Хъадамантӕ

Хуссар Иры ӕнахъом лӕппуйы ӕрцахстой пенсионеркӕмӕ балӕбурды тыххӕй

16
(ранӕуӕггонд 11:10 13.11.2020)
Фыдракӕнд саразыны фӕстӕ Знауыры районы 17-аздзыд цӕрӕг йӕхи бааууон кодта цауы бынатӕй, фӕлӕ йӕ барадхъахъхъӕнӕг органты кусджытӕ уайтагъддӕр ӕрурӕдтой

ЦХИНВАЛ, 13 ноя - Sputnik. Ӕнахъом лӕппу балӕбурдта 89-аздзыд сылгоймаджы хӕдзармӕ Хуссар Ирыстоны Сарабукъы хъӕуы, хъусын кӕны республикӕйы МХМ пресс-службӕ.

Фыдракӕнды тыххӕй информаци Цхинвалы районы милицийы хайадмӕ бацыд 11 ноябры.

"Цауы бынатмӕ ӕвӕстиатӕй ацыд слестгӕнӕн-оперативон къорд, кӕцы сбӕрӕг кодта, пенсионеркӕйы хӕдзармӕ кӕй бабырста ӕбӕрӕг гоймаг сау медицинон маскӕйы, йӕ къухы уыд кард ӕмӕ домдта, цӕмӕй йыр сылгоймаг радта ӕхца", - дзырдӕуы хъусинаджы.

Фыдгӕнӕг куы ници зынаргъ дзаумӕттӕ ссардта пенсионеркӕмӕ, уӕд йӕхи бааууон кодта цауы бынатӕй. Цхинвалы районы милицийы хайад ӕмӕ Криминалон милицийы кусджыты фӕстиуӕгджын ӕмгуыстады фӕрцы урӕд ӕрцыд фыдгӕнӕг – Знауыры районы Бахъаты хъӕуы 17-аздзыд цӕрӕг. Ӕнахъом лӕппу басаст йӕ фыдракӕндыл , бафтыдтой МХМ.

Фыдгӕнӕджы бакодтой Цхинвалы районы хайады рӕстӕгмӕдарӕн камерӕйы. Йӕ ныхмӕ гом ӕрцыд уголовон хъуыддаг.

16
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

2
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

2
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

1
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

1