Цхинвал

Хуссар Иры ахуырады министрады бамбарын кодтой, чи ацӕудзӕн скъоламӕ ног къуыри

7
Кӕцы кълӕсты цӕудзӕн ахуыр, цы предметтӕ цӕудзысты скъолаты ӕмӕ ахуырады процессы ӕндӕр лыстӕгдзинӕдты тыххӕй радзырдтой Sputnik республикӕйы ахуырады министрады

ЦХИНВАЛ, 20 ноя - Sputnik, Гӕбӕраты Элина. Хуссар Ирыстоны скъолаты 5-11 кълӕсты ахуырдзаутӕ адарддӕр кӕндзысты дистанцион ахуыр цалынмӕ арӕнӕвӕрдон мадзӕлттӕ сисой, уӕдмӕ. Уый тыххӕй Sputnik фехъусын кодта ахуырады министрады пресс-секретарь Плиты Яна.

Уый бахахх кодта, ахуырады классикон формӕ дыццӕгӕй, 24 ноябрӕй, сног кӕндзысты ӕрмӕстдӕр кӕстӕркъласонтӕн.

"Ног къуырийӕ ахуырадон процесс райдайдзӕн 1-4 кълӕсты ахуырдзаутӕн. Аннӕ скъоладзаутӕ уыдзысты дистанцион ахуырыл цалынмӕ эпидемиологон уавӕр фӕхуыздӕр уа, уӕдмӕ", - радзырдта министрады пресс-секретарь.

Плиты Янайы ныхӕстӕм гӕсгӕ, цӕмӕй коронавирусы апарахаты тас фӕкъаддӕр кӕной, уый фӕдыл ахуыр кӕндзысты ӕрмӕстдӕр сӕйраг дисциплинӕтӕ – математикӕ, уырыссаг, англисаг ӕмӕ ирон ӕвзаг.

Афтӕ ма уый бафтыдта, зӕгъгӕ, скъолаты уӕлӕмхасӕн къордтӕ нӕ райдайдзысты кусын, уый фӕдыл ахуыргӕнӕндӕтты ӕххӕст сихортӕ нӕ уыдзӕн.

Цхинвалы скъола-интернаты ног къуырийӕ сӕ ахуыр сног кӕндзысты ӕрмӕст кӕстӕр кълӕстӕ нӕ, фӕлӕ ма скъолайы агъоммӕ къорд ӕмӕ коррекцион кълӕстӕ.

7
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2