Бибылты Анатолий схорзӕхджын кодта Санкт-Петербургаг дохтырты COVID-19-ы ныхмӕ тохы тыххӕй

Бибылты Анатолий схорзӕхджын кодта Санкт-Петербургаг дохтырты COVID-19-ы ныхмӕ тохы тыххӕй

5
(ранӕуӕггонд 11:05 13.11.2020)
Санкт-Петербургаг специалисттӕ ӕрцыдысты республикӕмӕ ноябры райдайӕны РХИ къухдариуӕгады ӕрхуындӕй. Уыдон ӕххуыс кӕнынц сӕ хуссарирыстойнаг коллегӕтӕн хос кӕнын коронавирусимӕ пациенттӕн

ЦХИНВАЛ, 13 ноя - Sputnik. Хуссар Ирыстоны президент схорзӕхджын кодта кады грамотатӕй специалистты Санкт-Петербургӕй коронавирусон инфекцийы ныхмӕ тох кӕнынӕн ӕххуысы тыххӕй, хъусын кӕны паддзахады сӕргълӕууӕджы пресс-службӕ.

Хорзӕхты хицӕуттӕ баисты Фыццаг Санкт-Петербургаг паддзахадон медицинон университеты анестезиологи ӕмӕ реаниматологийы зонадон-клиникон центры специалисттӕ Александр Хряпа, Владимир Комок ӕмӕ Дулайты Алан.

Уӕрӕсейаг специалисттӕ дыууӕ къуырийы дӕргъы куыстой Цхинвалы рынчындӕтты ӕмӕ ӕххуыс кодтой сӕ хуссарирыстойнаг коллегӕтӕн коронавирусӕн хос кӕнын.

Президент загъта бузныг медиктӕн ӕххуысы тыххӕй ӕмӕ банысан кодта, республикӕйы стыр аргъ кӕй кӕнынц Санкт Петербургаг специалистты куыстӕн.

"Ацы вирус бандӕвта адӕмы цардыл, паддзахады экономикӕйыл. Ацы пандемимӕ никӕцы паддзахадӕн бантыст бацӕттӕ кӕнын. Фӕлӕ абоны бон сымах руаджы, ӕмӕ ӕфсӕддон госпиталы руаджы, кӕцы ис Хуссар Ирыстоны территорийыл, мах тох кӕнӕм ацы вирусимӕ", - банысан кодта президент.

Александр Хряпа загъта бузныг республикӕйы сӕргълӕууӕгӕн хъарм райсты тыххӕй.

"Мах куыстам нӕ бон куыд уыд, афтӕ. Кӕд дзы раздӕр фиппаинӕгтӕ уыд, уӕд сӕ ныр иуварс кӕнӕм, пациенттӕ уый хъуамӕ банкъардтаиккой", - загъта Александр Хряпа.

Пандемийы рӕстӕджы Хуссар Ирыстоны сбӕрӕг кодтой коронавирусӕй 1550 фӕрынчынуӕвӕджы. Коронавирусон инфекцийӕ амардысты 21 адӕймаджы.

5
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

2
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

2
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

1
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

1