Зымӕг Цхинвалы

Цхинвалы хицауад фехъусын кодта коммуналон кусджыты цӕттӕдзинады тыххӕй зымӕгон периодмӕ

7
(ранӕуӕггонд 13:00 20.11.2020)
Боныгъӕд кӕй февзӕрдӕр, уый фӕдыл Хуссар Ирыстоны столицӕйы коммуналон службӕтӕ сӕвӕрдтой хӕслӕвӕрд саразын хорз уавӕртӕ горӕты

ЦХИНВАЛ, 20 ноя - Sputnik, Гӕбӕраты Элина. Цхинвалы администрацийы цӕрӕнуатон-коммуналон хӕдзарады (ЦКХ) хайад цӕттӕ у зымӕгон периодмӕ, фехъусын кодта Sputnik мэрийы пресс-секретарь Коцты Зӕринӕ.

Зымӕгон периодмӕ коммуналон кусджытӕ развӕлгъау райдайынц цӕттӕ кӕнын – бакӕнынц зымӕгон цӕлхытӕ техникӕйыл ӕмӕ балхӕнынц реагенттӕ.

"ЦКХ-ӕн ис нывӕзт горӕты уынгтӕм хъус дарыны фӕдыл зымӕгон периоды. Техникӕ цӕттӕ у эксплуатацимӕ. Транспорт ӕмӕ фистӕг бӕлццонтӕ цӕмӕй ӕдасӕй цӕуой фӕндӕгтыл, уый фӕдыл балхӕдтам реагенттӕ", - загъта Коцты Зӕринӕ.

Пресс-секретарь бафтыдта, зӕгъгӕ, фыццаг уазӕлттимӕ коммуналон службӕтӕ райдайдзысты калын фӕндӕгтӕ ӕмӕ тротуартыл змис реагенттимӕ, цӕмӕй фӕкъаддӕр кӕной ФТЦ-ты тас фӕндӕгтыл.

7
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

2
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

2
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

1
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

1