Сабидон

Ахуырады министр загъта йӕ хъуыды Хуссар Иры сабидӕтты уавӕры фӕдыл

6
(ранӕуӕггонд 14:08 18.11.2020)
Ноябры райдайӕны рахастӕуыд скъуыддзаг, цӕмӕй Хуссар Ирыстоны алкӕцы сабидоны дӕр бакӕной фӕйнӕ иу радгӕсон къорды

ЦХИНВАЛ, 18 ноя - Sputnik, Хъуылымбегты Зӕлинӕ. Цхинвалы сабидӕттӕм цӕуыны бар ис ӕрмӕст медицинон кусджыты сывӕллӕттӕн нӕ, фӕлӕ ма кусгӕ чи кӕны, ахӕм ныййарджыты сывӕллӕттӕн дӕр. Амӕйразмӕ фехъусын кодтой куысты режим раивыны тыххӕй, афтӕ ма бакодтой радгӕсон къордтӕ стлолицӕйы сабидӕтты, фӕлӕ ныййарджытӕй алчи раст нӕ бамбӕрста ацы скъуыддзаг.

Уавӕры тыххӕй йӕ хъуыды загъта Sputnik ахуырады министры хӕстӕ ӕххӕстгӕнӕг Гасситы Натали.

Йӕ ныхӕстӕм гӕсгӕ, кӕцыдӕр сабидӕтты хъомылгӕнджытӕ раст не мбарынц кӕнынц ныййарджытӕн куысты ног режим.

"Хъомылгӕнджытӕ ӕмбарын кӕнынц ома ӕрбакӕнӕн ис ӕрмӕстдӕр медицинон кусджыты сывӕллӕтты, фӕлӕ уый афтӕ нӕу. Мах загътам, къордӕн бирӕ сывӕллӕтты райсыны фадат кӕй нӕй, уый фӕдыл, фыццаджыдӕр, исдзыстӕм медицинон службӕйы кусджыты сывӕллӕтты, фӕлӕ ма исдзыстӕм сывӕллӕтты дӕр, кӕцыты ныййарджытӕн фадат нӕй дистанцион куыст кӕнын", - загъта Гасситы Натали.

Уый бафтыдта, зӕгъгӕ, кӕд ӕмӕ кусгӕ чи кӕны, ахӕм ныййарджыты сывӕллӕтты бирӕ райсой, уӕд бакӕндзысты уӕлӕмхасӕн радгӕсон къордтӕ.

6
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2