Бибылты Анатолий

Президент Бибылты Анатолий ацыд кусӕгон балцы Уӕрӕсемӕ

6
(ранӕуӕггонд 13:46 16.11.2020)
Бибылты Анатолий ӕрныхас кӕндзӕн уӕрӕсейаг чиновниктимӕ Хуссар Ирыстон ӕмӕ Уӕрӕсейы хсӕн ӕмгуыстады фарстытыл, сӕ нымӕцы коронавирусимӕ тох

ЦХИНВАЛ, 16 ноя - Sputnik. Хуссар Ирыстоны президент Бибылты Анатолий ис кусӕгон балцы Уӕрӕсейы Федерацийы.

"Мӕскуыйы Бибылты Анатолий нывӕнды ауадзын цалдӕр фембӕлды уӕрӕсейаг чиновниктимӕ, кӕцыты рӕстӕджы дзырд цӕудзӕн РХИ ӕмӕ УФ хсӕн социалон-экономикон ӕмгуыстады фарстытыл, афтӕ ма коронавирусон инфекцийы ныхмӕ тохы ӕмархайдыл", - хъусын кӕны паддзахады сӕргълӕууӕджы пресс-службӕ.

Хуссар Ирыстоны пандемийы райдайӕнӕй коронавирусӕй фӕрынчын сты 1,5 мин адӕймаджы. Республикӕйы сӕвӕрдтой ӕфсӕддон-быдырон госпиталь президент Бибылты Анатолийы уынаффӕйӕ республикӕйы Хъахъхъӕнынады министрад уӕрӕсейаг хъахъхъӕнынадон уагдонмӕ куы бадзырдта, уый фӕстӕ.

6
Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

1
(ранӕуӕггонд 16:14 02.03.2021)
Каратистты тренеры ныхӕстӕм гӕсгӕ, спортсментӕ сӕхи иттӕг хорз равдыстой

ЦХИНВАЛ, 2 мар - Sputnik, Гӕбӕраты Элина. Ӕвзонг каратисттӕ Хуссар Ирыстонӕй равдыстой иттӕг хорз фӕстиуджытӕ РЦИ-Аланийы чемпионат ӕмӕ фыццагады, уыдон рамбылдтой дыууадӕс майданы, фехъусын кодта Sputnik спортсменты тренер Созайты Владимир.

Уый банысан кодта, ерысты нысан уыд сбӕрӕг кӕнын хъуыздӕр каратистты ӕмӕ саразын командӕ Уӕрӕсейы фыццагадмӕ, кӕцы ацӕудзӕн 2-5 апрелы Орелы.

"Дудайты Донна ӕмӕ Тедеты Анна рамбылдтой сыгъзӕрин майдантӕ, Тадтаты Софья ӕмӕ Джиджджойты Анна – ӕвзист майдантӕ, Гаглойты Диана райста бронзӕ", - загъта Созайты Владимир.

Тренер банысан кодта, спортсментӕ сӕхи хорз кӕй равдыстой ӕмӕ ныр бахызтысты РЦИ-Аланийы командӕмӕ.

"Афтӕ ма сӕхи хорз равдыстой дебютанттӕ дӕр: Цыбырты Анастасия ӕмӕ Лалыты Джер бацахстой фыццаг бынӕттӕ, Цыдугъты Милана ӕмӕ Куыридтаты Даниил та ацыдысты дыккаг бынӕттыл. Ортъаты хотӕ Аланӕ ӕмӕ Диана та сӕ кары къордты райстой бронзӕйон майдантӕ", - радзырдта журналисттӕн тренер.

Ӕппӕтстилон каратэйӕ ерысты цыдысты 25-27 февралы Цӕгат Ирыстоны Октябры хъӕуы.

1
Зынгфӕдисон хӕдтулгӕ

Зынгфӕдисонтӕ ахуыссын кодтой хус кӕрдӕджы ссыгъд Цхинвалы цӕгаттаг кӕрон

1
(ранӕуӕггонд 15:31 02.03.2021)
Зынгсирвӕзты фӕдыл информаци бацыд УУМ радгӕсон хайадмӕ МХМ-йӕ 13.11 сахатыл

ЦХИНВАЛ, 2 мар – Sputnik, Тъехты Дзерассӕ. Цхинвал-Дзау фӕндаджы цыппӕрӕм километрыл, раздӕры хъӕу Чъехы цур ссыгъд хус кӕрдӕг, фехъусын кодта Sputnik Хуссар Ирыстоны Уӕлвӕткон уавӕрты министрады (УУМ) радгӕсоны ӕххуысгӕнӕг Хъодалаты Руслан.

"Зынгсирвӕзт аиуварс кодтой. Архайдта дзы иу зынгфӕдисон къорд", - загъта уый.

Радгӕсоны ӕххуысгӕнӕг банысан кодта, зынгсирвӕзт ӕрцыд уӕлвӕзыл. Уый сарӕзта зындзинӕдтӕ УУМ сӕрмагонд техникӕйӕн, фӕлӕ арты фӕзуат стыр нӕ уыд, ӕмӕ йӕ уайтагъд ахуыссын кодтой.

1