Коцты Марина

Югосетпотребнадзоры сӕргълӕууӕг радзырдта коронавирусӕй рынчынкӕнынады динамикӕйы тыххӕй

5
(ранӕуӕггонд 11:40 19.11.2020)
Хуссар Ирыстоны сӕйраг санитарон дохтыр Коцты Марина радзырдта ДИФ минӕвӕрттӕн, кӕд фӕкъаддӕр уыдзӕн коронавирусон инфекцийы эпидеми ӕмӕ кӕд сисдзысты арӕнӕвӕрдон мадзӕлттӕ

ЦХИНВАЛ, 19 ноя - Sputnik, Гӕбӕраты Элина. Хуссар Ирыстоны чысыл фӕхуыздӕр эпидемиологон уавӕр, фӕлӕ арӕнӕвӕрдон мадзӕлттӕ сисынӕн нырма раджы у, фехъусын кодта журналисттӕн республикӕйы сӕйраг санитарон дохтыр Коцты Марина.

"Нырма ӕрӕджы рынчынкӕнынады коэффициент уыд бӕрзонд. Дыууӕ-ӕртӕ къуырийы размӕ коэффициент уыд 4-5. Уый фӕдыл ист ӕрцыдысты уӕлӕмхасӕн арӕнӕвӕрдон мадзӕлттӕ, кӕцытӕ уый фӕстӕ адарддӕр кодтой 15 декабры онг", - банысан кодта Коцты Марина.

Абоны бон, сӕйраг санитарон дохтыры ныхӕстӕм гӕсгӕ, рынчынкӕнынады коэффициент у 0,4.

"Арӕнӕвӕрдолн мадзӕлттӕ исын цӕмӕй райдайой, уый тыххӕй вирусы апарахаты коэффициент хъуамӕ ма хиза 1,0-ӕй, медицинон уагдӕтты та хуыссӕн бынӕттӕй хъуамӕ сӕрибар уа 50 проценты. Ӕвӕрццаг динамикӕмӕ ӕнӕкӕсгӕйӕ, нырма хъӕуы ӕххӕст кӕнын дезинфекцион ӕмӕ санитарон-гигиенон мадзӕлттӕ, кӕцытӕ фыст сты нормативон документты", - бафтыдта Коцты Марина.

Афтӕ ма уый радзырдта, ацы аз мартӕй фӕстӕмӕ Югосетпотребнадзоры лабораторийы кӕй сарӕзтой дӕс мин басгӕрсты коронавирус сбӕрӕг кӕныны фӕдыл.

Коцты Марина ма радзырдта, коронавирусӕй ӕмхуызон кӕй рынчын кӕнынц куыд нӕлгоймӕгтӕ, афтӕ сылгоймӕгтӕ дӕр.

"Нӕлгоймӕгты хсӕн рынчынкӕнынад у 44 проценты, сылгоймӕгтӕ та 56 проценты. Рынчынты фылдӕр хай ис горӕты, уымӕн ӕмӕ ам фылдӕр адӕм ис ӕмӕ медицинон уагдӕттӕм дӕр фылдӕр адӕм бадзурынц", - банысан кодта Югосетпотребнадзоры сӕргълӕууӕг.

Афтӕ ма гӕнӕн ис банысан кӕнын, коронавирусӕй рынчынтӕй 5% сты 17 азы кары онг сывӕллӕттӕ, 11% сты 18-29 азы кары цӕрджытӕ, 43% - 30-49 азы кары ӕмбӕстӕгтӕ ӕмӕ 17 проценты та сты 50-64 азы кары.

Уагдоны сӕргълӕууӕг та ногӕй фехъусын кодлта, кӕй хъӕуы ӕххӕст кӕнын социалон дистанци, маскӕйон режим ӕмӕ уадзын гигиенон мадзӕлттӕ.

Хуссар Ирыстоны сӕйраг санитарон дохтыр ӕрсидт республикӕйы цӕрджытӕм, цӕмӕй ма организаци кӕной массон бӕрӕгбонтӕ, ӕмӕ уымӕй фӕкъаддӕр кӕной коронавирусы апарахаты тас.

5
цифрон телеуынынад

Хуссар Ир 2022 азы кӕронмӕ ӕнӕхъӕнӕй рахиздзӕн цифрон телеуынынадмӕ

0
(ранӕуӕггонд 13:44 28.07.2021)
Абоны бон цифрон фидиуӕн ӕххӕссы республикӕйы территорийы 90 процентыл, ныридӕгӕн кусынц ӕртӕ мультиплексы

ЦХИНВАЛ, 28 июл — Sputnik, Хъуылымбегты Зӕлинӕ. Аналогон телеуыныад Хуссар Ирыстоны йӕ куыст ӕрлӕууын кӕндзӕн 2022 азы, фехъусын кодта йӕ пресс-конференцийы Sputnik бастдзинад ӕмӕ массон коммуникациты комитеты сӕргълӕууӕг Джиголаты Хасан.

Хасан Гиголаев
© Sputnik / Залина Кулумбегова
Хуссар Ирыстоны бастдзинад ӕмӕ массон коммуникациты комитеты сӕргълӕууӕг Джиголаты Хасан

Цифрон телеуынынад Хуссар Ирыстоны кусы ныр ӕртыккаг аз. Абоны бон цифрон фидиуӕн ӕххӕссы республикӕйы территорийы 90 процентыл, ныридӕгӕн кусынц ӕртӕ мультиплексы. Фыццаг дыууӕйы фӕрцы бакӕсӕн ис 20 уӕрӕсейаг телеканалмӕ, ӕртыккагмӕ та хауынц бынӕттон регионалон ДИФ - ПТРК "Алания", ПТРК "Ир" ӕмӕ "Осетия-Ирыстон".

"Цифрон телеуынынады хыз ӕххӕссы республикӕйы территорийы 92 процентыл, иннӕ астыл нырма кусы аналогон телеуынынад. Мах нӕ хицӕн кӕнӕнм аналогон телеуынынад 2022 азы онг, цӕмӕй адӕмӕн фадат радтӕм балхӕнын сӕрмагонд ифтонгад цифрон фидиуӕнӕн", - загъта Джиголаты Хасан.

Аналогон телеуынынад ахицӕн кӕныны фарс баст у уыимӕ, ӕмӕ йӕ куыстӕн ӕнӕмӕнгхъӕуӕг ифтонгады хӕйттӕ зын ссарӕн кӕй вӕййынц, банысан кодта уый.

"Инвестицион программӕйы фӕлгӕтты 2018-2019 азы республикӕйы арӕзт ӕрцыд цифрон телеуынынады хыз. Уый эксплуатацимӕ лӕвӕрд ӕрцыд аст объектыл - бӕрзӕнд "Паук", Гуфта, Малда, Ахмадз, Къуаиса, Синагут ӕмӕ Цъинагары", - ранымадта комитеты хистӕр.

Йӕ ныхӕстӕм гӕсгӕ, цифрон телеуынынадӕй ма абон иппӕрд сты Хъемулта, Цъон, Уанел, Рукъ ӕмӕ къорд ӕндӕр цӕрӕн пункты.

"Ацы хъӕуты дӕр нывӕндӕм 2022 азы онг саразын цифрон телеуынынад. Кӕд ӕхцайы фӕрӕзтӕ рӕстӕгыл райсӕм, уӕд иу азмӕ алцыдӕр сараздзыстӕм", - бахахх кодта Джиголаты Хасан.

 

0
Мегафон

"Мегафон-Хуссар Ир"-ы директор бамбарын кодта архивон тарифты ӕргъты фӕфылдӕры аххосаг

2
(ранӕуӕггонд 11:34 28.07.2021)
Чырон бастдзинады оператор фехъусын кодта, 3 августӕй кӕцыдӕр тарифты ӕргътӕ кӕй схиздзысты 50 процентӕй фылдӕры бӕрц

ЦХИНВАЛ, 28 июл – Sputnik, Козаты Диана. Хуссар Ирыстоны чырон бастдзинады иунӕг оператор фехъусын кодта августы райдианӕй архивон тарифтыл лӕггӕдты ӕргъты фӕфылдӕры тыххӕй. 

Уыдонӕй фӕдзурыны аргъ хӕдзарон регионы "Отселеком"-ы номыртӕм схиздзӕн 1,6 соммӕ иу минутӕн. Ныртӕккӕ абонӕнттӕн иу минут телефонӕй адзурын лӕууы иу сомы. Компанийы директор Николай Фирсов радзырдта Sputnik, цӕимӕ баст у ӕргъты фӕфылдӕр, уый тыххӕй.

Директор компании Мегафон - Южная Осетия Николай Фирсов
© Sputnik / Диана Козаева
"Отселеком"-ы директор Николай Фирсов

"Кӕй зӕгъын ӕй хъӕуы, ахӕм фактортӕ, куыд инфляцийы рӕзт ӕмӕ нӕ валютон бахыгъдтӕ ӕндавынц бастдзинады ӕргътыл дӕр. Тарифон плантӕ "Отличный", "Южный", "Универсальный" ӕмӕ "Универсальный ВИП" сты ахӕм плантӕ, кӕцыты бакондӕуыд дӕсӕй фылдӕр азы размӕ бынтон ӕндӕр экономикон уавӕрты. Абон уыдон хизынц архивон категоримӕ", - радзырдта Фирсов.

Компанийы директор бамбарын кодта, зӕгъгӕ, уыдон сты ахӕм продукттӕ, кӕцытӕ нал хауынц модернизацимӕ ӕмӕ сӕм ног абонентты нал иу кӕнынц къорд технологион ӕмӕ экономикон домӕнты тыххӕй.

"Уымӕ гӕсгӕ, 3 августӕй махмӕ сӕ тыхы бацӕудзысты архивон планты ивындзинӕдтӕ. Уый тыххӕй мах закъонмӕ гӕсгӕ  развӕлгъау фехъусын кодтам нӕ абоненттӕн. Уымӕ гӕсгӕ ӕнхъарӕм ахъуыды кӕнын бирӕ хӕрзвадатдӕр тарифты тыххӕй", - загъта уый.

"Остелеком"-ы сӕргълӕууӕг банысан кодта, оператор кӕй нӕ хъавы архивон плантӕ бынтондӕр хицӕн кӕнын.

2