Хуссар Иры райдиан скъола ӕрӕвнӕлдта ахуырмӕ карантины фӕстӕ

© Sputnik / Natalia Airiyan Скъоладзаутӕ
Скъоладзаутӕ - Sputnik Хуссар Ирыстон
Рафыссын
Ахуырады министрады аскъуыддзаг кодтой, цæмæй республикæйы æппæт скъолаты дæр 15-æм декабрьмæ райдиан кълæстæн цæуой фондзбонон ахуыртæ, уроктæ та уадзой æрмæст æнæмæнгхъæуæгдæр чи сты, уыцы предметтæй

ЦХИНВАЛ, 24 ноя – Sputnik, Дриаты Лейла. Хуссар Ирыстоны скъолаты райдиан кълӕсты ахуыргӕнинӕгтӕ дыццӕгӕй ӕрӕвнӕлдтой ахуырмӕ дӕргъвӕтин карантины фӕстӕ.

Хистæркъласонтæ кæд фæцайдагъ сты интернеты руаджы ахуырыл æмæ сæхицæн сæ бон у æнæ искæй æххуысæй сæ уроктæ сахуыр кæнын, уæд райдиан кълæсты ахуыргæнинæгтæн та ацы хъуыддаг у бирæ зындæр.

Ахуырад æмæ зонады министры хæстæ æххæстгæнæг Гасситы Натали куыд банысан кодта, афтӕмӕй пандеми уӕлдай стыр зиан ӕрхаста ахуырадон процессæн.

Коцты Марина - Sputnik Хуссар Ирыстон
Югосетпотребнадзоры сӕргълӕууӕг радзырдта коронавирусӕй рынчынкӕнынады динамикӕйы тыххӕй

"Нæ ахуырад лæугæ нæ, фæлæ баззадис фæстейæ. Ацы хъуыддаг фыццаджыдæр хауы фыццаг æмæ дыккагкъласонтæм. Дыккагкъласонтæ ивгъуыд аз дæр уадиссаг ницы сахуыр кодтой. Ацы аз нæ фæндыд, цæмæй сахуыр кодтаиккой сæ фароны программæйæ дæр, фæлæ та нæм бакодтой карантин. Ахæм уавæры ныр сты фыццагкъласонтæ дæр. Райдиан кълæсты, тынг нæ куы бафæнда, уæддæр нæ ракæндзыстæм дистанцион ахуырмæ", - банысан кодта министры хæстæ æххæстгæнæг.

Гасситы Натали ма куыд бахахх кодта, афтæмæй карантины уæвгæйæ дæр тас у корнавирусон инфекцийы апарахатæй, уымæн æмæ бинонты æхсæн уæддæр вæййы контакттæ æндæртимæ, афтæ ма сывæллæттæ дæр уынджы кæрæдзийыл амбæлынц æмæ тас у, низ куы хæссой, уымæй.

Уымӕ гӕсгӕ ахуырады къабазы кусджыты коллегийы рабадты рæстæджы скъуыддзаг æрцыд, цæмæй республикæйы æппæт скъолаты дæр 15-æм декабрьмæ райдиан кълæстæн цæуой фондзбонон ахуыртæ. Уроктæ та уадзой æрмæст æнæмæнгхъæуæгдæр чи сты, уыцы предметтæй - ирон æвзаг, математикæ, уырыссаг æвзаг æмæ англисаг æвзаг. Иннæ предметтæ уадзыны хъуыддаг та скъуыддзаг кæндзæнис алкæцы скъола йæхæдæг.

Ног хабӕртты лентӕ
0