Автотрассӕ Гуфта-Къуаиса

Автотрассӕ Гуфта-Къуаисайыл фесты асфальтгӕнӕг куыстытӕ

20
(ранӕуӕггонд 12:45 18.11.2020)
40 километры дӕргъӕн фӕндаг цалцӕг цыд ӕртӕ азы дӕргъы Инвестицион нывӕзты фӕлгӕтты, уый сбӕтдзӕн Къуыдаргомы центр Транскамы трассӕимӕ

ЦХИНВАЛ, 18 ноя – Sputnik, Плиты Фатимӕ. Автофӕндаг Гуфта-Къуаиса сӕрӕй кӕронмӕ ӕмбӕрз ӕрцыд асфальтӕй. Аразджытӕ мӕйы ӕмгъуыдмӕ трассӕ сифтонг кӕндзысты фӕндагон нысӕнттӕй, былгӕрӕтты та сӕвӕрдзысты барьертӕ, фехъусын кодта Sputnik Хуссар Ирыстоны автомобилон фӕндӕгты арӕзтад ӕмӕ эксплуатацийы фӕдыл комитеты сӕргълӕууӕг Гуыззыттаты Эдуард.

Дорога Цхинвал-Квайса
© Sputnik / Natalia Airiyan
Автотрассӕ Гуфта-Къуаиса

Гуфта-Къуаиса у республикӕйы сӕйраг магистральтӕй сӕ иу. Йӕ дӕргъ у 40 километры. Фӕндаджы арӕзтад бахастой Республикӕ Хуссар Ирыстоны Инвестицион программӕмӕ.

"Ис ма дзы кусинӕгтӕ. Сӕвӕрдзысты фӕндаггӕрӕтты барьерон ӕмбонд, тӕссаг зонӕты фӕзындзысты отбойниктӕ, фӕндагон разметкӕйӕн йе 'мбис нырма не 'рцыд хахх. Хъӕуы ма дзы сӕвӕрын фӕндагон нысӕнттӕ дӕр. Ацы куыстытӕ хъавӕм  декабры астӕумӕ балхынцъ кӕнын",- загъта Гуыззытаты Эдуард.

Фӕндаджы цалцӕггӕнӕн куыстытӕ райдыдтой 2017 азы. Иу азмӕ фӕндагон службӕтӕ сцалцӕг кодтой трассӕйы фадыг Хъемултайы хъӕуы онг. Арӕзтады дыккаг этап уагъд цыд 2018 азы, куыстытӕ райдыдтой горӕт Къуаисайы рдыгӕй. Асфальт сӕвӕрдтой Кӕсагджыны хъӕуы онг. Ацы аз кусджытӕ баиу кодтой асфальтӕй ацы дыууӕ фадыджы ӕмӕ трассӕ цӕттӕ у эксплуатацимӕ.

Дорога Цхинвал-Квайса
© Sputnik / Natalia Airiyan
Автотрассӕ Гуфта-Къуаиса
20
Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

0
(ранӕуӕггонд 11:46 27.11.2020)
Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр

ЦХИНВАЛ, 27 ноя – Sputnik. Хуссар Ирыстоны хъахъхъӕнынады министрады хатцӕгон басгӕрстты нывӕзты фӕлгӕтты ацыдысты контролон ахуыртӕ ӕхстон цӕттӕдзинадӕй. Уый тыххӕй хъусын кӕны уагдоны пресс-службӕ.

Ӕфсӕддон службӕгӕнджытӕ ӕхстой штатон хӕцӕнгарзӕй хацӕн ӕмӕ хицӕн милтӕм алыгъуызон уавӕрты.

"Службӕгӕнӕгӕн индивидуалон нысан райсыны тыххӕй хынцыд цыдысты йӕ зонындзинӕдтӕ куыд теоретикон хаййӕ, цы ран сты ӕхсыны бындуртӕ ӕмӕ фӕткойтӕ, хӕцӕнгарзы материалон хай, ӕдасдзинады домӕнтӕ, афтӕ ма хӕстон ӕхсты фӕстиуджытӕ дӕр", - дзырдӕуы хъусинаджы.

Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр, кӕцыдӕр дӕлхайӕдты хисӕрмагонд скондимӕ та тактикон ӕмӕ сӕрмагонд цӕттӕдзинадӕй дӕр.

Контролон ахуырты нысан у ӕфсӕддон дисциплинӕйы ӕцӕгӕй ӕмвӕзад, афтӕ ма ифтонгад, ӕфсӕддон техникӕйы уавӕр рафӕлгъауын.

0
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы аргъ фыдгӕнӕджы ӕрурӕдтой

5
(ранӕуӕггонд 11:50 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бихъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

5