Хуссар Иры хицауады делегации ис кусӕгон балцы Мӕскуыйы

Хуссар Иры хицауады делегации ис кусӕгон балцы Мӕскуыйы

3
(ранӕуӕггонд 11:29 17.11.2020)
Делегацийы сӕргъ лӕууы хицауады сӕрдары хӕстӕ ӕххӕстгӕнӕг Бекъойты Геннадий. Ныридӕгӕн ацыд фембӕлд УФ хъӕууон хъӕдзарады министры фыццаг хӕдивӕг Джамбулат Хатуовимӕ

ЦХИНВАЛ, 17 ноя - Sputnik. Хуссар Ирыстоны министрты кабинеты делегаци хицауады сӕрдары хӕстӕ ӕххӕстгӕнӕг Бекъойты Геннадийы сӕргълӕудӕй ис кусӕгон балцы Мӕскуыйы, хъусын кӕны хицауады пресс-службӕ.

Ныридӕгӕн делегацийӕн ацыд фембӕлд УФ хъӕууон хъӕдзарады министры фыццаг хӕдивӕг Джамбулат Хатуовимӕ. Фембӕлды хайад райста Хуссар Ирыстоны хъӕууон хъӕдзарады министры х.ӕ. Пухаты Лев.

"Уынаффӕ цыд Хуссар Ирыстоны агросӕудӕджерадон комплексы райрӕзтыл, сӕйраджыдӕр фосдард ӕмӕ зайӕгойты куыст. Уымӕй дарддӕр ма ӕрдзырдтой хъӕууон хӕдзарады спайдагӕнӕг кӕмӕй ис, уыцы зӕххы фадгуыты рекультивацийы фарстытыл, техникӕйы уавӕрыл ӕмӕ ӕндӕр актуалон темӕтыл", - дзырдӕуы хъусинаджы.

Пресс-службӕйы ма бафтыдтой, балцы фӕлгӕтты делегацийӕн кӕй ацӕудзӕн цалдӕр фембӕлды ӕмӕ бадзырдтӕ федералон уагдӕтты къухдариуӕггӕнджытимӕ.

3
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2