Югосетпотребнадзоры радзырдтой коронавирусӕй ног рынчынты фӕкъаддӕры тыххӕй

10
(ранӕуӕггонд 15:00 18.11.2020)
Фӕстаг рӕстӕджы республикӕйы ис коронавирусӕй рынчынты фӕкъаддӕры тенденци. Бӕрӕггӕнӕнтӕм гӕсгӕ, ивгъуыд суткӕ фӕрынчынуӕвджыты нымӕц у, чи сӕнӕниз ис, уыдонӕй дыууӕ хатты къаддӕр

ЦХИНВАЛ, 18 ноя – Sputnik, Плиты Фатимӕ. Ивгъуыд суткӕ Хуссар Ирыстоны рабӕрӕг кодтой 13 ног рынчыны коронавирусӕй. Ӕдӕппӕт ауагътой 115 иртӕсты, фехъусын кодта Sputnik Югосетпотребнадзоры хистӕры хӕдивӕг Гаглойты Анна.

Уагдоны бӕрӕггӕнӕнтӕм гӕсгӕ, сентябрӕй нырмӕ Хуссар Ирыстоны коронавирусӕй сӕнӕниз ис 348 адӕймаджы.

"Ивгъуыд суткӕ республикӕйы рабӕрӕг ис ковидӕй 13 рынчыны. Медикты хъусдардӕй систой 27 адӕймаджы, хос кӕнынц нырма 1277 адӕймаджы, чи рынчындӕтты, чи та хӕдзӕртты", - загъта Гаглойты Анна.

Йӕ ныхӕстӕм гӕсгӕ, сентябрӕй фӕстӕмӕ коронавирусӕй рынчынты нымӕц у 1625. Ӕдӕппӕтӕй пандемийы рӕстӕджы ауагътой 9 мин иртӕсты.

10
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2