Цхинвалы сывӕллӕтты рынчындон

Хуссар Иры ӔХМ радзырдтой, цӕуыл бахардз кӕндзысты COVID-19 ныхмӕ тохӕн рахицӕнгонд ӕхцатӕ

7
(ранӕуӕггонд 15:42 16.11.2020)
Хуссар Иры парламент ивгъуыд цыппӕрӕмы райста бюджетмӕ ивындзинӕдтӕ, кӕцытӕм гӕсгӕ коронавирусы ныхмӕ тохӕн хицӕнгонд ӕрцыд 62 милуан сомы онг фӕрӕзтӕ

ЦХИНВАЛ, 16 ноя - Sputnik, Гӕбӕраты Элина. Хуссар Ирыстоны ӕнӕниздзинад хъахъхъӕнынад ӕмӕ социалон райрӕзты министрады радзырдтой, цӕуыл бахардз кӕндзысты ӕхцайы фӕрӕзтӕ, кӕцытӕ паддзахадон бюджетӕй  рахицӕнгонд ӕрцыдысты COVID-19 ныхмӕ тохӕн. Министрады пресс-секретарь Битеты Ирина куыд фехъусын кодта, афтӕмӕй фӕрӕзты фылдӕр хай ацӕудзӕн медикаменттӕ, хардзгӕнӕн ӕрмӕг ӕмӕ ифтонгад балхӕныныл, афтӕ ма ӕнӕниздзинад хъахъхъӕнынады къабазы кусджытӕн фиддонтӕн.

Хуссар Ирыстоны коронавирусы ныхмӕ тох кӕнынӕн фӕнд кӕнынц ӕнӕниздзинад хъахъхъӕнынады министрадӕн рахицӕн кӕнын 43 милуан сомы онг, Югосетпотребнадзорӕн та - 6 милуан сомӕй фылдӕр.

"Хицауады сӕрдары х.ӕ. Бекъойты Геннадийы барамындӕй сфидар кодтой мадзӕлтты номхыгъд, кӕцытӕ здӕхт сты республикӕйы территорийыл коронавирусы дарддӕры апарахат ӕруромынмӕ. Мадзӕлттӕн рахицӕн кодтой 49,1 милуан сомы. Иумӕйаг суммӕйӕ ӕнӕниздзинад хъахъхъӕныны министрадӕн рахицӕн кӕндзысты 42,9 милуан сомы медикаменттӕ, хардзгӕнӕн ӕмӕ хъахъхъӕнӕн ӕрмӕг,  афтӕ ма ифтонгад ӕмӕ вирусологон лабораторитӕ балхӕнынӕн, стӕй ма медицинон кусджытӕн фиддонтӕн", - загъта Битеты Ирина.

Хуссар Иры парламент ивгъуыд цыппӕрӕмы райста бюджетмӕ ивындзинӕдтӕ, кӕцытӕм гӕсгӕ коронавирусы ныхмӕ тохӕн хицӕнгонд ӕрцыд 62 милуан сомы онг фӕрӕзтӕ.

7
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2