Цхинвал

Хуссар Иры арӕнӕвӕрдон мадзӕлттӕ адарддӕр кодтой иу мӕймӕ

16
(ранӕуӕггонд 15:57 13.11.2020)
Республикӕйы раздӕр цы арӕнӕвӕрдон мадзӕлттӕ бакодтой, уыдон ӕмгъуыд фӕуд кодта 15 ноябры

ЦХИНВАЛ, 13 ноя — Sputnik, Козаты Диана. Коронавирусон инфекцийы апарахат ма ‘руадзыны фӕдыл оперативон штаб аскъуыддзаг кодтой адарддӕр кӕнын арӕнӕвӕрдон мадзӕлттӕ Хуссар Ирыстоны ноджы иу мӕймӕ – 15 декабры онг.

Штабы рабадт ацыд майрӕмбоны президент Бибылты Анатолийы къухдариуӕгады бын, хъусын кӕны президенты пресс-службӕ. Паддзахады сӕргълӕууӕг банхъардта адарддӕр кӕнын арӕнӕвӕрдтӕ дыууӕ къуырийы бӕсты иу мӕймӕ.

"Ацы мадзӕлттӕ сты ӕнӕмӕнгхъӕугӕ. Ацы скъуыддзаг махӕн аивыны фадат алыхатт дӕр уыдзӕн, фӕлӕ адӕм хъуамӕ зоной, пандеми тагъд кӕй нӕ фесӕфдзӕн", - хъусын кӕны президенты ныхӕстӕ йӕ пресс-службӕ.

Нысангонд ӕмгъуыдмӕ карантиныл ӕхгӕд уыдзысты ахуырадон уагдӕттӕ, сывӕллӕтты хиирхӕфсӕн центртӕ, аттракционтӕ, компьютерон клубтӕ, физикон культурӕ ӕмӕ спорты объекттӕ.

"Сӕрмагонд барамынды онг тобӕ ӕвӕрд уыдзӕн культурон-массон, спортивон, хиирхӕфсӕн мадзӕлттӕ ӕмӕ чындзӕхсӕвтӕ уадзыныл. Афтӕ ма оперативон штаб рекомендаци кӕны цӕрджытӕн фӕкъаддӕр кӕнын уазджыты нымӕц массон динон мадзӕлтты ӕмӕ зиӕнтты", - банысан кодтой пресс-службӕйы.

Уымӕй дарддӕр, Бибылты Анатолий банысан кодта, республикӕйы цӕрджытӕ бӕрнондӕр ахаст кӕй дарынц сӕрмагонд хъахъхъӕнынадмӕ, адӕм ӕмбарынц, сӕхӕдӕг кӕй хъуамӕ исой мадзӕлттӕ, цӕмӕй сыл низ ма бахӕца.

Афтӕ ма президент загъта бузныг амалиуӕггӕнджытӕн, кӕцытӕ сӕ хъус дарынц маскӕйон режим ӕххӕст кӕнынмӕ сӕ уагдӕтты, уыдон уымӕй ӕххуыс кӕнынц тох кӕнын вирусимӕ.

16
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

2
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

2
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

1
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

1