Коронавирус

Хуссар Ирыстоны районон рынчындоны бакодтой "сырх зонӕ"

11
(ранӕуӕггонд 13:28 20.11.2020)
Знауыры централон рынчындоны хос кӕнынц ныридӕгӕн ӕртӕ пациенты коронавирусы инфекциимӕ

ЦХИНВАЛ, 20 ноя - Sputnik, Плиты Фатимӕ. Хуссар Ирыстоны Знауыры районы рынчындоны бакодтой "сырх зонӕ" коронавирусӕй рынчынтӕн хос кӕнынӕн, фехъусын кодтой Sputnik медуагдоны.

Ам ныридӕгӕн хос кӕнынц ӕртӕ пациенты.

Районы централон рынчындоны сӕйраг дохтыры хӕдивӕджы хӕстӕ ӕххӕстгӕнӕг Цхуырбаты Эллайы ныхӕстӕм гӕсгӕ, рынчындон акодтой дыууӕ дих, иуӕй дзы скодтой "сырх зонӕ".

"16 ноябрӕй нӕм бакодтой "сырх зонӕ", уӕд райстам фыццаг пациенты. Уӕдмӕ коронавирусӕй рынчынтӕ иууылдӕр ӕрвыстам Цхинвалмӕ. Анализты хатдзӕгтӕм гӕсгӕ сын рафыстой хостӕ ӕмӕ цадӕггай фидар кӕнынц" ,- загъта хайады хистӕр, медицинон хо Коцты Ильяна.

Йӕ ныхӕстӕм гӕсгӕ, медикаменттӕй сты ӕххӕст. Ӕмткӕй районы "сырх зонӕ"-йӕн йӕ бон райсын уыдзӕн 15 адӕймаджы бӕрц.

11
Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

1
(ранӕуӕггонд 16:14 02.03.2021)
Каратистты тренеры ныхӕстӕм гӕсгӕ, спортсментӕ сӕхи иттӕг хорз равдыстой

ЦХИНВАЛ, 2 мар - Sputnik, Гӕбӕраты Элина. Ӕвзонг каратисттӕ Хуссар Ирыстонӕй равдыстой иттӕг хорз фӕстиуджытӕ РЦИ-Аланийы чемпионат ӕмӕ фыццагады, уыдон рамбылдтой дыууадӕс майданы, фехъусын кодта Sputnik спортсменты тренер Созайты Владимир.

Уый банысан кодта, ерысты нысан уыд сбӕрӕг кӕнын хъуыздӕр каратистты ӕмӕ саразын командӕ Уӕрӕсейы фыццагадмӕ, кӕцы ацӕудзӕн 2-5 апрелы Орелы.

"Дудайты Донна ӕмӕ Тедеты Анна рамбылдтой сыгъзӕрин майдантӕ, Тадтаты Софья ӕмӕ Джиджджойты Анна – ӕвзист майдантӕ, Гаглойты Диана райста бронзӕ", - загъта Созайты Владимир.

Тренер банысан кодта, спортсментӕ сӕхи хорз кӕй равдыстой ӕмӕ ныр бахызтысты РЦИ-Аланийы командӕмӕ.

"Афтӕ ма сӕхи хорз равдыстой дебютанттӕ дӕр: Цыбырты Анастасия ӕмӕ Лалыты Джер бацахстой фыццаг бынӕттӕ, Цыдугъты Милана ӕмӕ Куыридтаты Даниил та ацыдысты дыккаг бынӕттыл. Ортъаты хотӕ Аланӕ ӕмӕ Диана та сӕ кары къордты райстой бронзӕйон майдантӕ", - радзырдта журналисттӕн тренер.

Ӕппӕтстилон каратэйӕ ерысты цыдысты 25-27 февралы Цӕгат Ирыстоны Октябры хъӕуы.

1
Зынгфӕдисон хӕдтулгӕ

Зынгфӕдисонтӕ ахуыссын кодтой хус кӕрдӕджы ссыгъд Цхинвалы цӕгаттаг кӕрон

1
(ранӕуӕггонд 15:31 02.03.2021)
Зынгсирвӕзты фӕдыл информаци бацыд УУМ радгӕсон хайадмӕ МХМ-йӕ 13.11 сахатыл

ЦХИНВАЛ, 2 мар – Sputnik, Тъехты Дзерассӕ. Цхинвал-Дзау фӕндаджы цыппӕрӕм километрыл, раздӕры хъӕу Чъехы цур ссыгъд хус кӕрдӕг, фехъусын кодта Sputnik Хуссар Ирыстоны Уӕлвӕткон уавӕрты министрады (УУМ) радгӕсоны ӕххуысгӕнӕг Хъодалаты Руслан.

"Зынгсирвӕзт аиуварс кодтой. Архайдта дзы иу зынгфӕдисон къорд", - загъта уый.

Радгӕсоны ӕххуысгӕнӕг банысан кодта, зынгсирвӕзт ӕрцыд уӕлвӕзыл. Уый сарӕзта зындзинӕдтӕ УУМ сӕрмагонд техникӕйӕн, фӕлӕ арты фӕзуат стыр нӕ уыд, ӕмӕ йӕ уайтагъд ахуыссын кодтой.

1