Куырой

Хъӕубӕсты ӕвдисӕндар: Хуссар Иры Борджнисы хъӕуы сарӕзтой куырой

28
(ранӕуӕггонд 10:06 24.11.2020)
Ирон адæмы фыдæлтæн æнусы дæргъы куырой лæггад кодта, æнæ уымæй сын цæрæн нæ уыд æмæ абон дæр кæд ссад цæттæйæ исæм, дзул магазины æлхæнæм, уæддæр йæ нысаниуæг нæма фесæфта

ЦХИНВАЛ, 24 ноя – Sputnik, Дриаты Лейла. Хуссар Ирыстоны Борджнисы хъӕуы сног кодтой фыдӕлты куырой, фехъусын кодта хъӕуӕй рацӕугӕ, ӕхсӕнадон архайӕг Бететы Юрий.

Ирон адӕмы фыдæлты рагæй фæстæмæ фæндаг нæмын кæдæм хъуыдис, уыцы бынæттæй сæ иу уыдис куырой. Уымæ афæдзы кæцыфæнды афон дæр цыдысты æмæ дзы ссадтой алыгъуызон нæмыгон культурæтæ.

"Борджнисы хъæуы бынмæ цы цæугæдон уыдис, уым арæзт уыдис куырой. Фæлæ æндæр хъæуты цæрджытау Борджнисы адӕм дæр куы скадавар сты, куы фæлыгъдысты æндæр æмæ æндæр рæттæм цæрынмæ, уæд раууатмæ æрцыдис сӕ куырой дæр. Æмæ ныр иугæр хъæубæстæй чидæртæ æрбазхдæхтысты, аразынц сæ хæдзæрттæ, уæд сфæнд кодтам нæ куырой дæр фæстæмæ йæхи рагон бынаты саразын æмæ йæ сарæзтам. Уымæн æмæ куырой дæр у хъæубæсты цæрджыты æвдисæндар", - радзырдта Бететы Юрий.

Уый банысан кодта, цы æндæр æмæ æндæр хуыз куырæйттæ ис, уыдонæй ирон хæххон лæг сæйраджыдæр кӕй пайда кодта доныл арæзт куырæйттæй. Цæугæдон та алы хъæумæ хæстæг нæ цыдис, уæлдайдæр та бæрзонд хæххон хъæуты, уымæ гæсгæ сæ фылдæр хатт цæуын хъуыдис бынæй кæмдæр хæххон цæугæдоныл кæй арæзтой, уыцы куырæйттæм.

Сæ куырой та ногæй кæй скусдзæнис, уымæй райгондæй баззадысты, Борджнисы ма цы бæрцыл цæрджытæ баззадысты, уыдон.

Хъæуы ацæргæ адæм куыд дзырдтой, афтæмæй куыроймæ фæндаг æхгæд никуы уыд, зымæджы карз уазæлтты дæттæ ма ныссалдаиккой, ма ныих уыдаиккой, уымæй дарддæр. Дон иу ивылд куы уыд, уæд куырой уыцы доныл æгасæйдæр нæ арæзтой, фæхицæн-иу дзы кодтой, цас хъуыдис, уыйбæрц дон.

Ссыны процесс тагъд нæ цыдис. Цъус ссинагмæ дæр æнхъæлмæ кæсын хъуыд бирæ рæстæджы æмæ-иу æхсæв дæр сбон кодтой. Ссгæ та-иу кодтой, сæйраджыдæр, сæхæдæг кæй тыдтой, уыцы мæнæу, сысджы, нартхор æмæ æндæр хуыз нæмыгон культурæты.

Куыройæн ахсджиаг нысаниуæг кæй уыдис адæмы царды, уымæ гæсгæ сæ арæзтой фыдыфыртгай, гъе та хъæугай. Куырой арæзтой куыд дурæй, афтæ хъæдæй дæр. Быдтой-иу сæ уистæй дæр.

Борджнисы хъӕу
Из личного архива Лейлы Дриаевой

Доны куырæйттæй дарддæр ма ирон адӕмы фыдæлтæ пайда кодтой къухы куырæйттæй дæр, фæлæ сæ ахадындзинад бирæ нæ уыдис. Ссадтой дзы, йæ бæрц цъус кæмæн уыд æмæ сæ тагъдыл чи хъуыд, ахæм ссинаг, стæй ма-иу сæ пайда кодтой, доны куырæйттæ-иу зымӕгон куы ныссалдысты, уæддæр. Бæрæг куыд у, афтæмæй къухы куырой фæзындис доны куыройæ раздæр.

Афтæ æнусы дæргъы куырой ирон адæмæн лæггад кодта æмæ абон дæр кæд ссад цæттæйæ исæм, дзул магазины æлхæнæм, уæддæр йæ нысаниуæг нæма фесæфта.

28
Транскам

Транскам сӕхгӕдтой ӕвзӕр боныгъӕд ӕмӕ зӕйтӕ 'рцӕуыны тасы тыххӕй

1
(ранӕуӕггонд 09:38 18.01.2021)
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ

ЦХИНВАЛ, 18 янв - Sputnik. Транскавказаг автомагистралыл фӕндагон змӕлд сӕхгӕдтой хуыцаубоны 21.00 сахатыл ӕвзӕр боныгъӕд ӕмӕ зӕйтӕ 'рцӕуыны тасы тыххӕй, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.

"Хуыцаубоны 21.00 сахатӕй сӕрмагонд барамынды онг Транскамыл уыдзӕн ӕхгӕд фӕндагон змӕлд", - дзырдӕуы пресс-службӕйы хъусинаджы.

Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ.

Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.

 

1
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

9
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

9