
Сабанты Александр

Ирыстойнаг хъӕбысӕйхӕцӕг рамбылдта сыгъзӕрин майдан Уӕрӕсейы фыццагады

2
(ранӕуӕггонд 15:42 04.12.2020)
Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй

ЦХИНВАЛ, 4 дек — Sputnik. Ирон богал Сабанты Александр ссис Уӕрӕсейы фыццагады уӕлахиздзау уӕгъдибар хъӕбысхӕстӕй, хъусын кӕны Цӕгат Ирыстоны спорты министрады пресс-службӕ.

Уӕрӕсейы фыццагад уӕгъдибар хъӕбысхӕстӕй 23 азы кары онг спортсменты хсӕн уагъд цӕуы Смоленскы.

Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй.

"Финалмӕ фӕндагыл Сабанты Александр нӕ фембылд иу балл дӕр. Квалификацийы рамбылдта Яков Павловы 11:0 хыгъдӕй, финалы 1/8 – Гаглойты Зауыры 10:0 хыгъдӕй, финалы цыппӕрӕм хайы 5:0 хыгъды тушейыл рамбылдта Рахим Гурдалиевы, ӕрдӕгфинадлы та Бикъойты Вадимы 10:0 хыгъдӕй", - дзырдӕуы хъусинаджы.

Пресс-службӕйы бафтыдой, зӕгъгӕ, ирон хъӕбысӕйхӕцджытӕ рамбылдтой ноджы дыууӕ ӕвзист ӕмӕ ӕртӕ бронзӕйон майданы. Ӕвзист майдантӕ рамбылдтой Толпарты Аслан (92 кг) ӕмӕ Хынцӕгты Сослан (125 кг), бронзӕйон майданты хицӕуттӕ та баисты Дзукъаты Роберт (74 кг), Цкъаты Сослан ӕмӕ Цхуырбаты Артем (92 кг).

Афтӕ ма, майрӕмбоны сыгъзӕрин майданыл 97 килограммы уӕзы категорийы тох кӕндзӕн Хуыгаты Хох.

2