Валид Муаллем

Хуссар Иры стыр хӕлар: амард Сирийы фӕсарӕйаг хъуыддӕгты министр Валид Муаллем

7
(ранӕуӕггонд 14:31 16.11.2020)
Сирийы Фӕсарӕйнаг хъуыддӕгтӕ ӕмӕ эмигрантты хъуыддӕгты фӕдыл министр Валид Муаллем ахицӕн йӕ цардӕй 16 ноябры

ЦХИНВАЛ, 16 ноя - Sputnik. Хуссар Ирыстоны Фӕсарӕйнаг хъуыддӕгты министрад (ФХМ) барвыста тӕфӕрфӕсы нотӕ Сирийы фӕсарӕйнаг хъуыддӕгтӕ ӕмӕ эмигрантты хъуыддӕгты фӕдыл министр Валид Муаллемы амӕлӕты тыххӕй.

Нотӕйы, кӕцы ныммыхуыр кодтой уагдоны официалон сайтыл, дзырдӕуы, Муаллем кӕй уыд ахсджиаг гоймаг сириаг дипломатийы историйы ӕмӕ бахаста стыр хайбавӕрд Сирийы ӕддагполитикон интерестӕ бахъахъхъӕныны хъуыддагмӕ. Афтӕ ма Муаллем бахаста йӕ хайбавӕрд Хуссар Ирыстон ӕмӕ Сирийы хсӕн дипломатон ахастытӕ сфидар кӕнынмӕ.

"Валид аль-Муаллем стыр хъусдард здӕхта Республикӕ Хуссар Ирыстон ӕмӕ Сириаг Арабаг Республикӕйы хсӕн ӕмгуыстады фарстытӕм. Хуссар Ирыстоны адӕм алыхатт дӕр хъуыды кӕндзысты зынгӕ паддзахадон архайӕг ӕмӕ сӕ стыр хӕлары", - дзырдӕуы ФХМ нотӕйы.

Цыбыр биографион справкӕ

Валид Муаллем райгуырд 1941 азы 17 июлы Дамаскы, Сири.

Валид аль- Муаллем
Валид аль- Муаллем

1964 азӕй фӕстӕмӕ куыста Сирийы фӕсарӕйнаг хъуыддӕгты министрады, службӕ кодта сириаг дипломатон мисситы Танзани, Саудон Арави, Испани ӕмӕ Английы.

1975 азы йӕ снысан кодтой Сирийы минӕварӕй Румынийы.

1990-1999 азты куыста Сирийы минӕварӕй АИШ-ы.

2005 азы йӕ снысан кодтой Сирийы премьер-министры хӕдивӕгӕй, уыд фӕсарӕйнаг хъуыддӕгты министры хӕдивӕг.

2006 азы 11 февралы нысангонд ӕрцыд Сирийы фӕсарӕйнаг хъуыддӕгты министрӕй.

Муаллем у Сирийы историйы фӕдыл цыппар чиныджы автор: "Палестина и вооруженный мир", "Сирия в период Мандата 1917—1948", "Сирия: от независимости до объединения 1948—1958" ӕмӕ "Мир и Ближний Восток глазами американцев".

7
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

2
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

2
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

1
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

1