Карантин

Хизӕм куыстмӕ: Хуссар Иры аскъуыддзаг кодтой кӕстӕр кълӕсты ахуыры фарст

5
(ранӕуӕггонд 15:49 16.11.2020)
Директорты коллегийы рабадтыл ахуырады министр Гасситы Натали, горӕты ӕмӕ районты скъолаты сӕргълӕуджытӕ аскъуыддзаг кодтой, куыд рахизой традицион ахуырмӕ кӕстӕр кълӕсты пандемийы уавӕрты

ЦХИНВАЛ, 16 ноя – Sputnik, Хъуылымбегты Азӕмӕт. Хуссар Ирыстоны кӕстӕр кълӕстӕ рахиздзысты традицион ахуырмӕ 24 ноябры, уый тыххӕй фехъусын кодта ахуырады министр Гасситы Натали республикон скъолаты директорты коллегийы рабадтыл.

Къуырисӕры рабадтыл горӕты ӕмӕ районты скъолаты разамонджытӕ бавдыстой хыгъдлӕвӕрдтӕ ахуыргӕнджытӕ ӕмӕ ахырдзауты ӕнтыстыты тыххӕй.

"Дыццӕджы мах хизӕм куыстмӕ, кӕстӕр кълӕстӕ. Абон ӕмӕ сом мах ӕнхъӕлмӕ кӕсӕм дырыс графикмӕ алкӕцы скъолайы фӕдыл дӕр", - загъта Гасситы Натали.

Министр банысан кодта, программӕмӕ, кӕцы цӕудзысты алкӕцы скъолайы дӕр, бахӕсдзысты ахӕм ӕнӕмӕнгхъӕугӕ предметтӕ, куыд математикӕ, уырыссаг, англисаг ӕмӕ ирон ӕвзаг. Ӕндӕр предметтӕ уадзыны фарст скъуыддзаг кӕндзысты скъолатӕ сӕхӕдӕг.

Министр бафтыдта, зӕгъгӕ, бирӕ ныййарджытӕ ӕмӕ ахуыргӕнджыты хъуыдымӕ гӕсгӕ, ахуырадон процесс кӕстӕр кълӕсты ӕнӕмӕнг хъӕуы райдайын.

"Ацы скъуыддзаг сфидар кодтой медицинон кусджытӕ дӕр, фӕлӕ дзы ис ӕндӕр цӕстӕнгас дӕр. Уый фӕдыл оперативон штабы фӕстаг рабадтыл ӕз рахастон фарст, цӕмӕй махӕн радтой фадат уагдоны мидӕг аскъуыддзаг кӕнын ацы проблемӕ", - загъта Гасситы Натали.

Уый бафтыдта, зӕгъгӕ, республикӕйы ахуырад пандемийы рӕстӕджы сарӕзта къахдзӕф фӕстӕмӕ.

Хуссар Ирыстоны пандемийы рӕстӕджы сбӕрӕг кодтой коронавирусӕй 1,5 рынчынӕй фылдӕр. Вирусӕй амардысты 27 адӕймаджы.

5
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2